Ester 4:14 - ŊMALƐ KRƆŊKRƆŊ LƐ

¹⁴ Ejaakɛ kɛji omua onaa kɛta shi yɛ nɛkɛ be nɛɛ mli tete, yelikɛbuamɔ baajɛ he ko kɛ̃ aba ahã Yudafoi, ni abaahere amɛyiwala, shi bo kɛ otsɛ we lɛ hiɛ aaakpãtã. Namɔ aaale akɛ eko lɛ nɛkɛ be nɛɛ hewɔ ni ahã obatsɔ̃ maŋnyɛ nɛɛ lɛ.”

Ṅmãle̱ Kroṅkroṅ Le̱

¹⁴ Edšake̱ ké̱ obu onā kwrā ye̱ ne̱ke̱ be ne̱ mli le̱, no le̱ mumo̱ ke̱ dšiemo̱ ke̱ walaheremo̱ aadše̱ he kroko ate ši ahã Iudafoi le̱; ši bo le̱ oke̱ otše̱ we le̱ hĩe aakpãtã. Ši ne̱ke̱ *be ne̱ hewo̱ noṅṅ onine še̱ maṅnyeyeli le̱ ne̱ ne̱ dšiṅ, namo le? *1 Mose 45,7.

Ester 4:14 ပူးပေါင်းရင်းမြစ်များ

1 Mose 22:14

No hewɔ lɛ, Abraham wo jɛi gbɛi akɛ “Yehowa aaakwɛ.” No hewɔ akɛɔ kɛ ŋmɛnɛ akɛ, “Yehowa Gɔŋ lɛ nɔ aaakwɛ yɛ lɛ.”

2 Maŋtsɛmɛi 13:5

Kɛkɛ ni Yehowa jie herelɔ ko ehã, koni ebakpɔ̃ amɛ kɛje Siriabii lɛ adɛŋ; no hewɔ lɛ, Israelbii lɛ hi amɛshĩai lɛ amli tamɔ tsutsu lɛ yɛ toiŋjɔlɛ mli.

2 Maŋtsɛmɛi 19:3

Ni amɛyakɛɛ lɛ akɛ, “Haomɔ kɛ jɛmɔ kɛ hiɛshishwiemɔ gbi ji ŋmɛnɛ gbi nɛɛ. Wɔtsɔ̃mɔ tamɔ yoo ni fɔmɔ eta ehe ni ejwa ahoso, shi ebɛ hewalɛ ni ekɛfɔɔ.

Ezra 9:9

Ejaakɛ nyɔji ji wɔ; shimɔ kɛkɛ oshiko wɔ yɛ wɔnyɔŋyeli lɛ mli; shi moŋ ohã Persia maŋtsɛmɛi lɛ ena wɔ mɔbɔ, ni ohã wɔyi ena wala koni wɔma oshĩa lɛ ni wɔsaa emli tsukoi lɛ. Okɛ ohewalɛ lɛ efo afabaŋ ewo wɔhe yɛ Yuda kɛ Yerusalɛm, koni wɔfee shweshweeshwe.”

Nehemia 6:11

Shi mikɛɛ, “Aso nuu tamɔ mi baajo foi? Ani nuu tamɔ mi aaajo foi kɛya Sɔlemɔtsu lɛ mli, koni eyi ana wala? Miyaaa!”

Ester 2:15

Agbɛnɛ ebashɛ Ester ni ji Mɔdekai tsɛkwɛ Abihail biyoo mɔ ni eŋɔ lɛ efee lɛ diɛŋtsɛ ebi lɛ nɔ, ni ebaaya maŋtsɛ lɛ ŋɔɔ. Ester diɛŋtsɛ biii nɔ ko nɔ ko koni ekɛsaa ehe kɛya. Nɔ ni Hegai, maŋtsɛ piafonyo ni kwɛɔ yei lɛ, kɔ hã lɛ lɛ, no Ester kɛsaa ehe. Ni Ester he fee mɛi fɛɛ ni na lɛ lɛ akɔnɔ pam.

Ester 2:17

Maŋtsɛ lɛ sumɔ Ester fe oblayei krokomɛi lɛ fɛɛ. Ester hiɛ ba nyam jogbaŋŋ yɛ maŋtsɛ lɛ hiɛ fe yei fɛɛ; ni ena ehe miishɛɛ fe oblayei lɛ fɛɛ ni no hewɔ lɛ, ekɛ maŋnyɛyeli akekre lɛ fi Ester yitso kɛkɛ ni ewo lɛ maŋnyɛ yɛ Vashti najiaŋ.

Ester 2:7

Be ni Mɔdekai baa lɛ ekɛ etsɛkwɛ̃ ko biyoo ko ba, ejaakɛ awusa ni. Oblayoo nɛɛ gbɛi ji Ester, shi Hebri mli lɛ atsɛɔ lɛ Hadasa. Oblayoo lɛ he yɛ fɛo, ni ehiɛŋtso yɛ akɔnɔ pam. Be ni enyɛ kɛ etsɛ fɛɛ gboi lɛ, Mɔdekai ŋɔ lɛ ekɛfee lɛ diɛŋtsɛ ebiyoo.

