Efesobii 5:14 - ŊMALƐ KRƆŊKRƆŊ LƐ

¹⁴ No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

Ṅmãle̱ Kroṅkroṅ Le̱

¹⁴ Nohewo̱ ni ekē̱: “Ohĩe atšẽ, bo moni owo̱ö̱ le̱, ni ote ši ke̱-dše̱ gbohĩĩ ateṅ, ni Kristo aatšo ahão!” Ies. 60,1. Rom. 13,11.

Efesobii 5:14 ပူးပေါင်းရင်းမြစ်များ

Yesaia 26:19

Omɛi ni egboi lɛ ahiɛ aaatsɛ̃, ni amɛgbɔmɔtsei lɛ aaate shi. Ao nyɛ su mli bii, nyɛhiɛ atsɛ̃a, ni nyɛlaa kɛ miishɛɛ! Ejaakɛ obɔ ni nyɔɔ lɛ, bɔ ni kpɛlɛɔ ni, ni ooohã gbohii lɛ ate shi.

Yesaia 51:17

Ao Yerusalɛm, wo ohe nɔ! Wo ohe nɔ! Tee shi odamɔ shi! Onu toigbalamɔ kpulu lɛ mli dãa ni jɛ Yehowa diɛŋtsɛ dɛŋ lɛ. Ni onu owo omli, ni olɛmɔ kpulu lɛ mli, ni eha oodidãa.

Yesaia 52:1

Ao Yerusalɛm, ohiɛ atsɛ̃! Ohiɛ atsɛ̃! Teemɔ ohewalɛ lɛ shi! Ao Yerusalɛm, maŋ krɔŋkrɔŋ, wulamɔ kɛ otadei fɛɛfɛji lɛ, ejaakɛ foolɔi kɛ mɛi ni he tseee boteŋ ogboi lɛ mli dɔŋŋ!

Yesaia 60:1

Tee shi ni otso ejaakɛ ola lɛ eshɛ shi etã, ni Yehowa anunyam lɛ miikpɛ yɛ onɔ.

Luka 1:78

ni jɛ wɔNyɔŋmɔ lɛ mɔbɔnalɛ ni hãa emusuŋ tsɔ̃ɔ lɛ lɛ mli. No hewɔ ni jetsɛremɔ ni jɛ ŋwɛi lɛ ebasara wɔ lɛ.

Luka 15:24

ejaakɛ mibi nɛɛ gbo, ni ehiɛ etsɛ̃ ekoŋŋ; elaaje, ni ana lɛ.’ Ni amɛbɔ̃i nyamɔ.

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Yohane 9:5

Gbii abɔ ni miyɔɔ je lɛ mli nɛɛ, je lɛ la ji mi.”

Bɔfoi 13:47

Ejaakɛ nakai Nuŋtsɔ lɛ wo wɔ kitã akɛ, ‘Miŋɔ bo midamɔ shi akɛ jeŋmaji lɛ ala, koni otsɔ̃ yiwalaheremɔ kɛyashi shikpɔŋ lɛ naagbee hei lɛ.’ ”

Romabii 6:13

ni asaŋ nyɛkɛ nyɛhenii lɛ akahãa esha akɛ esha lɛ tawuunii; shi moŋ nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni nyɛkɛ nyɛhenii lɛ afea jalɛ tawuunii nyɛhãa Nyɔŋmɔ.

1 Korintobii 15:34

Nyɛhãa nyɛhiɛ akãa shi jogbaŋŋ, ni nyɛkafea esha; ejaakɛ nyɛteŋ mɛi komɛi leee nɔ ko nɔ ko yɛ Nyɔŋmɔ he. Miikɛɛ enɛ ni mikɛwo nyɛ hiɛgbele.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Efesobii 2:1

Nyɛ hu kulɛ gbohii ji nyɛ yɛ nyɛ nɔtɔmɔi kɛ nyɛhe eshai lɛ amli.

Efesobii 2:5

ni wɔ ni kulɛ gbohii ji wɔ yɛ nɔtɔmɔi amli lɛ, etsiɛ wɔ kɛ Kristo fɛɛ hiɛ, dromɔ akɛhere nyɛyiwala!

Kolosebii 3:1

No hewɔ lɛ, kɛ atee nyɛ kɛ Kristo shi lɛ, nyɛtaoa nii ni yɔɔ ŋwɛi, he ni Kristo yɔɔ ni eta Nyɔŋmɔ ninejurɔ nɔ yɛ lɛ.

1 Tesalonikabii 5:6

Belɛ no hewɔ lɛ, nyɛkahãa wɔwɔa tamɔ mɛi ni eshwɛ lɛ, shi moŋ nyɛhãa wɔshia kpe ni wɔhiɛ akãa shi.

2 Timoteo 1:10

ni agbɛnɛ atsɔ̃ wɔyiwalaherelɔ, Yesu Kristo, puemɔ lɛ nɔ ajie lɛ shi faŋŋ lɛ. Lɛ efo gbele sɛɛ, ni ejie wala kɛ naanɔ shihilɛ kpo etsɔ̃ɔ yɛ Sanekpakpa lɛ mli.

2 Timoteo 2:26

Ni amɛhiɛ aaatserɛ amɛ ni amɛaaje abonsam tsɔne lɛ mli lo; ejaakɛ ekɛdu amɛ ni amɛfee esuɔmɔnaanii.