Efesobii 5:3 - ŊMALƐ KRƆŊKRƆŊ LƐ

³ Shi ajwamãŋbɔɔ kɛ nyaŋemɔ nitsumɔ fɛɛ loo hiɛjoomɔ lɛ akatsĩ tã tete yɛ nyɛteŋ, tamɔ bɔ ni sa mɛi krɔŋkrɔŋi.

Ṅmãle̱ Kroṅkroṅ Le̱

³ Ši adſamaṅbó̱ ke̱ nyãṅemo̱nitšumo̱ fẽ alo hĩedšõmo̱ le̱ akatšĩ tã tete ye̱ nyeteṅ, take̱ bo̱ni sa meikroṅkroṅi, Kol. 3,5.

Efesobii 5:3 ပူးပေါင်းရင်းမြစ်များ

Lalai 10:3

Ejaakɛ mɔ fɔŋ lɛ eshwãa efɔ̃ɔ etsuiŋ sɛɛdii nibii anɔ; ni amimyelɔ lomɔɔ, ni ekwaa Yehowa.

Lalai 119:36

Hã mashwe omlai lɛ anɔyeli fe ninamɔ.

2 Mose 18:21

Ni asaŋ halamɔ maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, mɛi ni amɛsheɔ Nyɔŋmɔ gbeyei hu, ni amɛ ji anɔkwafoi ni heee nyɔɔŋnii, koni oto amɛ kui anɔkwɛlɔi: mɛi nyɔŋmanyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ akpeakpe kui anɔkwɛlɔi.

2 Mose 20:17

“Ohiɛ akakɔ̃ onaanyo nɔ ko nɔ, eshĩa jio, eŋa jio, ewenuu jio, eweyoo jio, etsina jio, eteji jio, enɔ kroko jio, ohiɛ akakɔ̃ nɔ.”

2 Mose 23:13

“Nibii fɛɛ ni mikɛɛ nyɛ lɛ nyɛyea nɔ. Nyɛkatsĩa nyɔŋmɔi krokomɛi agbɛii ata, akanu yɛ nyɛnaa tete.”

Abe̱i 28:16

Nɔyelɔ ni bɛ jwɛŋmɔ lɛ, yiwalɔ kpele ji lɛ; shi mɔ ni nyɛɔ hiɛjoomɔ lɛ, ehãa egbii asɛɛ tsɛɔ.

Yeremia 22:17

Shi bo lɛ, ohiŋmɛi kɛ otsui kã juukɛfɔ̃ nii kɛ mɛi ni efeko efɔŋ lá shishwiemɔ nɔ. Ni owaa mɛi ayi keketee.

Yeremia 6:13

Ejaakɛ kɛjɛ amɛteŋ mɔ bibioo nɔ kɛyashi mɔ wulu nɔ lɛ, mɔ fɛɛ mɔ miishishiu mɛi koni ekɛna nii; ni kɛjɛ gbalɔ nɔ kɛyashi osɔfo nɔ lɛ, mɔ fɛɛ mɔ shihilɛ mli lɛ kutumpɔo sɔŋŋ ni.

Yeremia 8:10

Enɛ hewɔ lɛ, maŋɔ amɛŋamɛi lɛ mahã mɛi krokomɛi; ni mikɛ amɛŋmɔji lɛ baahã mɛi ni baaye amɛnɔ kunim lɛ. Ejaakɛ kɛjɛ amɛteŋ mɔ bibioo nɔ kɛyashi mɔ wulu nɔ lɛ, amɛteŋ mɔ fɛɛ mɔ hiɛ joɔ; ni kɛjɛ gbalɔ nɔ kɛyashi osɔfo nɔ lɛ, amɛteŋ mɔ fɛɛ mɔ shishiuɔ mɔ.

Ezekiel 33:31

Ni amɛbuaa amɛhenaa kɛbaa oŋɔɔ akɛ maŋ, ni amɛbataraa ohiɛ akɛ mimaŋbii, ni amɛboɔ owiemɔ lɛ toi, shi amɛyeee nɔ. Ejaakɛ amɛsumɔɔ gbɔmɔ kɛ amɛnaabu, shi amɛkɛ amɛtsui fɔɔ amɛsɛɛnamɔ nɔ.

