Ester 4:16 - ŊMALƐ KRƆŊKRƆŊ LƐ

¹⁶ “Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Ṅmãle̱ Kroṅkroṅ Le̱

¹⁶ Yabua Iudafoi ní yo̱ Šušan le̱ fẽ nā ke̱-kpe, ni nyehĩ ṅmä nyehãmi, ni nyekayea nii ni nyekanua nu hũ nyõṅ-nyōṅ ke̱ ſaneſane gbĩĩ etẽ; mi hũ ke̱ miblayei le̱ bahĩ ṅmā̃ nakai noṅṅ. Ke̱-ke̱ ni maya maṅtše̱ le̱ ṅõ tše̱ dšee mla le̱ nā ni; ni *ke̱dši milādše hũ, bĕle̱ milādše! *2 Maṅ. 7,4.

Ester 4:16 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Mose 43:14

Aba mli akɛ Nyɔŋmɔ Ofe lɛ ahã nuu lɛ musuŋ atsɔ̃ lɛ yɛ nyɛhe, koni eŋmɛɛ nyɛnyɛmi mɔ kome lɛ kɛ Benyamin he ehã nyɛ. Shi mi lɛ, kɛji aaakpakpaa mibii lɛ fɛɛ yɛ mihe jiŋŋ, efeee nɔ ko.”

2 Samuel 10:12

Feemɔ ekãa, ni hã wɔ fɛɛ wɔfee nuu yɛ wɔmaŋbii kɛ wɔNyɔŋmɔ lɛ maji lɛ ahewɔ, ni Yehowa aaahã nɔ ni lɛ esumɔɔ lɛ aba mli.”

2 Maŋtsɛmɛi 7:4

Kɛji wɔkɛɛ akɛ, “Nyɛhãa wɔbotea maŋ lɛ mli lɛ, hɔmɔ lɛ yɛ maŋ lɛ mli; ni wɔɔɔgboi yɛ jɛi. Ni kɛji wɔtara biɛ hu gboimɔ nɔŋŋ wɔbaagboi. No hewɔ lɛ, nyɛbaa; nyɛhãa wɔyagbea Siriabii lɛ ata lɛ mli moŋ; kɛji amɛhere wɔyi wala lɛ, wɔyi aaana wala; ni kɛji amɛgbe wɔ lɛ belɛ wɔɔgboi kɛkɛ.”

2 Kronika 20:3

Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

Ezra 8:21

Kɛkɛ ni mishiɛ yɛ jɛi akɛ ahi ŋmãa yɛ Ahawa Faa lɛ naa, koni wɔba wɔhe shi wɔhã wɔNyɔŋmɔ lɛ ni wɔkpa lɛ fai koni ehã wɔ kɛ wɔbii kɛ wɔnabii fɛɛ afee shweshweeshwe yɛ wɔgbɛfãa lɛ mli.

Ester 4:15

Ester kɛ hetoo nɛɛ tsu akɛyahã Mɔdekai.

Ester 4:17

Kɛkɛ ni Mɔdekai yiŋ etee, ni eyafee bɔ ni Ester kɛɛ eyafee lɛ pɛpɛɛpɛ.

Ester 4:3

Shikpɔŋ fɛɛ shikpɔŋ nɔ he ni maŋtsɛ lɛ kitã kɛ akpɔ lɛ yashɛ lɛ, ŋkɔmɔyeli kpeteŋkple bagbee shi yɛ jɛi Yudafoi lɛ ateŋ. Amɛhi ŋmãa, amɛye ŋkɔmɔ, amɛwo yara amɛfo, ni mɛi babaoo kɔlɔ kpekpe amɛbu, ni amɛho amɛkamɔ lamlu mli.

Ester 5:1

Be ni Ester ehi ŋmãa gbii etɛ̃ lɛ ekɔlɔ emaŋnyɛ atadei lɛ ewo, kɛkɛ ni ebote maŋtsɛ we lɛ mli, ni etee eyadamɔ maŋtsɛ we lɛ mligbɛ kpo lɛ nɔ yɛ maŋtsɛ lɛ asa lɛ ŋlɛnɔ. Nakai be mli lɛ maŋtsɛ lɛ yɛ asa lɛ nɔ. Eta emaŋtsɛ sɛi lɛ nɔ, ni ehiɛ miikwɛ asa lɛ shinaa lɛ naagbɛ.

Ester 9:31

koni amɛ kɛ amɛshwiei aye Purim gbii lɛ yɛ be ni ato lɛ mli tamɔ bɔ ni amɛto be kɛ gbɛjianɔ ni amɛkɛhiɔ ŋmãa, ni amɛkɛfeɔ yara lɛ.

