Efesobii 6:4 - ŊMALƐ KRƆŊKRƆŊ LƐ

⁴ Ni nyɛ tsɛmɛi lɛ, nyɛkawoa nyɛbii amli la, shi moŋ nyɛlɛa amɛ yɛ Nuŋtsɔ lɛ tsɔsemɔ kɛ ewiemɔkɛtsɔ̃ɔmɔ lɛ mli.

Ṅmãle̱ Kroṅkroṅ Le̱

⁴ Ni nye tše̱mei le̱, *nyekawoa nyebii amlifũ, ši moṅ nyelè̱aame̱ ye̱ Nuṅtšo̱ le̱ tšo̱semo̱ ke̱ †ṅāwō le̱ mli. *Kol 3,21. Abe̱i 19,18 †5 Mose 6,7. 20-25. Lal. 78,4.

Efesobii 6:4 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

1 Kronika 29:19

Dromɔ mibi Solomon koni ekɛ etsui fɛɛ aye okitãi kɛ okpɔi kɛ owiemɔi fɛɛ anɔ koni emã Sɔlemɔtsu lɛ ni misaa ehe nibii mito lɛ.”

Abe̱i 19:18

Tsɔsemɔ obi egbekɛbiiashi be ni hiɛnɔkãmɔ yɔɔ lɛ; shi ekaba oyiŋ akɛ oookpãtã ehiɛ.

Abe̱i 22:15

Buulufeemɔ kpɛtɛ gbekɛ tsui he; shi tsɔsemɔ kpãa lɛ aaashwie buulufeemɔ lɛ kɛaaje ehe kɛya sɛɛ flooflo.

Abe̱i 22:6

Tsɔsemɔ gbekɛ bɔ ni eba ejeŋ jogbaŋŋ ehã, ni edalɛ mli lɛ etsakeŋ.

Abe̱i 29:15

Kpãa kɛ kãmɔ hãa mɔ leɔ nii; shi gbekɛ ni akpoo ejeŋ ahã lɛ lɛ, ewoɔ enyɛ hiɛgbele.

Abe̱i 29:17

Tsɔsemɔ obi, ni eeehã ohe ajɔ bo; eeehã otsui anyɔ omli.

Yesaia 38:19

Hiɛkãalɔi hɛɛ, hiɛkãalɔi moŋ ji mɛi ni jieɔ oyi, tamɔ bɔ ni mifeɔ ŋmɛnɛ nɛɛ. Tsɛmɛi ni hãa bii leɔ onɔkwayeli lɛ.

Efesobii 6:3

“Koni ahi ahã bo, ni otsɛ yɛ shikpɔŋ lɛ nɔ.”

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 6:7

ni otsɔ̃ɔ obii fitsofitso. Owie he be mli ni ota shi yɛ oshĩaŋ; owie he be mli ni onyiɛ gbɛteŋ; owie he be mli ni ojɔɔ ohe kɛ be mli ni otsuɔ nii.

Kolosebii 3:21

Nyɛ tsɛmɛi lɛ, nyɛkawoa nyɛbii amli la, koni amɛnijiaŋ akaje wui.

2 Timoteo 1:5

Ejaakɛ mikaiɔ ohemɔkɛyeli ni osato bɛ mli lɛ, ni yɔɔ onaa Loise kɛ onyɛ Eunike mli tsutsu, ni miyɛ nɔmimaa akɛ eyɛ bo hu omli lɛ.

2 Timoteo 3:15

ni ogbekɛbiiashi ojɛ ole Ŋmalɛi Krɔŋkrɔŋi lɛ, ni aaanyɛ ahã ole nii hã yiwalaheremɔ kɛtsɔ̃ Yesu Kristo nɔ hemɔkɛyeli nɔ.

Yoshua 24:15

Kɛji esaaa nyɛhiɛ akɛ nyɛaasɔ̃mɔ Yehowa lɛ, no lɛ ŋmɛnɛ gbi nɛɛ lɛ nyɛkɔa mɔ ni nyɛaasɔ̃mɔ, nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia shikpɔŋ lɛ nɔ lɛ ni jio, Amorbii ni nyɛyɔɔ amɛshikpɔŋ nɔ nɛɛ anyɔŋmɔi lɛ ni jio, nyɛkɔa; shi mi lɛ, mi kɛ miwe lɛ wɔbaasɔmɔ Yehowa.”

Kojolɔi 13:12

Manoa kɛɛ lɛ akɛ, “Agbɛnɛ kɛ owiemɔi lɛ na ba mli lɛ, te gbekɛ lɛ shihilɛ baatamɔ ahã tɛŋŋ, ni mɛni ebaafee?”