Efesobii 4:6 - ŊMALƐ KRƆŊKRƆŊ LƐ

⁶ Nyɔŋmɔ kome, mɛi fɛɛ aTsɛ kome mɔ ni yɔɔ mɛi fɛɛ nɔ ni etsɔ̃ɔ mɛi fɛɛ mli ni eyɔɔ mɛi fɛɛ mli lɛ.

Ṅmãle̱ Kroṅkroṅ Le̱

⁶ Nyoṅmo̱ ke̱ mei fẽ atše̱ kome ni yo̱ mei fẽ no̱ ni etšõo̱ mei fẽ mli ni eyo̱ mei fẽ mli le̱. 1 Kor. 12,6.

Efesobii 4:6 ပူးပေါင်းရင်းမြစ်များ

1 Mose 14:19

Ejɔɔ Abram ni ekɛɛ, “Ŋwɛi Flooflo Nyɔŋmɔ, ŋwɛi kɛ shikpɔŋ bɔlɔ lɛ ajɔɔ Abram;

Lalai 95:3

Ejaakɛ Nyɔŋmɔ kpeteŋkple ji Yehowa, Maŋtsɛ ni fe nyɔŋmɔi fɛɛ.

Yesaia 63:16

Ejaakɛ bo nɔŋŋ ji wɔtsɛ, tsɛbelɛ Abraham leee wɔ, ni Israel hu eŋɔɔɔ wɔ akɛ bii; shi bo Yehowa lɛ bo nɔŋŋ ji wɔtsɛ kɛ wɔkpɔ̃lɔ kɛjɛ blema beebe ejaakɛ nakai ji ogbɛi.

Maleaki 2:10

Ani jeee tsɛ kome wɔ fɛɛ wɔyɔɔ lo? Aso jeee Nyɔŋmɔ kome ni bɔ wɔ lo? Mɛni hewɔ mɔ ni wɔteŋ mɔ fɛɛ mɔ yeee enyɛmi anɔkwa, ni wɔyeee kpãŋmɔ ni Nyɔŋmɔ kɛ wɔtsɛmɛi lɛ kpãŋ lɛ nɔ lɛ?

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Mateo 6:9

“No hewɔ lɛ, nyɛsɔlea nɛkɛ, ‘WɔTsɛ ni yɔɔ ŋwɛi, ogbɛi lɛ he atse;

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

Yohane 17:26

ni mijie ogbɛi lɛ kpo mitsɔ̃ɔ amɛ, ni masaa majie lɛ kpo matsɔ̃ɔ, koni suɔmɔ ni okɛsumɔ mi lɛ ahi amɛmli, ni mi hu mahi amɛmli.”

Yohane 20:17

Yesu kɛɛ lɛ akɛ, “Kaata mihe; miyako ŋwɛi yɛ miTsɛ ŋɔɔ; shi yaa minyɛmimɛi lɛ aŋɔɔ ni oyakɛɛ amɛ akɛ, miiya ŋwɛi yɛ miTsɛ kɛ nyɛ hu nyɛTsɛ kɛ miNyɔŋmɔ kɛ nyɛ hu nyɛNyɔŋmɔ lɛ ŋɔɔ.”

Romabii 11:36

Ejaakɛ edɛŋ nii fɛɛ jɛ, ni enɔ amɛtsɔ̃ kɛba, ni lɛ nɔŋŋ amɛyɔɔ amɛhã. Lɛ aaaŋɔ anunyam ahã kɛya naanɔ. Amen!

1 Korintobii 12:6

ni nitsumɔi srɔtoi hu yɛ, shi Nyɔŋmɔ kome lɛ nɔŋŋ ji mɔ ni tsuɔ fɛɛ yɛ mɛi fɛɛ amli.

1 Korintobii 8:6

wɔ lɛ, Nyɔŋmɔ kome pɛ wɔyɔɔ, Tsɛ lɛ, mɔ mli ni nibii fɛɛ jɛ ni wɔyɔɔ wɔhã lɛ lɛ, kɛ Nuŋtsɔ kome hu ni ji Yesu Kristo lɛ, mɔ nɔ ni nibii fɛɛ tsɔ̃ kɛba ni wɔ hu wɔtsɔ̃ enɔ lɛ.

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

Efesobii 1:21

yɛ onukpayeli kɛ hegbɛ kɛ hewalɛ lɛ nɔyeli fɛɛ kɛ gbɛi fɛɛ gbɛi ni awo, jeee be nɛ be nɛɛ mli kɛkɛ, shi be ni baaba lɛ mli hu lɛ anɔ.

Efesobii 2:22

ni emli atswaa nyɛ awoɔ afee Nyɔŋmɔ shihilɛhe yɛ Mumɔ mli lɛ.

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Efesobii 6:23

Hejɔlɛ ahã nyɛmimɛi lɛ, kɛ suɔmɔ kɛ hemɔkɛyeli ni jɛ Tsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ.

5 Mose 6:4

“Bo toi, Israel! Yehowa, wɔNyɔŋmɔ lɛ, lɛ ekoome ji Yehowa.

1 Yohane 3:24

Ni mɔ ni yeɔ ekitãi lɛ anɔ lɛ hiɔ emli, ni lɛ hu ehiɔ emli; ni nɔ ni wɔkɛleɔ akɛ ehiɔ wɔmli ji Mumɔ ni ekɛhã wɔ lɛ.