Efesobii 6:6 - ŊMALƐ KRƆŊKRƆŊ LƐ

⁶ jeee kɛ hiɛiaŋhiɛiaŋ sɔ̃ɔmɔ tamɔ mɛi ni taoɔ gbɔmɛi ahiɛsalɛ, shi tamɔ Kristo tsuji ni jieɔ amɛmusuŋ amɛfeɔ Nyɔŋmɔ suɔmɔnaanii,

Ṅmãle̱ Kroṅkroṅ Le̱

⁶ dšee ke̱ hĩeaṅ súomo̱ tamo̱ mei ni taoo̱ gbomei ahĩenyam, ši tamo̱ Kristo tšũdši ni dšieo̱ ame̱mũsũṅ ame̱feo̱ Nyoṅmo̱ suomo̱nãnii,

Efesobii 6:6 ပူးပေါင်းရင်းမြစ်များ

Yeremia 24:7

Mibahã amɛ tsui ni baahã amɛle mi akɛ mi ji Yehowa; ni amɛbaatsɔ̃ miwebii, ni mibatsɔ̃ amɛNyɔŋmɔ, ejaakɛ amɛbaaku amɛsɛɛ kɛba miŋɔɔ kɛ amɛtsui fɛɛ.

Yeremia 3:10

Ni yɛ enɛɛmɛi fɛɛ asɛɛ lɛ Yuda, Israel nyɛmiyoo ni yeee anɔkwa lɛ, kpaleee kɛbaaa miŋɔɔ kɛ etsui fɛɛ, shi moŋ kwa ekwa eba miŋɔɔ. Mi Yehowa, mikɛɛ.”

Mateo 12:50

Ejaakɛ mɔ fɛɛ mɔ ni feɔ miTsɛ ni yɔɔ ŋwɛi lɛ suɔmɔnaanii lɛ, lɛ ji minyɛmi nuu kɛ minyɛmi yoo kɛ minyɛ.”

Mateo 7:21

“Jeee mɔ fɛɛ mɔ ni kɛɔ mi akɛ, ‘Nuŋtsɔ, Nuŋtsɔ!’ lɛ, aaabote ŋwɛi maŋtsɛyeli lɛ mli; shi moŋ mɔ ni feɔ miTsɛ ni yɔɔ ŋwɛi lɛ suɔmɔnaanii lɛ.

Marko 3:35

Ejaakɛ mɔ fɛɛ mɔ ni feɔ Nyɔŋmɔ suɔmɔnaanii lɛ, lɛ ji minyɛmi nuu kɛ minyɛmi yoo kɛ minyɛ.”

Romabii 6:17

Shi shidaa ahã Nyɔŋmɔ, akɛ kulɛ sa lɛ esha tsuji ji nyɛ, shi agbɛnɛ nyɛjɛ nyɛtsui fiaa mli nyɛbo nɛkɛ tsɔ̃ɔmɔ ni akɛ nyɛ ewo mli nɛɛ toi.

1 Korintobii 7:22

Shi mɔ ni atsɛ lɛ yɛ Nuŋtsɔ lɛ mli ni eji nyɔŋ lɛ, Nuŋtsɔ lɛ odehe ni; nakai nɔŋŋ kɛ mɔ ni atsɛ lɛ ni eji odehe lɛ, Kristo nyɔŋ ni.

Galatabii 1:10

Ejaakɛ be nɛ lɛ, gbɔmɛi ahiɛ gbɛ mitaoɔ loo Nyɔŋmɔ hiɛ gbɛ? Aloo miitao gbɔmɛi ahiɛ masa? Ejaakɛ kɛ mikã he miitao masa gbɔmɛi ahiɛ lɛ, jeee Kristo tsulɔ ji mi.

Efesobii 5:17

No hewɔ lɛ, nyɛkafea nyɛhe mɛi ni bɛ yitsoŋ, shi moŋ nyɛyoa nii ni ji Nuŋtsɔ lɛ suɔmɔnaanii lɛ.

