Efesobii 5:2 - ŊMALƐ KRƆŊKRƆŊ LƐ

² Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Ṅmãle̱ Kroṅkroṅ Le̱

² ni nyenyiea ye̱ suomo̱ mli, take̱ bo̱ni Kristo hũ *sumo̱wo̱ ni eṅõ le̱-dientše̱ ehe ehã ye̱ wo̱hewo̱ ake̱ nikēnii ke̱ †afo̱le ni ake̱-hã Nyoṅmo̱ ni dšeo̱ ṅma kro̱ṅṅ le̱, *K. 25. Gal. 2,20. †Heb. 10,10.

Efesobii 5:2 ပူးပေါင်းရင်းမြစ်များ

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

2 Mose 29:18

ni oma too ojwɛni muu lɛ fɛɛ naa la yɛ afɔleshãa latɛ lɛ nɔ. Eji afɔle ni akɛ la shãa ahãa mi, Yehowa; ni misumɔɔ eŋma lɛ.

2 Mose 29:25

Enɛ sɛɛ lɛ ohe nibii lɛ yɛ amɛdɛ̃ ni oma fɛɛ naa la yɛ afɔleshãa latɛ lɛ nɔ, ni oshã ofata shãa afɔle lɛ he akɛ afɔle ni akɛ la shãa ahãa mi, Yehowa; ni misumɔɔ eŋma lɛ.

3 Mose 1:13

Shi mɔ lɛ kɛ nu afɔ kooloo lɛ mlinii lɛ kɛ enaji lɛ ahe. No sɛɛ lɛ, osɔfo lɛ ni tsuɔ nii nakai gbi lɛ kɛ nomɛi hu baashi nɔ, ni eshã kooloo muu lɛ fɛɛ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.

3 Mose 1:17

Emɔ loofɔlɔ lɛ fiji lɛ amli koni egba loofɔlɔ lɛ mli, shi ekakpɔlɔ efiji lɛ. Osɔfo lɛ ashã loofɔlɔ lɛ yɛ lai lɛ nɔ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.”

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

3 Mose 3:16

Osɔfo lɛ ashã fɛɛ yɛ afɔleshãa latɛ lɛ nɔ akɛ niyenii afɔle ni ashãa kɛŋma akɛhã Yehowa. Fɔ lɛ fɛɛ lɛ Yehowa nɔ ni.

Amos 5:21

Miihi nyɛgbii juji lɛ; amɛjeee nɔ ko kɛhã mi; ni nyɛhe naa ni nyɛbuaa kɛjaa mi lɛ tete, mibɛ he miishɛɛ.

4 Mose 7:21

tsina oblanyo kome kɛ too ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle,

Mateo 20:28

Tamɔ bɔ ni Gbɔmɔ Bi lɛ baaa ni asɔmɔ lɛ, shi eba sɔ̃ɔmɔ moŋ ni ekɛ esusuma lɛ ahã yɛ mɛi pii akpɔ̃mɔ hewɔ lɛ.”

Yohane 13:34

Kitã hee mikɛhãa nyɛ akɛ, Nyɛsumɔsumɔa nyɛhe.

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Romabii 15:16

koni mitsɔ̃ Yesu Kristo sɔ̃ɔlɔ mihã jeŋmaji lɛ, ni mitsu Nyɔŋmɔ Sanekpakpa lɛ he nii akɛ osɔfo, ni jeŋmaji lɛ atsɔ̃mɔ afɔle ni sa ehiɛ jogbaŋŋ ni atsuu he yɛ Mumɔ Krɔŋkrɔŋ mli.

Romabii 4:25

shi akɛ lɛ hã yɛ wɔtɔ̃mɔi lɛ ahewɔ, ni atee lɛ shi ekoŋŋ yɛ wɔbembuu hewɔ.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

Romabii 8:37

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.

1 Korintobii 16:14

Nyɛfea nyɛnii fɛɛ yɛ suɔmɔ mli.

1 Korintobii 5:7

No hewɔ lɛ, nyɛjiea masha momo lɛ, koni nyɛtsɔ̃mɔ ma hee, tamɔ bɔ ni akpiti ji nyɛ lɛ; ejaakɛ agbe wɔHehoo Toobi ni ji Kristo lɛ.

2 Korintobii 2:14

Shi shidaa ahã Nyɔŋmɔ, mɔ ni tsɔ̃ɔ Yesu Kristo nɔ nyiɛɔ wɔhiɛ be fɛɛ be yɛ ekunimyeli lɛ mli lɛ, ni etsɔ̃ɔ wɔnɔ ehãa enilee ŋmajee lɛ jeɔ kpo yɛ he fɛɛ he lɛ.

