Ester 1:12 - ŊMALƐ KRƆŊKRƆŊ LƐ

¹² Shi Maŋnyɛ Vashti kwa, ni eyaaa tsɛmɔ ni maŋtsɛ lɛ tsu piafoi lɛ akɛ abatsɛ lɛ lɛ. No hewɔ lɛ, maŋtsɛ lɛ mli fu naakpa ni emli wo la.

Ṅmãle̱ Kroṅkroṅ Le̱

¹² Ši maṅuye Wašti ekplẽẽ bā boni maṅtše̱ le̱ tšũ piafoi le̱ bakē̱le̱ le̱. Nohewo̱ le̱ maṅtše̱ le̱ mli fũ naakpa, ni emli wo la.

Ester 1:12 ပူးပေါင်းရင်းမြစ်များ

1 Mose 3:16

Yoo lɛ, lɛ lɛ ekɛɛ lɛ akɛ, “Hã mahã ohe ajara bo, yɛ omusuhiɛmɔ mli. Hejaramɔ mli ooofɔ bii yɛ; owu lɛ sɛɛgbɛ oootao, ni lɛ eeeye onɔ.”

Ester 1:11

Kɛkɛ ni efã amɛ akɛ amɛya koni amɛyaŋɔ Maŋnyɛ Vashti kɛba ehiɛ; ebu emaŋnyɛ fai lɛ kɛba. Anɔkwa emaŋnyɛ lɛ he yɛ fɛo jogbaŋŋ, ni Maŋtsɛ Ahashwerosh miitao akɛ egbɔi lɛ ana emaŋnyɛ lɛ he fɛo lɛ.

Ester 1:13

Kɛji sane ko ba nɛkɛ lɛ, Maŋtsɛ Ahashwerosh sumɔɔ akɛ ebi ŋaawoo yɛ nilelɔi kɛ mɛi ni le shikpɔŋ lɛ nɔ mlai amli kɛ saneyeli mli jogbaŋŋ lɛ adɛŋ. Enɛ hewɔ lɛ, etsɛ eŋaawolɔi lɛ.

Ester 7:7

Maŋtsɛ lɛ te shi kɛ mlifu kɛshi okplɔ̃ lɛ he kɛtee trom ni yɔɔ maŋtsɛ we lɛ he lɛ mli. Haman na maŋtsɛ lɛ hiŋmɛi sha akɛ kɛji ena lɛ Haman lɛ efɔŋ lɛ, eeefee. No hewɔ lɛ, Haman te shi koni ekpa Maŋnyɛ Ester fai koni akɛ ewala ake lɛ.

Lalai 74:1

Oo, Naa Nyɔŋmɔ, mɛɛba oshɛrɛ wɔ oshwie kwraa nɛkɛ? Mɛɛba omlifu lɛ jɛleɔ woɔ olɛɛhe lɛ toi nɛɛ?

Lalai 79:5

Oo Yehowa, mɛɛ beyinɔ omli aaafu kɛyaashi? Ani omli aaafu kɛya naanɔ lo? Ani owuŋayeli atso tamɔ la lo?

2 Mose 32:19

Ni amrɔ pɛ ni Mose bɛŋkɛ shitoohe lɛ ni ena tsina lɛ kɛ joo ni maŋ lɛ joɔ lɛ, kɛkɛ ni emli wo la, ni ekɛ tɛi tɛtɛrɛbii lɛ tswia shi.

2 Mose 32:22

Aaron jie enaa ekɛɛ, “Minuŋtsɔ mli akawo mi la. Bo diɛŋtsɛ ole akɛ maŋ nɛɛ sumɔɔ efɔŋ feemɔ.”

Abe̱i 19:12

Maŋtsɛ mlifu tamɔ jata huumɔ; shi kɛ ena mɔ he tsui lɛ, etamɔ bɔ ni jwere jwɛi nɔ.

Abe̱i 20:2

Maŋtsɛ mlifu ni naawa lɛ etamɔ jata huumɔ; mɔ ni woɔ maŋtsɛ mlifu lɛ, ewala ŋmɛɔ lɛ.

Daniel 2:12

Hetoo nɛɛ hã Maŋtsɛ Nebukadnezar mli fu, ni emli wo la naakpa. Kɛkɛ ni efã akɛ agbe nilelɔi ni yɔɔ maŋtsɛ he lɛ fɛɛ yɛ Babilon shikpɔŋ lɛ nɔ.

Daniel 3:13

Maŋtsɛ Nebukadnezar kɛ mlifu kɛ mlila fã akɛ ayaŋɔ Shadrak kɛ Meshak kɛ Abednego kɛba; ni ayaŋɔ gbɔmɛi nɛɛ kɛba maŋtsɛ lɛ hiɛ.

Daniel 3:19

Kɛkɛ ni Maŋtsɛ Nebukadnezar mli wo la fe nine, ni ehiɛ tsake ewo Shadrak kɛ Meshak kɛ Abednego. Amrɔ nɔŋŋ pɛ ni efã akɛ awo flɔnɔɔ lɛ mli la koni edɔ toi kpawo fe bɔ ni ahãa edɔɔ daa lɛ.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Efesobii 5:22

Nyɛ yeigbãyei lɛ, nyɛbaa nyɛhe shi nyɛhãa nyɛ diɛŋtsɛ nyɛwumɛi lɛ, tamɔ akɛ Nuŋtsɔ lɛ nyɛfeɔ nyɛhãa.

Efesobii 5:24

Shi tamɔ bɔ ni asafo lɛ baa ehe shi ehãa Kristo lɛ, nakai nɔŋŋ yei lɛ hu afee ahã amɛwumɛi lɛ yɛ nɔ fɛɛ nɔ mli.

5 Mose 29:20

Yehowa kɛ nɛkɛ gbɔmɔ nɛɛ he ekeŋ lɛ, shi moŋ Yehowa mlifu kɛ ewuŋayeli aaate shi awo lɛ, ni loomɔi fɛɛ ni aŋma yɛ nɛkɛ wolo nɛɛ mli lɛ aaababua gbɔmɔ nɛɛ yiteŋ kɛyashi Yehowa baagbe egbɛi yɛ je lɛ mli.

1 Petro 3:1

Nakai nɔŋŋ nyɛ yeigbãyei lɛ hu, nyɛbaa nyɛhe shi nyɛhãa nyɛ diɛŋtsɛ nyɛwumɛi lɛ, koni, kɛ mɛi komɛi booo wiemɔ lɛ toi tete lɛ, ashi wiemɔ lɛ sɛɛ ni atsɔ̃ yei lɛ ajeŋba nɔ ni nine ashɛ amɛnɔ,