Ester 2:5 - ŊMALƐ KRƆŊKRƆŊ LƐ

⁵ Nakai be mli lɛ Yudanyo ko yɛ Susa, maŋtsɛmaŋ lɛ mli, ni atsɛɔ lɛ Mɔdekai. Benyaminnyo Yair bi ji lɛ, ni efeɔ Shimei nabi kɛ Kish nanakansowa.

Ṅmãle̱ Kroṅkroṅ Le̱

⁵ Agbe̱ne̱ Iudanyo ko ye̱ Šušan mō̃ le̱ṅ, ni egbe̱i dši Mordekai, ni Benyaminnyo *Kiš bi Šimei bi Iair bi dši le̱, *1 Sam. 14,51.

Ester 2:5 ပူးပေါင်းရင်းမြစ်များ

2 Samuel 16:5

Be ni Maŋtsɛ David shɛ Bahurim akrowa lɛ, Saul wekunyo ko ni egbɛi ji Shimei ni atsɛɔ etsɛ akɛ Gera lɛ je kpo ekɛ David bakpe, ni be ni ebaa fɛɛ lɛ, belɛ eelomɔ Maŋtsɛ David.

2 Maŋtsɛmɛi 24:12

Kɛkɛ ni Yuda Maŋtsɛ Yehoiakin kɛ enyɛ kɛ ebii kɛ etsuji kɛ elumɛi kɛ epiafoi lɛ je kpo kɛtee, ni amɛkɛ amɛhe yahã Babilon maŋtsɛ lɛ. Babilon maŋtsɛ lɛ yinɔ afi ni ji kpaanyɔ lɛ nɔ lɛ eŋɔ Yehoiakin nom.

2 Maŋtsɛmɛi 24:15

Nebukadnezar ŋɔ Yehoiakin kɛ enyɛ kɛ eŋãmɛi kɛ piafoi kɛ shikpɔŋ lɛ nɔ kãkãlɔi lɛ fɛɛ nom kɛjɛ Yerusalɛm kɛtee Babilon.

Ester 1:2

Susa maŋ lɛ mli ji he ni emaŋtsɛ sɛi lɛ yɔɔ, ni jɛi ejɛɔ ni eyeɔ maji lɛ anɔ.

Ester 10:3

Mɔdekai, Yudanyo lɛ, batsɔ̃ Maŋtsɛ Ahashwerosh diɛŋtsɛ sɛɛmɔ tuuŋtu, kɛ gbɔmɔ wulu hu yɛ enyɛmimɛi Yudafoi lɛ ateŋ; amɛbuɔ lɛ, ni amɛsumɔɔ esane; ni lɛ hu be fɛɛ be lɛ etaoɔ emaŋbii lɛ kɛ amɛshwiei fɛɛ ekpakpa; ni ekɛ amɛ wieɔ kɛ naajɔlɛ.

Ester 2:3

Maŋtsɛ baanyɛ eto tsuji yɛ shikpɔŋ fɛɛ shikpɔŋ nɔ koni amɛbua oblayei froi ni ahe yɔɔ fɛo lɛ fɛɛ anaa kɛba yei awe lɛ mli yɛ Susa, ni ji maŋtsɛmaŋ lɛ mli. Atu oblayei nɛɛ awo Hegai ni ji maŋtsɛ piafonyo ni kwɛɔ yei asaji anɔ lɛ dɛŋ koni ekwɛ ni ahiɛ amɛ jogbaŋŋ.

Ester 2:4

Ni oblayoo ni baasa maŋtsɛ hiɛ lɛ, Maŋtsɛ aŋɔ lɛ akɛ maŋnyɛ ato Vashti najiaŋ.” Maŋtsɛ lɛ na akɛ ŋaawoo lɛ hi, ni no hewɔ lɛ, eye nɔ.

Ester 5:1

Be ni Ester ehi ŋmãa gbii etɛ̃ lɛ ekɔlɔ emaŋnyɛ atadei lɛ ewo, kɛkɛ ni ebote maŋtsɛ we lɛ mli, ni etee eyadamɔ maŋtsɛ we lɛ mligbɛ kpo lɛ nɔ yɛ maŋtsɛ lɛ asa lɛ ŋlɛnɔ. Nakai be mli lɛ maŋtsɛ lɛ yɛ asa lɛ nɔ. Eta emaŋtsɛ sɛi lɛ nɔ, ni ehiɛ miikwɛ asa lɛ shinaa lɛ naagbɛ.

1 Samuel 9:1

Benyamin nuu niiatsɛ ko hi shi ni atsɛɔ lɛ Kish. Etsɛ gbɛi ji Abiel, Benyaminnyo Afia bi Bekorat bi Zeror lɛ bi ni.