Efesobii 5:5 - ŊMALƐ KRƆŊKRƆŊ LƐ

⁵ Ejaakɛ nyɛnaa nyɛlea enɛ akɛ, ajwamãŋbɔlɔ ko ajwamãŋbɔlɔ ko loo hiɛjoolɔ ko ni ji wɔŋjalɔ bɛ gbɛfaŋ nɔ yɛ Kristo kɛ Nyɔŋmɔ maŋtsɛyeli lɛ mli.

Ṅmãle̱ Kroṅkroṅ Le̱

⁵ Edšake̱ nyele ene̱ momo ake̱, adſa-maṅbe̱le̱-ko-adſamaṅbo̱lo̱ ko alo nyãṅe-mo̱nitšulo̱ ko alo hĩedšõlo̱ ko ni dši wo̱ṅdšálo̱ be̱ gbe̱nã ye̱ Kristo ke̱ Nyo-ṅmo̱ maṅtše̱yeli le̱ mli, 1 Kor. 6,9. 10.

Efesobii 5:5 ပူးပေါင်းရင်းမြစ်များ

2 Mose 20:17

“Ohiɛ akakɔ̃ onaanyo nɔ ko nɔ, eshĩa jio, eŋa jio, ewenuu jio, eweyoo jio, etsina jio, eteji jio, enɔ kroko jio, ohiɛ akakɔ̃ nɔ.”

Bɔfoi 20:32

“Ni agbɛnɛ lɛ, anyɛmimɛi, miitu nyɛ miiwo Nyɔŋmɔ kɛ edromɔ wiemɔ lɛ dɛŋ; lɛ eyɔɔ hewalɛ ni ekɛaahã nyɛnane amɔ shi ni ekɛ gboshinii lɛ ahã nyɛ yɛ mɛi fɛɛ ni atsuu amɛhe lɛ ateŋ.

Bɔfoi 8:21

Obɛ gbɛnaa loo gbɛfaŋ nɔ ko yɛ nɛkɛ sane nɛɛ mli; ejaakɛ otsui ejaaa yɛ Nyɔŋmɔ hiɛ.

Galatabii 5:19

Shi heloo lɛ nitsumɔi lɛ jeɔ kpo faŋŋ: nomɛi ji ajwamãŋbɔɔ, mujinitsumɔ, nyɛnyɛŋtswibɔɔ,

Galatabii 5:21

hiɛkɔ̃ɔ, dãatɔɔ, dãanumɔ mli basabasafeemɔ kɛ nii ni tamɔ enɛɛmɛi, nii ni miikɛɛ nyɛ mato, tamɔ bɔ ni mikɛɛ nyɛ momo lɛ, akɛ mɛi ni feɔ nɛkɛ nii nɛɛ lɛ, amɛnine shɛŋ Nyɔŋmɔ maŋtsɛyeli lɛ nɔ.

Efesobii 5:3

Shi ajwamãŋbɔɔ kɛ nyaŋemɔ nitsumɔ fɛɛ loo hiɛjoomɔ lɛ akatsĩ tã tete yɛ nyɛteŋ, tamɔ bɔ ni sa mɛi krɔŋkrɔŋi.

Kolosebii 1:13

Ni ejie wɔ kɛjɛ duŋ hewalɛ lɛ mli kɛtee esuɔmɔ Bi lɛ maŋtsɛyeli lɛ mli lɛ;

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

1 Timoteo 6:10

Ejaakɛ nibii fɔ̃ji fɛɛ ashĩshifã ji shikasuɔmɔ ni mɛi komɛi di sɛɛ ni amɛdu gbɛ kɛjɛ hemɔkɛyeli lɛ mli, ni amɛkɛ piŋmɔi babaoo egbulɔ amɛtsui lɛ.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.

Hebribii 13:4

Awo gbãlã hiɛ nyam yɛ nyɛ fɛɛ nyɛteŋ, ni akabule gbãlã saa hu; shi ajwamãŋbɔlɔi kɛ gbãlãŋkulɔi lɛ, Nyɔŋmɔ baakojo amɛ.

Yoshua 7:21

Mina Babilon mama fɛɛfɛo ko kɛ jwiɛtɛi ni tsiimɔ ji shekeli ohai enyɔ kɛ agbɛnɛ shika ŋmiiŋmi antɛle kome ni tsiimɔ ji shekeli nyɔŋmai enumɔ yɛ ofɔ̃yeli nibii lɛ ateŋ; mihiɛ kɔ̃ nibii nɛɛ anɔ, ni mikɔlɔ. Mikɛ jwiɛtɛi lɛ hɔ nibii nɛɛ ashishi, ni mifu fɛɛ yɛ mibuu lɛ teŋ tuuŋtu.”

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.