Efesobii 5:20 - ŊMALƐ KRƆŊKRƆŊ LƐ

²⁰ Nyɛdaa Tsɛ Nyɔŋmɔ lɛ shi daa yɛ nii fiaa hewɔ yɛ wɔ Nuŋtsɔ Yesu Kristo gbɛi mli,

Ṅmãle̱ Kroṅkroṅ Le̱

²⁰ nyedaä Nyoṅmo̱ ke̱ tše̱ le̱ ši dā ye̱ nii fiã hewo̱ ye̱ wo̱-Nuṅtšo̱ Iesu Kristo gbe̱i amli,

Efesobii 5:20 ပူးပေါင်းရင်းမြစ်များ

Hiob 1:21

Ekɛɛ akɛ, “Yayai mikɛjɛ minyɛ musuŋ miba, ni yayai mikɛaaku misɛɛ kɛaatee. Yehowa ni ŋɔ hã, ni Yehowa ebaŋɔ kɛtee; aaajie Yehowa gbɛi lɛ yi kɛ̃!”

Lalai 34:1

Majie Yehowa yi be fɛɛ be; eyijiemɔ aaakã midaaŋ daa nɛɛ.

Yesaia 63:7

Mibagba Yehowa mlihilɛ lɛ kɛ Yehowa yijiemɔ lɛ matsɔ̃ɔ, yɛ nibii fɛɛ ni Yehowa efee eha wɔ lɛ kɛ ejurɔ pii ni efee Israel we lɛ yɛ emusuŋtsɔlɛ kɛ emlihilɛ ni fa lɛ naa lɛ hewɔ.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Bɔfoi 5:41

Kɛkɛ ni amɛje akwaashɔŋ lɛ hiɛ amɛtee kɛ miishɛɛ, akɛ Yesu gbɛi lɛ hewɔ lɛ abu amɛ mɛi ni sa akɛ abɔ amɛ ahora.

Romabii 1:8

Klɛŋklɛŋ lɛ, miitsɔ̃ Yesu Kristo nɔ miida miNyɔŋmɔ lɛ shi yɛ nyɛ fɛɛ nyɛhewɔ, akɛ agbaa nyɛhemɔkɛyeli lɛ he sane yɛ je lɛ mli fɛɛ.

1 Korintobii 1:4

Miida miNyɔŋmɔ lɛ shi daa nɛɛ yɛ nyɛhewɔ, yɛ Nyɔŋmɔ dromɔ ni akɛhã nyɛ yɛ Kristo Yesu mli lɛ hewɔ.

1 Korintobii 15:24

no sɛɛ dani naagbee lɛ baaba, be ni ekɛ maŋtsɛyeli lɛ aaahã Nyɔŋmɔ, Tsɛ lɛ, ni eeefo nɔyeli fɛɛ kɛ hegbɛ fɛɛ kɛ hewalɛ fɛɛ sɛɛ lɛ.

Efesobii 5:4

Nakai nɔŋŋ akatsĩ hiɛgbejianitsumɔ kɛ kwashiai awiemɔ kɛ fɛoyeli ni ji nibii ni esaaa lɛ tã yɛ nyɛteŋ, shi moŋ nyɛ daa Nyɔŋmɔ shi.

Filipibii 1:3

Midaa miNyɔŋmɔ lɛ shi be fɛɛ be ni mikaiɔ nyɛ

Filipibii 4:6

Nyɛkahaoa yɛ nɔ ko nɔ ko he, shi moŋ nɔ fɛɛ nɔ mli lɛ nyɛkɛ sɔlemɔ kɛ faikpamɔ kɛ shidaa atsĩa nyɛtaomɔnii lɛ atã yɛ Nyɔŋmɔ hiɛ.

Kolosebii 3:17

Ni nɔ fɛɛ nɔ ni nyɛfeɔ yɛ wiemɔ loo nitsumɔ gbɛfaŋ lɛ, nyɛfea fɛɛ yɛ Yesu Kristo gbɛi mli, ni nyɛtsɔ̃a enɔ nyɛdaa Nyɔŋmɔ ni ji Tsɛ lɛ shi.

1 Tesalonikabii 3:9

Ejaakɛ mɛɛ shidaa po wɔɔnyɛ wɔkɛda Nyɔŋmɔ yɛ nyɛ hewɔ yɛ miishɛɛ fɛɛ ni wɔna yɛ nyɛhe yɛ wɔNyɔŋmɔ lɛ hiɛ lɛ hewɔ?

1 Tesalonikabii 5:18

nyɛdaa shi yɛ nɔ fɛɛ nɔ mli. Ejaakɛ enɛ ji Nyɔŋmɔ suɔmɔnaanii yɛ Kristo Yesu mli yɛ nyɛgbɛfaŋ.

2 Tesalonikabii 1:3

Eji wɔgbɛnaa akɛ wɔdaa Nyɔŋmɔ shi daa yɛ nyɛhewɔ, anyɛmimɛi, tamɔ bɔ ni sa lɛ, ejaakɛ nyɛhemɔkɛyeli lɛ miida naakpa, ni nyɛteŋ mɔ fɛɛ mɔ suɔmɔ ni ekɛsumɔɔ enanemɛi lɛ miifa kɛmiiya nɔ hu.

2 Tesalonikabii 2:13

Shi wɔ lɛ, esa akɛ wɔdaa Nyɔŋmɔ shi daa yɛ nyɛhewɔ, anyɛmimɛi ni Nuŋtsɔ lɛ sumɔɔ, ejaakɛ Nyɔŋmɔ ehala nyɛ akɛ klɛŋklɛŋ yibii ehã yiwalaheremɔ kɛtsɔ̃ nyɛhe ni Mumɔ Krɔŋkrɔŋ lɛ tsuɔ kɛ he ni nyɛheɔ anɔkwale lɛ nyɛyeɔ lɛ nɔ.

Hebribii 13:15

Belɛ nyɛhãa wɔtsɔ̃a enɔ ni wɔkɛ yijiemɔ afɔle abahãa Nyɔŋmɔ daa; no ji, naabui ni jajeɔ egbɛi lɛ yibii lɛ.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!