Filipibii 2:12

No hewɔ lɛ, nyɛ mɛi ni misumɔɔ, tamɔ bɔ ni nyɛboɔ toi daa nɛɛ, jeee be ni mikɛ nyɛ yɔɔ lɛ kɛkɛ, shi moŋ titri lɛ, agbɛnɛ ni mibɛ nyɛŋɔɔ nɛɛ hu lɛ, nyɛkɛ gbeyeishemɔ kɛ hekpokpomɔ atsua nyɛ diɛŋtsɛ nyɛyiwalaheremɔ lɛ he nii;

Kolosebii 1:9

Enɛ hewɔ lɛ, wɔ hu, kɛjɛ gbi nɔ ni wɔnu lɛ, wɔfɔ̃ko sɔlemɔ kɛ faikpamɔ kɛ nyɛ hãmɔ, koni nyɛyimɔ obɔ̃bɔ̃ kɛ esuɔmɔnaanii alee yɛ mumɔŋ nilee kɛ shishinumɔ fɛɛ mli.

Kolosebii 4:12

Epafra ni jɛ nyɛteŋ ni ji Kristo tsulɔ ni daa nɛɛ ekɛ mɔdɛŋbɔɔ hiɛ sɔlemɔi amli waa kɛhã nyɛ, koni nyɛdamɔ shi akɛ mɛi ni eye emuu ni amɛyimɔ obɔ̃bɔ̃ kɛ Nyɔŋmɔ suɔmɔnaanii fɛɛ feemɔ lɛ, miibi nyɛ.

1 Tesalonikabii 2:4

shi moŋ tamɔ bɔ ni Nyɔŋmɔ ebu wɔ akɛ wɔsa akɛ atu Sanekpakpa lɛ awo wɔdɛŋ lɛ, nakai wɔwieɔ, jeee tamɔ mɛi ni taoɔ asa gbɔmɛi ahiɛ, shi moŋ tamɔ mɛi ni taoɔ asa Nyɔŋmɔ ni kaa wɔtsuii kwɛɔ lɛ hiɛ.

1 Tesalonikabii 4:3

Ejaakɛ enɛ ji Nyɔŋmɔ suɔmɔnaanii, no ji, nyɛhetsemɔ akɛ nyɛtsi nyɛhe kɛjɛ ajwamãŋbɔɔ he;

Hebribii 10:36

Ejaakɛ tsuishitoo he ehĩa nyɛ, koni, be ni nyɛfee Nyɔŋmɔ suɔmɔnaanii lɛ, nyɛnine ashɛ shiwoo lɛ nɔ.

Hebribii 13:21

lɛ esaa nyɛ ehã nitsumɔ kpakpa fɛɛ nitsumɔ kpakpa, ni nyɛfee esuɔmɔnaanii, ni etsɔ̃ Yesu Kristo nɔ efee nɔ ni sa ehiɛ yɛ nyɛmli. Lɛ aŋɔ anunyam ahã kɛyashi naanɔi anaanɔ lɛ. Amen!

1 Petro 2:15

Ejaakɛ nakai ji Nyɔŋmɔ suɔmɔnaanii lɛ, akɛ ekpakpafeemɔ nyɛkɛaatsĩ gbɔmɛi ni bɛ yitseiaŋ lɛ akwashiafeemɔ fɛɛ naa,

1 Petro 4:2

Koni be ni eshwɛ ehã lɛ yɛ heloo mli shihilɛ nɛɛ mli lɛ, ekahi shi yɛ gbɔmɛi akɔnɔi anaa dɔŋŋ, shi moŋ yɛ Nyɔŋmɔ suɔmɔnaanii anaa.

1 Yohane 2:17

Je lɛ hoɔ eyaa kɛ emli sɛɛdiinii lɛ, shi mɔ ni feɔ Nyɔŋmɔ suɔmɔnaanii lɛ hiɔ shi kɛyaa naanɔ.