Efesobii 4:9 - ŊMALƐ KRƆŊKRƆŊ LƐ

⁹ Shi ni akɛɛ ekwɔ lɛ, te eshishiŋ, kɛjeee shi hu ekpeleke kɛtee shikpɔŋ lɛ shishiniiaŋ tsutsu lɛ?

Ṅmãle̱ Kroṅkroṅ Le̱

⁹ Ši ni akē̱ *ekwo̱ le̱, té ešišiṅ? ké̱ dšee ši hũ ekpleke ke̱-te šikpoṅ le̱ šišiniiaṅ tšutšu le̱? *Ioh. 3,13.

Efesobii 4:9 ပူးပေါင်းရင်းမြစ်များ

1 Mose 11:5

Kɛkɛ ni Yehowa kpeleke shi kɛba ni ebakwɛ maŋ kɛ mɔɔ ni gbɔmɛi adesai ema lɛ.

Lalai 139:15

Aŋɔɔɔ mi ateee bo, be ni abɔɔ migbɔmɔtso lɛ yɛ teemɔ mli, ni ashɔ̃ɔ mi yɛ shikpɔŋ lɛ shishi tɔ̃ɔ lɛ.

Lalai 63:9

Shi mɛi ni taoɔ misusuma hiɛ amɛkpãtã lɛ, aaaya gbohiiaje bu kwɔŋkwɔŋ lɛŋ.

Lalai 8:5

Kɛ̃lɛ, shwɛ shrao ni ohã ekɛ bo Nyɔŋmɔ aye hegbɔ; ni okɛ anunyam kɛ woo efi lɛ akekre.

2 Mose 19:20

Be ni Yehowa kpeleke shi kɛba Sinai Gɔŋ lɛ yiteŋ lɛ, etsɛ Mose akɛ eba gɔŋ lɛ yiteŋ; ni Mose tee.

Abe̱i 30:4

Namɔ ekwɔ kɛtee ŋwɛi, ni esaa ekpeleke shi? Namɔ ebua kɔɔyɔɔ naa yɛ ekɔkɔŋ dã? Namɔ efi nu yɛ emama mli dã? Namɔ ŋɔ shikpɔŋ lɛ koji lɛ emamɔ shi? Te egbɛi hu? Ni mɛni ji ebi lɛ hu gbɛi? Bɛ ole?

Yesaia 44:23

Ao ŋwɛi, la ejaakɛ Yehowa etsu enii! Ao shikpɔŋ lɛ shishi, bɔɔ oshe! Ao gɔji, nyɛwoa lala nɔ! Ao koo kɛ tso fɛɛ tso ni yɔɔ mli, nyɛlaa! Ejaakɛ Yehowa ekpɔ̃ Israel ni aawo ehiɛ nyam yɛ Israel.”

Ezekiel 31:14

Afee enɛ bɔ ni afee ni tso fɛɛ tso ni ma shi yɛ faa toi akakwɔ kakadaŋŋ, ni ebai yashɛ atatuiaŋ nɛkɛ dɔŋŋ; bɔ ni afee ni tso fɛɛ tso ni shishifã naa nu lɛ akakwɔ kɛtee ŋwɛi kɛyanina amɛ. Ejaakɛ aŋɔ amɛ fɛɛ ahã gbele; akɛ amɛ eshi gbɔmɛi adesai kɛ mɛi hu ni yaa gbohiiaje lɛ anɔ.

Mateo 12:40

Ejaakɛ bɔ ni Yona ye shwaneshwane kɛ nyɔɔŋnyɔɔŋ gbii etɛ̃ yɛ ŋshɔŋ loo kpeteŋkple lɛ musuŋ lɛ, nakai Gbɔmɔ Bi lɛ aaaye shwaneshwane kɛ nyɔɔŋnyɔɔŋ gbii etɛ̃ yɛ shikpɔŋ mli tɔ̃ɔ.

Yohane 20:17

Yesu kɛɛ lɛ akɛ, “Kaata mihe; miyako ŋwɛi yɛ miTsɛ ŋɔɔ; shi yaa minyɛmimɛi lɛ aŋɔɔ ni oyakɛɛ amɛ akɛ, miiya ŋwɛi yɛ miTsɛ kɛ nyɛ hu nyɛTsɛ kɛ miNyɔŋmɔ kɛ nyɛ hu nyɛNyɔŋmɔ lɛ ŋɔɔ.”

Yohane 3:13

Ni mɔ ko ekwɔko kɛyako ŋwɛi, akɛ ja mɔ ni jɛ ŋwɛi kpeleke shi lɛ, Gbɔmɔ Bi lɛ ni yɔɔ ŋwɛi lɛ.

Yohane 6:33

Ejaakɛ Nyɔŋmɔ aboloo lɛ ji mɔ ni jɛɔ ŋwɛi ekpelekeɔ shi ni eŋɔɔ wala ehãa je lɛ.”

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

Yohane 6:41

Kɛkɛ ni Yudafoi lɛ wie ehe huhuuhu akɛ ekɛɛ akɛ, “Mi ji aboloo ni jɛ ŋwɛi lɛ;”

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Yohane 6:58

Aboloo ni jɛ ŋwɛi ba nɛ; etamɔɔɔ nɔ ni nyɛtsɛmɛi lɛ ye ni amɛgboi lɛ; mɔ ni yeɔ aboloo nɛɛ lɛ, ehiɛ aaakã kɛaatee naanɔ.”

Yohane 6:62

Shi kɛji nyɛna Gbɔmɔ Bi lɛ miiya ŋwɛi he ni eyɔɔ sa lɛ, no hu?

Yohane 8:14

Yesu here nɔ ekɛɛ, “Kɛ miiye mi diɛŋtsɛ mihe odase hu jiŋŋ, midase lɛ anɔkwale ni, ejaakɛ mile he ni mijɛ kɛ he ni miyaa, shi nyɛ lɛ, nyɛleee he ni mijɛ aloo he ni miyaa.

Hebribii 2:7

Shwɛ fioo kɛkɛ ni ohã ekɛ ŋwɛi bɔfoi aye egbɔ; okɛ anunyam kɛ woo efi lɛ akekre, Ni oŋɔ lɛ oto oninenaa nitsumɔi lɛ anɔ.

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.