Ester 3:12 - ŊMALƐ KRƆŊKRƆŊ LƐ

¹² No hewɔ lɛ, afi lɛ nɔ klɛŋklɛŋ nyɔŋ lɛ nɔ gbi ni ji nyɔŋma kɛ etɛ̃ lɛ nɔ lɛ, Haman kpee maŋtsɛ lɛ woloŋmalɔi lɛ fɛɛ, ni amɛnaa bakpe shi. Amɛŋma wolo lɛ bɔ pɛpɛɛpɛ ni Haman fã amɛ akɛ amɛŋma lɛ koni akɛyahã amraloi lɛ kɛ lumɛi ni kwɛɔ shikpɔŋ fɛɛ shikpɔŋ nɔ kɛ maŋ fɛɛ maŋ mli onukpa fɛɛ onukpa hu. Shikpɔŋ fɛɛ shikpɔŋ lɛ aŋma ewolo lɛ yɛ lɛ diɛŋtsɛ eniŋmãa mli, ni maŋ fɛɛ maŋ lɛ aŋma ewolo lɛ yɛ ewiemɔ mli. Aŋmala woji lɛ yɛ Maŋtsɛ Ahashwerosh gbɛi mli, ni akɛ ewolonaasɔomɔ waoga lɛ sɔo naa.

Ṅmãle̱ Kroṅkroṅ Le̱

¹² Ke̱ke̱ ni atšé̱ maṅtše̱ le̱ woloṅmãlo̱ĩ le̱ ke̱-ba ye̱ kleṅkleṅ nyõṅ le̱ no̱ gbĩ ni dši gbĩ nyoṅma ke̱ etẽ le̱ no̱; ni aṅmã bo̱ni Haman fã́ le̱ pe̱pē̱pe̱, ni ake̱yahã maṅtše̱ le̱ amraloi ke̱ lume̱i ní yeo̱ šikpoṅ-fẽ-šikpoṅ no̱ le̱, ke̱ maṅ-fẽ-maṅ mli onukpai le̱, šikpoṅ-fẽ-šikpoṅ le̱ aṅmã ke̱ *le̱dientše̱ eniṅmã ni maṅ-fẽ-maṅ hũ ye̱ le̱dientše̱ ewiemo̱ mli; ni aṅmã ye̱ maṅtše̱ Ahašweroš gbe̱i ano̱, ni ake̱ maṅtše̱ le̱ wolonāso̱omo̱ga le̱ se̱o nā. *1,22.

Ester 3:12 ပူးပေါင်းရင်းမြစ်များ

1 Maŋtsɛmɛi 21:8

Kɛkɛ ni Yezebel ŋma woji yɛ Ahab gbɛi mli, ni ekɛ Ahab wolonaasɔomɔnɔ lɛ sɔo woji lɛ anaa, kɛkɛ ni ekɛmaje Yezreel maŋ onukpai kɛ abladei ni kɛ Nabot yɔɔ jɛi lɛ.

Ezra 8:36

Kɛkɛ ni amɛkɛ maŋtsɛ lɛ mlai lɛ hã amraloi lɛ kɛ lumɛi lɛ ni yɔɔ Eufrate lɛ anaigbɛ biɛgbɛ lɛ, ni gbɔmɛi nɛɛ ye amɛbua maŋ lɛ kɛ Nyɔŋmɔ We lɛ.

Ester 1:22

Kɛkɛ ni Maŋtsɛ Ahashwerosh tsu kɛ woji kɛtee eshikpɔji lɛ fɛɛ anɔ. Aŋma shikpɔŋ fɛɛ shikpɔŋ wolo lɛ yɛ shikpɔŋ lɛ diɛŋtsɛ niŋmaa kɛ ewiemɔ mli akɛ, “Nuu fɛɛ nuu lɛ, lɛ eye ewe nɔ; ni nɔ ni lɛ ebaakɛɛ lɛ, no afee naagbee.”

Ester 3:11

Maŋtsɛ Ahashwerosh kɛɛ Haman akɛ, “Gbɔmɛi lɛ diɛŋtsɛ ni jio, shikai ni amɛyɔɔ lɛ ni jio, mikɛ fɛɛ ewo odɛ̃ŋ. Feemɔ amɛ bɔ ni osusuɔ akɛ esa.”

Ester 8:2

Maŋtsɛ lɛ jie ewaoga ni ekɛsɔoɔ wolo naa, ni ehe yɛ Haman dɛŋ lɛ yɛ ewao ni ekɛhã Mɔdekai. Ester tu Haman shĩa lɛ ewo Mɔdekai dɛŋ koni ekwɛ nɔ.

Ester 9:27

Yudafoi lɛ to gbii nɛɛ akɛ gbijurɔ. Amɛfo amɛŋmɛ shi amɛhã amɛhe kɛ amɛshwiei kɛ mɛi fɛɛ ni aaabadɔmɔ amɛ akɛ amɛye gbii enyɔ nɛɛ daa afi, yɛ be ni ato lɛ mli kɛbɔ hu ni ato akɛ aye amɛ ahã lɛ; ni ekaho amɛyi kɔkɔɔkɔ.

Daniel 3:10

Nii, bɛ owo akpɔ akɛ be fɛɛ be ni tɛtɛrɛmantɛrɛi kɛ koofɛŋ kɛ bɛji kɛ saŋkui kɛ obentai kɛ lalai srɔtoi lɛ aaagbɛɛ pɛ, mɔ fɛɛ mɔ akula shi koni eja shika amãgã lɛ,

Daniel 6:12

Kɛkɛ ni gbɔmɛi nɛɛ bua amɛhe naa kɛtee maŋtsɛ lɛ ŋɔɔ, ni amɛyakɛɛ lɛ akɛ, “Nii, bɛ owo akpɔ ko akɛ kɛyaashi biɛ gbii nyɔŋmai etɛ̃ lɛ, mɔ fɛɛ mɔ ni baashi bo osɛɛ, ni eeebi nyɔŋmɔ ko loo gbɔmɔ adesa ko nii lɛ ashɛ nakai gbɔmɔ lɛ afɔ̃ jatai abu lɛ mli?” Maŋtsɛ lɛ to he akɛ, “Nakai ni. Mediabii kɛ Persiabii amla ni, ni atsakeee hiɛ kɔkɔɔkɔ.”

Daniel 6:15

Kɛkɛ ni gbɔmɛi lɛ bua amɛhe naa kɛbanina maŋtsɛ lɛ, ni amɛbakɛɛ lɛ akɛ, “Nii, na ole akɛ yɛ Mediabii kɛ Persiabii amla naa lɛ akpɔ loo kitã ni maŋtsɛ ena ewo lɛ atsakeee.”

Daniel 6:25

Enɛ sɛɛ lɛ Maŋtsɛ Dario ŋmã wolo ekɛmaje majimaji kɛ asafoi kɛ je lɛ mli wiemɔi srɔtoi ashikpɔji anɔ bii fɛɛ akɛ, “Nyɛhea omanye!

Daniel 6:8

Agbɛnɛ, Maŋtsɛ, ofainɛ ni owo akpɔ nɛɛ, ni aŋmã awo woloŋ, ni osɔo naa koni etsɔ̃ tamɔ Mediabii kɛ Persiabii amla ni atsakeee hiɛ lɛ.”