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yeremia 36:9

Yuda Maŋtsɛ Yehoiakim, Yosia bi lɛ, maŋtsɛyeli afi ni ji enumɔ lɛ mli nyɔŋ ni ji nɛɛhu lɛ nɔ lɛ, Yerusalɛmbii kɛ mɛi ni jɛɔ Yuda maji amli amɛbaa Yerusalɛm lɛ hi ŋmaa yɛ Yehowa hiɛ.

Daniel 2:18

ni ebi amɛ akɛ amɛsɔle amɛkpa Nyɔŋmɔ ni yɔɔ ŋwɛi lɛ fai akɛ emusuŋ aaatsɔ̃ lɛ yɛ amɛhe; asaŋ amɛbi lɛ koni egbele teemɔŋ sane lɛ hiɛ etsɔ̃ɔ amɛ, bɔ ni afee ni akagbe amɛ hu afata Babilonbii nilelɔi krokomɛi lɛ ahe.

Mateo 12:40

Ejaakɛ bɔ ni Yona ye shwaneshwane kɛ nyɔɔŋnyɔɔŋ gbii etɛ̃ yɛ ŋshɔŋ loo kpeteŋkple lɛ musuŋ lɛ, nakai Gbɔmɔ Bi lɛ aaaye shwaneshwane kɛ nyɔɔŋnyɔɔŋ gbii etɛ̃ yɛ shikpɔŋ mli tɔ̃ɔ.

Luka 9:24

Ejaakɛ mɔ fɛɛ mɔ ni sumɔɔ akɛ ebaa esusuma yi lɛ, eeelaaje lɛ; shi mɔ ni laajeɔ esusuma yɛ mihewɔ lɛ, eeehere eyiwala.

Yohane 19:22

Pilato here nɔ akɛ, “Nɔ ni miŋma lɛ, miŋma.”

Bɔfoi 10:7

Be ni bɔfo ni kɛ lɛ bawie lɛ etee lɛ, etsɛ ewebii lɛ ateŋ mɛi enyɔ kɛ asraafonyo ko ni sheɔ Nyɔŋmɔ gbeyei ni ji mɛi ni sɔ̃mɔɔ lɛ lɛ ateŋ mɔ kome,

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Bɔfoi 21:13

Shi ehere nɔ ekɛɛ, “Mɛni nyɛfeɔ nɛɛ, nyɛmiifo ni nyɛkɛmiiwo mi awerɛho? Mi lɛ, jeee fii kɛkɛ misaa mihe mito, shi moŋ gbele diɛŋtsɛ yɛ Nuŋtsɔ Yesu gbɛi lɛ hewɔ yɛ Yerusalɛm.”

Bɔfoi 27:33

Shi kɛbaa jetsɛremɔ mli lɛ, Paulo kpa amɛ fɛɛ fai akɛ amɛye nɔ ko ni ekɛɛ, “Gbii nyɔŋma kɛ ejwɛ sɔŋŋ nɛ ni nɔ ko nɔ ko eyako nyɛdaaŋ.

Bɔfoi 9:9

Ni enaaa nii, ni asaŋ eyeee nii ni enuuu nɔ ko hu gbii etɛ̃.

Romabii 16:4

amɛkɛ amɛhe wo gbele mli yɛ miyiwala hewɔ, ni jeee mi kɛkɛ midaa amɛ shi, shi moŋ jeŋmaji lɛ amli asafoi lɛ fɛɛ hu daa amɛ shi.

Filipibii 2:30

ejaakɛ Kristo nitsumɔ lɛ hewɔ lɛ ebɛŋkɛ gbele kwraa, ni ekɛ ehe wo osharã mli, koni ebaye nyɛnajiaŋ kɛsɔ̃mɔ mi yɛ sɔ̃ɔmɔ ni ehiii nyɛ sɔ̃ɔmɔ lɛ hewɔ.

Yoshua 24:15

Kɛji esaaa nyɛhiɛ akɛ nyɛaasɔ̃mɔ Yehowa lɛ, no lɛ ŋmɛnɛ gbi nɛɛ lɛ nyɛkɔa mɔ ni nyɛaasɔ̃mɔ, nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia shikpɔŋ lɛ nɔ lɛ ni jio, Amorbii ni nyɛyɔɔ amɛshikpɔŋ nɔ nɛɛ anyɔŋmɔi lɛ ni jio, nyɛkɔa; shi mi lɛ, mi kɛ miwe lɛ wɔbaasɔmɔ Yehowa.”

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”