Ester 10:2 - ŊMALƐ KRƆŊKRƆŊ LƐ

² He ni egbojee shɛ kɛ nibii ni etsu yɛ ehewalɛ kɛ enyɛmɔ naa, kɛ he ni ewo Mɔdekai nɔ grɔŋŋ kɛyashɛ lɛ aŋmala fɛɛ yɛ Media kɛ Persia Maŋtsɛmɛi Ayinɔ Saji Awolo lɛ mli.

Ṅmãle̱ Kroṅkroṅ Le̱

² Ši ehewale̱ nitšumo̱i ní etšu le̱ ke̱ *egbodšē ke̱ onukpa ní maṅtše̱ le̱ wo Mordekai le̱ he sãdši fẽ le̱, ani aṅmãko ye̱ Media ke̱ Persia maṅtše̱mei le̱ ayino̱sãdši awolo le̱ mli? *8,2. 15.

Ester 10:2 ပူးပေါင်းရင်းမြစ်များ

1 Maŋtsɛmɛi 11:41

Agbɛnɛ nibii fɛɛ ni Solomon fee kɛ enitsumɔ kɛ enilee lɛ, aŋma fɛɛ yɛ Solomon he Saji Awolo lɛ mli.

1 Maŋtsɛmɛi 14:19

Agbɛnɛ Yeroboam he saji fɛɛ, nii ni efee, bɔ ni ewu tai kɛ bɔ ni eye maŋtsɛ ehã lɛ, aŋma yɛ Israel Maŋtsɛmɛi lɛ Ayinɔ Saji Awolo lɛ mli.

1 Maŋtsɛmɛi 22:39

Ahab he saji krokomɛi ni eshwɛ kɛ nibii fɛɛ ni efee kɛ shuɔ wu tsu ko ni ema kɛ maji fɛɛ ni eto lɛ, aŋma fɛɛ yɛ Israel Maŋtsɛmɛi Ayinɔ Saji Awolo lɛ mli.

Ester 2:23

Be ni atao sane lɛ mli lɛ, ebakã shi faŋŋ akɛ eyɛ mli anɔkwale. No hewɔ lɛ, asɛŋ Bigtan kɛ Teresh yɛ tso nɔ, ni Maŋtsɛ Ahashwerosh fã, ni aŋma sane nɛɛ awo Yinɔ Asaji wolo lɛ mli yɛ maŋtsɛ lɛ diɛŋtsɛ hiɛ.

Ester 6:1

Nakai gbi lɛ nyɔɔŋ lɛ mli fɛɛ lɛ wɔ tse yɛ maŋtsɛ lɛ hiŋmɛiŋ. No hewɔ lɛ, efã akɛ ayakɔ yinɔi asaji ahe wolo lɛ kɛba koni abakane atsɔ̃ɔ lɛ.

Ester 8:15

Mɔdekai je maŋtsɛ lɛ hiɛ etee, ni ewo maŋtsɛ atade ni akɛ mama bluu kɛ mama yɛŋ ekpɛ, kɛ enɔ atade wuyaa ni akɛ klala yɛŋ kɛ kuŋtu tsuru faa kpɛ. Shika akekre agbo fi eyitso. Susa maŋ lɛ nya ni amɛna miishɛɛ.

Ester 8:2

Maŋtsɛ lɛ jie ewaoga ni ekɛsɔoɔ wolo naa, ni ehe yɛ Haman dɛŋ lɛ yɛ ewao ni ekɛhã Mɔdekai. Ester tu Haman shĩa lɛ ewo Mɔdekai dɛŋ koni ekwɛ nɔ.

Ester 9:4

Ejaakɛ nɛkɛ be mli lɛ Mɔdekai etsɔ̃ gbɔmɔ wulu yɛ maŋtsɛ we lɛ mli, ni daa gbi lɛ nɛkɛ ehewalɛ lɛ daa kɛyaa nɔ; ni egbɛi ehehe kɛkpele shikpɔji lɛ fɛɛ anɔ.

Lalai 18:35

Oo Yehowa, okɛ oyiwalaheremɔ tsɛŋ lɛ ehere miyiwala; ni ohewalɛ hiɛ mimli, ni oyibaamɔ lɛ ehã mije agbo.

Daniel 2:48

Agbɛnɛ Maŋtsɛ Nebukadnezar wo Daniel nɔ, ni ehã lɛ gbɛnaa grɔŋŋ, ni ekekee lɛ nibii wuji babaoo hu, ni efee lɛ Babilon kpokpai lɛ anɔkwɛlɔ, asaŋ kɛ maŋtsɛ lɛ he ŋaawolɔi lɛ fɛɛ anukpa yɛ maŋtsɛwe lɛ.