Ester 3:7 - ŊMALƐ KRƆŊKRƆŊ LƐ

⁷ Maŋtsɛ Ahashwerosh maŋtsɛyeli afi ni ji nyɔŋma kɛ enyɔ lɛ nɔ klɛŋklɛŋ nyɔŋ ni atsɛɔ lɛ Nisan lɛ nɔ lɛ, Haman hã abɔ̃i oshiki, ni ji Pur, fɔ̃ɔ daa gbi kɛtao gbi ni hi hã eyiŋtoo lɛ he nitsumɔ. Afɔ̃ oshiki nɛɛ aahu kɛyashi nyɔŋ ni ji nyɔŋma kɛ enyɔ, ni ji Adar nyɔŋ lɛ nɔ.

Ṅmãle̱ Kroṅkroṅ Le̱

⁷ Kleṅkleṅ nyõṅ le̱, ni dši Nisan nyõṅ le̱, no̱ ye̱ maṅtše̱ Ahašweroš yino̱ afi ní dši nyoṅma ke̱ enyo̱ le̱ no̱ le̱, ame̱fõ *Pur, no dši ošiki, ye̱ Haman hĩe ye̱ gbĩ-fẽ-gbĩ hewo̱ ke̱ nyõṅ-fẽ-nyõṅ hewo̱ āhũ ke̱-yaši nyõṅ ní dši nyoṅma ke̱ enyo̱ ni dši Adar nyõṅ le̱ no̱. *9,24.

Ester 3:7 ပူးပေါင်းရင်းမြစ်များ

Ezra 4:6

Be mli ni Ahashwerosh bɔ̃i maŋtsɛyeli lɛ, gbɔmɛi nɛɛ ŋmãa wolo kɛyafolɔɔ mɛi ni yɔɔ Yuda kɛ Yerusalɛm lɛ anaa.

Ezra 6:15

Agbe shĩa lɛ naa yɛ Maŋtsɛ Dario maŋtsɛyeli afi ni ji ekpaa lɛ nɔ, yɛ Adar nyɔŋ lɛ nɔ gbi ni ji etɛ̃ lɛ nɔ.

Nehemia 2:1

Gbi ko yɛ Nisan nyɔŋ lɛ nɔ yɛ Maŋtsɛ Artashasta yinɔ afi ni ji nyɔŋmai enyɔ lɛ nɔ lɛ, maŋtsɛ lɛ miiye nii, ni wain ma ehiɛ. Miwo wain lɛ, ni mikɛhã lɛ. Enako mi ni mifee mɔbɔmɔbɔ yɛ ehiɛ pɛŋ.

Ester 1:3

Emaŋtsɛyeli afi ni ji etɛ̃ lɛ nɔ lɛ, Maŋtsɛ Ahashwerosh ŋmɛ okplɔ̃ ehã elumɛi kɛ etsuji fɛɛ yɛ maŋtsɛ we lɛ mli. Mɛi okplɔ̃ ni eŋmɛ lɛ ji Persia kɛ Media shikpɔji lɛ anɔ tatsɛmɛi lɛ kɛ amralofoi lɛ.

Ester 2:16

Kɛkɛ ni aŋɔ Ester ayahã Maŋtsɛ Ahashwerosh yɛ emaŋtsɛyeli we lɛ mli. Maŋtsɛ Ahashwerosh maŋtsɛyeli afi ni ji kpawo lɛ mli Tebet nyɔŋ lɛ ni ji nyɔŋ ni ji nyɔŋma lɛ nɔ akɛ Ester yahã lɛ lɛ.

Ester 9:1

Kɛkɛ ni nyɔŋ ni ji nyɔŋma kɛ enyɔ ni atsɛɔ lɛ Adar lɛ nɔ gbi ni ji nyɔŋma kɛ etɛ̃ lɛ bashɛ, ni ji gbi ni abaaye maŋtsɛ kitã kɛ akpɔ lɛ nɔ lɛ. Be mli ni Yudafoi lɛ ahenyɛlɔi lɛ ahiɛ kã nɔ akɛ amɛbaana Yudafoi lɛ anɔ hewalɛ lɛ, amɛhiɛnɔkãmɔ nɛɛ tsake ekroko, ni Yudafoi lɛ moŋ na hewalɛ yɛ amɛhenyɛlɔi lɛ anɔ.

Ester 9:21

ni ekɛfo efɔ̃ shi ehã Yudafoi lɛ akɛ amɛye Adar nyɔŋ lɛ nɔ gbi ni ji nyɔŋma kɛ ejwɛ kɛ gbi ni ji nyɔŋma kɛ enumɔ lɛ akɛ gbijurɔ daa afi,

Ester 9:5

No hewɔ lɛ, Yudafoi lɛ fee amɛhenyɛlɔi lɛ bɔ ni amɛsumɔɔ. Amɛfã klante yɛ amɛhenyɛlɔi lɛ anɔ, ni amɛgbegbee amɛ, ni amɛkpãtã amɛhiɛ.

Abe̱i 16:33

Afɔ̃ɔ oshiki kɛtaoɔ nii anaa; shi bɔ ni eeetamɔ lɛ, Yehowa ji mɔ ni tsɔ̃ɔ.

Mateo 27:35

Be ni amɛsɛŋ lɛ lɛ, amɛfɔ̃ oshiki amɛkɛja etadei lɛ.