3 Mose 15:18

Kɛji nuu ko kɛ yoo ko wɔ, ni nuu lɛ henu je emli lɛ, amɛyi enyɔ lɛ fɛɛ amɛkɛ nu aju amɛhe; amɛhe tseee kɛyashi gbɛkɛ.

Mika 2:2

Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

4 Mose 25:1

Be ni Israelbii lɛ yɔɔ Shitim, Akasia tso Jɔɔ lɛŋ lɛ, amɛhii lɛ kɛ Moab yei lɛ bɔ̃i ajwamãŋbɔɔ.

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Luka 16:14

Farisifoi lɛ hu ni ji shika suɔlɔi lɛ nu nii nɛɛ fɛɛ, ni amɛye lɛ ahi.

Bɔfoi 15:20

shi moŋ aŋma amɛ akɛ amɛhi nii fɛɛ ni wɔji ewo he muji; amɛhi ajwamãŋbɔɔ kɛ kooloi ni ashɔ̃tɔ̃ lɛ lá.

Bɔfoi 20:33

Mihiɛ ekɔ̃ɔɔ nyɛteŋ mɔ ko jwiɛtɛi loo shika loo atade nɔ.

Romabii 1:29

mɛi ni eyimɔ obɔ̃bɔ̃ kɛ nii ni ejaaa gbɛ fɛɛ, efɔŋfeemɔ, hiɛjoomɔ, nifɔɔjianii; amɛyimɔ tɔ kɛ hetsɛ̃, awuyeli, bei, shishiumɔ, nyɛɛ;

Romabii 16:2

koni nyɛhere lɛ hiɛmɛɛ yɛ Nuŋtsɔ lɛ mli, bɔ ni sa mɛi krɔŋkrɔŋi lɛ, ni nyɛfata ehe yɛ nitsumɔ fɛɛ nitsumɔ ni nyɛhe hiaa lɛ yɛ mli lɛ mli; ejaakɛ lɛ diɛŋtsɛ hu eji mɛi pii kɛ mi diɛŋtsɛ hu miyelikɛbualɔ.

Romabii 6:13

ni asaŋ nyɛkɛ nyɛhenii lɛ akahãa esha akɛ esha lɛ tawuunii; shi moŋ nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni nyɛkɛ nyɛhenii lɛ afea jalɛ tawuunii nyɛhãa Nyɔŋmɔ.

1 Korintobii 10:8

Ni wɔsaa wɔkabɔ ajwamãŋ tamɔ bɔ ni amɛteŋ mɛi komɛi bɔ ajwamãŋ ni gbi kome nɔ lɛ mɛi akpei nyɔŋmai enyɔ kɛ etɛ̃ nyɔnyɔɔ lɛ.

1 Korintobii 5:1

Aakɛɛ kwraa po akɛ ajwamãŋbɔɔ yɛ nyɛteŋ, ajwamãŋbɔɔ ni bɛ jemajiaŋbii ateŋ tete akɛ mɔ ko kɛ etsɛ ŋa wɔɔ lɛ.

1 Korintobii 6:13

Ŋmaa yɛ hã musu, ni musu hu yɛ hã ŋmaa; shi Nyɔŋmɔ baahã enyɔ lɛ fɛɛ sɛɛ afo. Shi gbɔmɔtso lɛ, jeee ajwamãŋbɔɔ hewɔ eyɔɔ, shi moŋ Nuŋtsɔ lɛ hewɔ eyɔɔ; ni Nuŋtsɔ lɛ hu yɛ hã gbɔmɔtso lɛ.

1 Korintobii 6:18

Nyɛjoa ajwamãŋbɔɔ naa foi! Esha fɛɛ esha ni gbɔmɔ feɔ lɛ, jeee egbɔmɔtso lɛ mli eyɔɔ; shi mɔ ni bɔɔ ajwamãŋ lɛ, efeɔ esha eshiɔ lɛ diɛŋtsɛ egbɔmɔtso lɛ.