2 Korintobii 2:15

Ejaakɛ Kristo ŋmajee ni ekɛhãa Nyɔŋmɔ ji wɔ yɛ mɛi ni ahereɔ amɛyiwala lɛ kɛ mɛi ni laajeɔ lɛ fɛɛ ateŋ,

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

Galatabii 1:4

Yesu Kristo ni kɛ lɛ diɛŋtsɛ ehe hã yɛ wɔhe eshai lɛ ahewɔ, koni ejie wɔ kɛjɛ jeŋ fɔ̃ŋ ni yɔɔ ŋmɛnɛŋmɛnɛ nɛɛ mli, yɛ Nyɔŋmɔ ni ji wɔTsɛ lɛ suɔmɔ naa lɛ.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Efesobii 3:19

Ni nyɛle esuɔmɔ ni teke nilee fɛɛ lɛ, koni Nyɔŋmɔ obɔ̃yimɔ lɛ ayimɔ nyɛ fɛɛ obɔ̃bɔ̃.

Efesobii 4:15

Shi moŋ wɔfee anɔkwafoi yɛ suɔmɔ mli, ni wɔdara yɛ nibii fɛɛ gbɛfaŋ tamɔ Kristo ni ji yitso lɛ.

Efesobii 4:2

Nyɛnyiɛa kɛ heshibaa fɛɛ kɛ kpoofeemɔ fɛɛ kɛ tsuishitoo fɛɛ ni nyɛnanaa nyɛhã nyɛhe kɛ suɔmɔ.

Efesobii 5:15

No hewɔ lɛ, nyɛkwɛa jogbaŋŋ bɔ ni nyɛaanyiɛ nyɛhã, jeee tamɔ mɛi ni leee nii, shi moŋ tamɔ nilelɔi,

Efesobii 5:25

Nyɛ wumɛi lɛ, nyɛsumɔa nyɛŋamɛi, tamɔ bɔ ni Kristo hu sumɔ asafo lɛ ni ekɛ lɛ diɛŋtsɛ ehe hã yɛ ehewɔ,

5 Mose 27:6

ejaakɛ afɔleshãa latɛ fɛɛ afɔleshãa latɛ ni amaa akɛhã Yehowa, nyɛNyɔŋmɔ lɛ, akɛ tɛi ni dade naa esako he ama. Nyɛshãa shãa afɔlei yɛ nɔ nyɛkɛhãa Yehowa, nyɛNyɔŋmɔ lɛ.

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.

Kolosebii 3:14

Shi enɛɛmɛi fɛɛ sɛɛ lɛ nyɛwoa suɔmɔ ni ji kpãa ni fiɔ nibii fɛɛ feɔ lɛ ekome ni ehãa eyeɔ emuu lɛ.

1 Tesalonikabii 4:9

Shi nɔ ni kɔɔ nyɛmimɛi asuɔmɔ he lɛ, ehĩaaa akɛ aŋma nyɛ; ejaakɛ nyɛ diɛŋtsɛ lɛ, Nyɔŋmɔ etsɔ̃ɔ nyɛ akɛ nyɛsumɔsumɔɔ nyɛhe;

1 Timoteo 2:6

mɔ ni ŋɔ ehe ehã akɛ kpɔmɔ nɔ ehã mɛi fɛɛ. Enɛ ji odase ni aye yɛ be ni sa mli lɛ;

1 Timoteo 4:12

Kaahã mɔ ko miibu akɛ ojeee mɔ ko yɛ oblanyo ni oji lɛ hewɔ, shi moŋ okɛ ohe ato okadi ohã mɛi ni heɔ yeɔ lɛ, yɛ wiemɔ mli, yɛ hetsemɔ mli.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 8:3

Ejaakɛ osɔfonukpa fɛɛ osɔfonukpa lɛ, awo lɛ koni eŋɔ nikeenii kɛ afɔlei ebahã; no hewɔ lɛ, ehĩa akɛ mɔ nɛ hu ana nɔ ko ni ekɛbahã.

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

Hebribii 9:23

Belɛ ehe ehĩa akɛ nii ni ji ŋwɛinii lɛ afoniri nɛɛ akɛ enɛɛmɛi atsuu he; shi ŋwɛinii lɛ diɛŋtsɛ lɛ, afɔlei ni hi fe nomɛi akɛtsuuɔ he.

Hebribii 9:26

ejaakɛ nakai ni kulɛ, esa akɛ ena amanehulu kpitiokpitio kɛjɛ jeŋ shishijee beebe; shi agbɛnɛ lɛ shi kome kɛkɛ ajie lɛ kpo yɛ bei lɛ anaagbee lɛ mli, koni ekɛ lɛ diɛŋtsɛ ehe ni ekɛshã afɔle lɛ ajie esha lɛ.

1 Petro 4:8

Shi titri lɛ nyɛsuɔmɔ ni nyɛkɛsumɔsumɔɔ nyɛhe lɛ mli awa, ejaakɛ suɔmɔ haa eshai babaoo nɔ.

1 Yohane 3:16

Enɛ mli wɔyoɔ suɔmɔ lɛ yɛ, akɛ ekɛ ewala ŋmɛ shi yɛ wɔhewɔ, ni sa akɛ wɔ hu wɔ kɛ wɔwala ŋmɛɔ shi yɛ wɔnyɛmimɛi ahewɔ.

1 Yohane 3:23

Ni enɛ ji ekitã lɛ, akɛ wɔhe eBi Yesu Kristo gbɛi lɛ nɔ wɔye, ni wɔsumɔsumɔɔ wɔhe, tamɔ bɔ ni ewo wɔ kitã lɛ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.