Efesobii 5:4 - ŊMALƐ KRƆŊKRƆŊ LƐ

⁴ Nakai nɔŋŋ akatsĩ hiɛgbejianitsumɔ kɛ kwashiai awiemɔ kɛ fɛoyeli ni ji nibii ni esaaa lɛ tã yɛ nyɛteŋ, shi moŋ nyɛ daa Nyɔŋmɔ shi.

Ṅmãle̱ Kroṅkroṅ Le̱

⁴ ke̱ hĩegbedšianitšumo̱ ke̱ *yaka-yakawiemo̱ ke̱ fe̱oyeli hũ ni esaa le̱; ši moṅ šidã, *4,29.

Efesobii 5:4 ပူးပေါင်းရင်းမြစ်များ

Lalai 33:1

Nyɛ jalɔi, nyɛnyaa Yehowa he! Jalɔi anɔ ji akɛ amɛ jie Yehowa yi.

Lalai 92:1

Ehi akɛ ada Yehowa shi, ni ala kɛjie, bo Ŋwɛi flooflonyo lɛ, ogbɛi lɛ yi.

Abe̱i 12:23

Nilelɔ kɛ enilee teɔ; shi kwashia jieɔ ekwashiafeemɔ kpo.

Abe̱i 15:2

Nilelɔi wieɔ nilee wiemɔi; shi buului awiemɔi jɛɔ kwashiai adaaŋ.

Jajelɔ 10:13

Ejeɔ ewiemɔ shishi kɛ kwashiai awiemɔi, ni egbeɔ naa kɛ sɛkɛyelɔi awiemɔ.

Daniel 6:10

Be ni Daniel na ele akɛ maŋtsɛ lɛ kɛ enine ewo akpɔ ni aŋmã lɛ shishi lɛ, eyiŋ etee ewe. Eŋwɛi pia lɛ he samfɛji lɛ kwɛɔ Yerusalɛm gbɛ kɛji agbele. Ekulaa shi esɔleɔ shii etɛ̃ daa gbi, ni edaa eNyɔŋmɔ lɛ shi. Gbi ko lɛ Daniel yasɔle nakai nɔŋŋ.

Marko 7:22

gbãlãfitemɔ, hiɛjoomɔ, yiŋsha, shishiumɔ, nyɛnyɛŋtswibɔɔ, hiŋmɛisha, oshekuyeli, hewoo, kwashiai asaneyeli.

Yohane 6:23

tsɛbelɛ lɛji krokomɛi jɛ Tiberia ba he ni Nuŋtsɔ lɛ da shi ni amɛye aboloo lɛ yɛ lɛ masɛi;

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

2 Korintobii 1:11

kɛji nyɛfata he kɛkpa fai nyɛhã wɔ, koni mɛi pii ada shi ahã wɔ yɛ dromɔ keenii ni akɛhã wɔ yɛ mɛi pii afaikpamɔ lɛ hewɔ.

2 Korintobii 9:15

Shi shidaa ahã Nyɔŋmɔ yɛ enikeenii ni anyɛŋ agba lɛ hewɔ!

Efesobii 1:16

mifɔ̃ɔɔ Nyɔŋmɔ shidaa, shi mikaiɔ nyɛ yɛ misɔlemɔi amli,

Efesobii 4:29

Wiemɔ sha ko wiemɔ sha ko akaje nyɛnaa kwraa; shi moŋ wiemɔ ni hi ni ehia koni ehã mɔ nane amɔ shi ni akɛduro mɛi ni nuɔ lɛ.

Filipibii 4:6

Nyɛkahaoa yɛ nɔ ko nɔ ko he, shi moŋ nɔ fɛɛ nɔ mli lɛ nyɛkɛ sɔlemɔ kɛ faikpamɔ kɛ shidaa atsĩa nyɛtaomɔnii lɛ atã yɛ Nyɔŋmɔ hiɛ.

Kolosebii 3:8

Shi agbɛnɛ lɛ nyɛ hu nyɛshɛrɛa nibii nɛɛ fɛɛ nyɛshwiea: mlifu, mlila kɛ shwee ni ashweɔ mɔ efɔŋ, kɛ oshekuyeli kɛ hiɛgbejiawiemɔ ni jɛɔ nyɛdaaŋ.

1 Tesalonikabii 3:9

Ejaakɛ mɛɛ shidaa po wɔɔnyɛ wɔkɛda Nyɔŋmɔ yɛ nyɛ hewɔ yɛ miishɛɛ fɛɛ ni wɔna yɛ nyɛhe yɛ wɔNyɔŋmɔ lɛ hiɛ lɛ hewɔ?

1 Tesalonikabii 5:18

nyɛdaa shi yɛ nɔ fɛɛ nɔ mli. Ejaakɛ enɛ ji Nyɔŋmɔ suɔmɔnaanii yɛ Kristo Yesu mli yɛ nyɛgbɛfaŋ.

Filemon 1:8

No hewɔ lɛ, miyɛ hewalɛ yɛ Kristo mli akɛ mawo bo kitã yɛ nɔ ni sa hewɔ,

Hebribii 13:15

Belɛ nyɛhãa wɔtsɔ̃a enɔ ni wɔkɛ yijiemɔ afɔle abahãa Nyɔŋmɔ daa; no ji, naabui ni jajeɔ egbɛi lɛ yibii lɛ.

2 Petro 2:18

Ejaakɛ akɛni naafuu wiemɔi wuji jeɔ amɛnaa hewɔ lɛ, amɛtsɔ̃ɔ heloo akɔnɔi anɔ amɛkɛ nyɛnyɛŋtswibɔɔ lakaa mɛi ni je mɛi ni baa amɛjeŋ yɛ shishiumɔ mli lɛ adɛŋ etsɛko lɛ;

2 Petro 2:7

ni kɛji ejie Lot, jalɔ, mɔ ni hao yɛ nɔtɔ̃lɔi lɛ anyɛnyɛntswibɔɔ jeŋba lɛ he lɛ, yɛ mli

Yuda 1:10

Shi mɛnɛɛmɛi lɛ, amɛ lɛ nii fɛɛ ni amɛleee lɛ amɛyeɔ he osheku, shi nii ni amɛle yɛ amɛfɔmɔ su lɛ naa tamɔ kooloi ni bɛ jwɛŋmɔ lɛ, nomɛi nɔŋŋ amɛkɛfiteɔ amɛhe.

Yuda 1:13

Ŋshɔkei hu ni yɔɔ hamahama ni fɛ̃ɔ amɛ diɛŋtsɛ amɛhiɛgbejianii kɛbaa ŋwɛi tamɔ afũi ji amɛ. Amɛtamɔ ŋulamii dudulɔi, ni asaa duŋ kpii lɛ ato amɛ kɛmiiya naanɔ lɛ.