2 Korintobii 12:21

ni misaa miishe gbeyei akɛ kɛ miba ekoŋŋ lɛ, miNyɔŋmɔ lɛ aaaba mi shi yɛ nyɛhiɛ, ni maye ŋkɔmɔ mahã mɛi ni efee esha sa ni amɛtsakeee amɛtsui lɛ ateŋ mɛi pii, yɛ amɛmujinii kɛ ajwamãŋbɔɔ kɛ nyɛnyɛŋtswibɔɔ lɛ hewɔ.

Efesobii 5:12

Ejaakɛ nibii ni amɛfeɔ amɛteɔ lɛ, eyɛ hiɛgbele akɛ aaatsi tã tete.

Efesobii 5:5

Ejaakɛ nyɛnaa nyɛlea enɛ akɛ, ajwamãŋbɔlɔ ko ajwamãŋbɔlɔ ko loo hiɛjoolɔ ko ni ji wɔŋjalɔ bɛ gbɛfaŋ nɔ yɛ Kristo kɛ Nyɔŋmɔ maŋtsɛyeli lɛ mli.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

1 Tesalonikabii 4:3

Ejaakɛ enɛ ji Nyɔŋmɔ suɔmɔnaanii, no ji, nyɛhetsemɔ akɛ nyɛtsi nyɛhe kɛjɛ ajwamãŋbɔɔ he;

1 Tesalonikabii 4:7

Ejaakɛ Nyɔŋmɔ tsɛɛɛ wɔ ehãaa nyaŋemɔ nitsumɔ, shi moŋ hã hetsemɔ.

1 Timoteo 2:10

shi moŋ kɛ nitsumɔi kpakpai ni sa yei ni tsɛɔ amɛhe akɛ Nyɔŋmɔ jalɔi lɛ.

1 Timoteo 3:3

jeee dãanulɔ, jeee ninekpokpookpotsɛ, shi moŋ mɔ ni he jɔ, mɔ ni beee, mɔ ni hiɛ ekɔ̃ɔɔ shika nɔ,

1 Timoteo 6:10

Ejaakɛ nibii fɔ̃ji fɛɛ ashĩshifã ji shikasuɔmɔ ni mɛi komɛi di sɛɛ ni amɛdu gbɛ kɛjɛ hemɔkɛyeli lɛ mli, ni amɛkɛ piŋmɔi babaoo egbulɔ amɛtsui lɛ.

2 Timoteo 3:2

Ejaakɛ gbɔmɛi aaatsɔ̃mɔ hesuɔlɔi, shikasuɔlɔi, shwãlɔi, hewolɔi, mɔjɛlɔi, fɔlɔi anɔ toigbolɔi, trumui, mɛi ni he tseee,

Tito 1:11

Amɛ ji gbɔmɛi ni sa akɛ awo amɛnaa manyoflɛ. Amɛ, amɛbutuɔ shĩai muji fɛɛ, ni sɛɛnamɔ ni yɔɔ hiɛgbele hewɔ lɛ amɛtsɔ̃ɔ nii ni ejaaa.

Tito 1:7

Ejaakɛ nɔkwɛlɔ lɛ, esaaa akɛ kpa ko hiɔ ehe, akɛni Nyɔŋmɔ we nɔ tsulɔnukpa ji lɛ lɛ. Ekafee ehe mɔ ni feɔ lɛ diɛŋtsɛ etsuinaanii, jeee mlifutsɛ, jeee dãanulɔ, jeee ninekpokpookpotsɛ, jeee hiɛjoolɔ.

Tito 2:3

Yeimeji hu nakai nɔŋŋ, amɛba amɛjeŋ bɔ ni sa mɛi krɔŋkrɔŋi lɛ. Amɛkafee amɛhe oshekuyelɔi, amɛkafee amɛhe mɛi ni dãa eŋɔ amɛ nom, amɛfee mɛi ni tsɔ̃ɔ nii kpakpai.

