Ester 3:13 - ŊMALƐ KRƆŊKRƆŊ LƐ

¹³ Kɛkɛ ni akɛ woji lɛ tsu bɔfoi kɛtee maŋtsɛ lɛ shishi shikpɔji lɛ fɛɛ anɔ. Wiemɔ ni yɔɔ woji lɛ amli ji akɛ gbi kome jenamɔ, ni ji nyɔŋ ni ji nyɔŋma kɛ enyɔ, ni ji Adar nyɔŋ lɛ nɔ, gbi ni ji nyɔŋma kɛ etɛ̃ lɛ nɔ lɛ, aplenee Yudafoi ni yɔɔ he fɛɛ he, oblahii jio, hiimeji jio, gbekɛbii jio, yei, jio agbe mɔ fɛɛ mɔ ni akɛbule amɛshishi ni asaŋ aha nibii ni amɛyɔɔ.

Ṅmãle̱ Kroṅkroṅ Le̱

¹³ Ni ake̱ wodši le̱ tšũ bo̱foi ni he yo̱ oyá ke̱-te maṅtše̱ le̱ šikpõdši le̱ fẽ no̱, koni akpãtã Iudafoi le̱ fẽ ahĩe, ni agbeame̱ ni aplenēame̱, oblahĩĩ ke̱ hĩĩmedši, gbekẽbii ke̱ yei fẽ, gbĩ kome dšenamo̱, ye̱ nyõṅ ní dši nyoṅma ke̱ enyo̱ ni dši nyõṅ Adar le̱ no̱, gbĩ ni dši gbĩ nyoṅma ke̱ etẽ le̱ no̱, ni aha ame̱nii.

Ester 3:13 ပူးပေါင်းရင်းမြစ်များ

2 Kronika 30:6

No hewɔ lɛ, maŋtsɛ lɛ kɛ maŋ onukpai lɛ ŋmala woji, ni amɛkɛtsu bɔfoi kɛtee Israel kɛ Yuda heihei fɛɛ. Maŋtsɛ lɛ shɛɛ lɛ kɛɛ akɛ, “Israelbii, nyɛkpalea nyɛbaa Yehowa, ni ji Abraham kɛ Isak kɛ Israel Nyɔŋmɔ lɛ ŋɔɔ, ni lɛ hu eeebɛŋkɛ nyɛ, nyɛ mɛi ni nyɛhe je mli, ni Asiria maŋtsɛmɛi lɛ anine eyashɛɛɛ nyɛnɔ koni amɛŋɔ nyɛ nom lɛ.

Ester 7:4

Amrɔ nɛɛ mli lɛ, ahɔ̃ɔ wɔ, mi kɛ mimaŋbii lɛ, ahã koni akpãtã wɔhiɛ, ni agbe wɔ kɛbule wɔshishi. Eji ahɔ̃ɔ wɔ akɛ nyɔji hii kɛ nyɔji yei kɛkɛ kulɛ egbaŋ minaa, ni kulɛ mikɛŋ nɔ ko, ejaakɛ piŋmɔ ni abaapiŋ wɔ lɛ ejeee nɔ ko kwraa kɛji akɛto maŋtsɛ nii ni baafite he.”

Ester 8:5

ni ekɛɛ lɛ akɛ, “Nii, kɛji esa ohiɛ lɛ, no lɛ hã aŋmã wolo koni akɛyatsi yiŋsha ni Hamedata bi Haman, Agagnyo lɛ, to koni ekɛkpãtã Yudafoi ni yɔɔ Maŋtsɛ shikpɔji fɛɛ anɔ lɛ ahiɛ lɛ naa.

Ester 9:1

Kɛkɛ ni nyɔŋ ni ji nyɔŋma kɛ enyɔ ni atsɛɔ lɛ Adar lɛ nɔ gbi ni ji nyɔŋma kɛ etɛ̃ lɛ bashɛ, ni ji gbi ni abaaye maŋtsɛ kitã kɛ akpɔ lɛ nɔ lɛ. Be mli ni Yudafoi lɛ ahenyɛlɔi lɛ ahiɛ kã nɔ akɛ amɛbaana Yudafoi lɛ anɔ hewalɛ lɛ, amɛhiɛnɔkãmɔ nɛɛ tsake ekroko, ni Yudafoi lɛ moŋ na hewalɛ yɛ amɛhenyɛlɔi lɛ anɔ.

Ester 9:10

ni ji Hamedata bi Haman, Yudafoi ahenyɛlɔi lɛ, bihii nyɔŋma lɛ fɛɛ hu. Shi Yudafoi lɛ ehaaa mɛi anii.

Ester 9:5

No hewɔ lɛ, Yudafoi lɛ fee amɛhenyɛlɔi lɛ bɔ ni amɛsumɔɔ. Amɛfã klante yɛ amɛhenyɛlɔi lɛ anɔ, ni amɛgbegbee amɛ, ni amɛkpãtã amɛhiɛ.

Hiob 9:25

“Migbii lɛ ahe yɛ oya fe foijolɔ, amɛhoɔ amɛyaa, ni amɛnaaa nɔ kpakpa ko.

Yesaia 10:6

Mifã lɛ miwo maŋ ni sheee Nyɔŋmɔ gbeyei lɛ he. Mifã lɛ koni eyatua mɛi ni mimli efu amɛ lɛ, koni eyaha amɛ, koni eshɔ̃ amɛdɛŋ nii, koni enaanaa amɛnɔ tamɔ anaa blohuŋ ŋmiamɔ.

Yeremia 51:31

Tsulɔ ni hiɛ foi kɛ tsulɔ kroko hu ni hiɛ foi kpeɔ, ni bɔfo ni hiɛ foi kɛ bɔfo kroko ni hiɛ foi kpeɔ ni amɛ fɛɛ amɛhiɛ wiemɔ ni amɛkɛmiiya amɛkɛyatswa Babilon maŋtsɛ adafi akɛ aŋɔ maŋ lɛ fɛɛ tswɛm!

Romabii 3:15

Amɛhe yɛ oya kɛ láshishwiemɔ;

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

1 Samuel 15:3

No hewɔ lɛ, yaa ni oyatua Amalekbii lɛ, ni okpãtã nɔ fɛɛ nɔ ni amɛyɔɔ lɛ hiɛ. Okɛ amɛhe akake amɛ, shi ogbe amɛ, nuu ni jio, abifao ni kã fufɔ naa ni jio, tsina ni jio, yooma ni jio, teji ni jio, ogbe fɛɛ.”

1 Samuel 22:19

Saul hã akɛ klante kpãtã Nob maŋ muu lɛ fɛɛ hiɛ; agbe hii kɛ yei kɛ gbekɛbii kɛ abifabii kɛ tsinai kɛ teji kɛ toi fɛɛ.