Ester 4:13

Mɔdekai hu tsu kɛ hetoo nɛɛ koni akɛyahã Ester, “Kaasusu akɛ ni oyɔɔ maŋtsɛ we lɛ mli hewɔ lɛ bo lɛ ohe baaje Yudafoi fɛɛ asane nɛɛ mli.

Ester 4:15

Ester kɛ hetoo nɛɛ tsu akɛyahã Mɔdekai.

Hiob 9:18

Ehãaa mana mumɔhe, shi ewoɔ mi jaramɔ moŋ.

Jajelɔ 3:7

Be yɛ ni atserɛɔ nii amli, ni be hu yɛ ni akpɛɔ nii; be yɛ ni afeɔ dioo, ni be hu yɛ ni awieɔ.

Yesaia 49:23

Maŋtsɛmɛi aaatsɔmɔ tamɔ tsɛmɛi aha nyɛ, ni maŋnyɛmɛi aaatsɔmɔ tamɔ yei fufɔhalɔi ahã nyɛ. Amɛkɛ amɛhiɛ aaabumɔ shi, amɛaakoto nyɛ, ni amɛaalɛmɔ nyɛnaji ahe mlu. Kɛkɛ lɛ nyɛaana nyɛle akɛ mi ji Yehowa. Mɛi ni hiɛ kã minɔ lɛ, amɛhiɛ gboiŋ.”

Yesaia 54:17

Shi tawuunii ko kwraa bɛ ni asɔ̃ ni aaanyɛ bo awui aye. Ooona hetoo oha wiemɔ fɛɛ wiemɔ ni aaawie ashi bo. Enɛ ji nɔ ni asaa ato. Yehowa tsuji agboshinii kɛ amɛjalɛ ni jɛ midɛŋ lɛ.” Yehowa kɛɛ.

Yeremia 30:11

Ejaakɛ mikɛ nyɛ yɛ koni mahere nyɛyiwala. Mibakpãtã majimaji fɛɛ ni migbɛ nyɛ mishwã amɛnɔ lɛ ahiɛ kɛmɔ shi. Shi bo lɛ, mikpãtãŋ ohiɛ kɛmɔŋ shi; shi kɛ̃lɛ mibagbala otoi bɔ ni sa kɛkɛ, ni mihaŋ oŋɔ ohe oye tswaa.”

Yeremia 46:28

Miwebii Yakob shwiei, nyɛkashea gbeyei, Yehowa kɛɛ, ejaakɛ mi kɛ nyɛ yɛ. Mibakpãtã maji fɛɛ ni mishwie nyɛ kɛtee amɛŋɔɔ lɛ ahiɛ butuu, shi nyɛ lɛ mikpãtãŋ nyɛhiɛ kɛmɔŋ shi. Mibagbala nyɛtoi bɔ ni sa kɛkɛ, mikɛ nyɛhe ekeŋ nyɛ efolo tswaa nakai. Mi, Yehowa, mikɛɛ.”

3 Mose 26:42

no lɛ mibakai mi kɛ Yakob teŋ kpãŋmɔ lɛ, kɛ mi kɛ Isak teŋ kpãŋmɔ lɛ hu, kɛ mi kɛ Abraham teŋ kpãŋmɔ lɛ hu, ni mibakai amɛshikpɔŋ lɛ.

Mateo 16:18

Ni mi hu miikɛɛ bo akɛ, bo ji Petro lɛ, ni nɛkɛ tɛsaa nɛɛ nɔ matswa misafo lɛ mama, ni gbohiiaje agboi lɛ nyɛŋ enɔ aye.

Mateo 24:22

Ni kɛ afooo nakai gbii lɛ anɔ lɛ, ahereŋ heloo ko heloo ko yiwala; shi mɛi ni ahala lɛ ahewɔ lɛ aaafo nɔ.

5 Mose 32:36

Ejaakɛ Yehowa baafã ewebii ahe; ebaana amɛ mɔbɔ kɛji ena akɛ amɛhewalɛ fɛɛ etã, ni eshwɛko mɔ ko mɔ ko kwraa, mɔ ni hiɛ ehe jio, nyɔŋ jio.

Kojolɔi 15:6

Filistibii lɛ bi akɛ, “Namɔ po ni fee enɛ?” Akɛɛ amɛ akɛ, “Samson, Timnanyo lɛ shaanuu lɛ, ni, ejaakɛ eshaanuu lɛ eŋɔ eŋã lɛ ehã Samson naanyo lɛ.” Kɛkɛ ni Filistibii lɛ yiŋ amɛtee ni amɛyashã yoo lɛ kɛ etsɛ lɛ fɛɛ.

1 Samuel 12:22

Ejaakɛ Yehowa kwaŋ nyɛ yɛ egbɛi kpeteŋkple lɛ hewɔ; asaŋ esa ehiɛ hu akɛ ekɛ nyɛ afee lɛ diɛŋtsɛ emaŋ.

1 Samuel 17:29

David jie enaa ekɛɛ, “Mɛni mifee? Jeee sane kɛkɛ mibi?”