Hebribii 12:16

Koni mɔ ko akafee ehe ajwamãŋbɔlɔ loo mɔ ni ebuuu Nyɔŋmɔ nii, tamɔ Esau ni hɔ̃ɔ ekromɔbi gbɛnaa lɛ ehe ŋmaa shikomeyeli lɛ.

Yoshua 7:21

Mina Babilon mama fɛɛfɛo ko kɛ jwiɛtɛi ni tsiimɔ ji shekeli ohai enyɔ kɛ agbɛnɛ shika ŋmiiŋmi antɛle kome ni tsiimɔ ji shekeli nyɔŋmai enumɔ yɛ ofɔ̃yeli nibii lɛ ateŋ; mihiɛ kɔ̃ nibii nɛɛ anɔ, ni mikɔlɔ. Mikɛ jwiɛtɛi lɛ hɔ nibii nɛɛ ashishi, ni mifu fɛɛ yɛ mibuu lɛ teŋ tuuŋtu.”

1 Petro 5:2

Nyɛlɛa Nyɔŋmɔ tooku ni yɔɔ nyɛteŋ lɛ, nyɛkwɛa nɔ, jeee nɔnyɛɛ naa, shi moŋ yɛ suɔmɔ naa; tamɔ bɔ ni Nyɔŋmɔ taoɔ, asaŋ jeee sɛɛnamɔ ni yɔɔ hiɛgbele hewɔ, shi moŋ tsuijurɔ naa;

2 Petro 2:10

shi titri lɛ mɛi ni nyiɛɔ heloo akɔnɔ ni yɔɔ muji sɛɛ, ni amɛbuuu nɔyeli hewalɛ lɛ, tsuisalɔi kɛ yibulɔi ni kɛji amɛmiiye gbɔmɛi agboi ahe osheku ni amɛhe kpokpooo;

2 Petro 2:14

Amɛyɛ hiŋmɛii ni eyimɔ obɔ̃bɔ̃ kɛ gbãlãfitemɔ ni kpaaa eshafeemɔ. Amɛlakaa susumai ni nane mɔko shi lɛ. Amɛyɛ tsui ni he esa kɛ hiɛjoomɔ; loomɔbii ni.

2 Petro 2:3

Ni amɛkɛ hiɛjoomɔ kɛ shishiumɔ wiemɔi aaatao ni amɛna nyɛhe sɛɛ. Shi kojomɔ ni kã shi hã amɛ kɛjɛ blema beebe lɛ aaaba amɛnɔ, ni amɛhiɛkpãtãmɔ lɛ wɔɔɔ!

Kpojiemɔ 2:14

Shi kɛ̃lɛ mikɛ bo yɛ sane fioo yɛ ohe, no ji akɛ oyɛ mɛi yɛ jɛi ni hiɛ Bileam tsɔ̃ɔmɔ lɛ mli; Bileam ni tsɔ̃ɔ Balak akɛ etsɔ̃ Israelbii lɛ atsɔ̃ne ni amɛye wɔji afɔleshãanii ni amɛbɔ ajwamãŋ lɛ.

Kpojiemɔ 2:21

Ni mihã lɛ be koni ekɛtsake etsui, shi esumɔ̃ɔɔ akɛ etsake ni efɔ̃ɔ ejwamaŋbɔɔ lɛ.

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.

Kpojiemɔ 9:21

Ni asaŋ amɛtsakeee amɛtsui yɛ amɛgbɔmɔgbee kɛ amɛsuu kɛ amɛjwamaŋbɔɔ kɛ amɛjuu lɛ ahe.

1 Samuel 8:3

Shi Samuel bihii lɛ eyakɔɔɔ amɛtsɛ jeŋba kwraa. Amɛyadi ninamɔ sɛɛ ni amɛhehee nyɔɔŋnii, ni amɛtsɔ̃mɔ saji ahiɛ amɛbumɔ shi.