Efesobii 4:31 - ŊMALƐ KRƆŊKRƆŊ LƐ

³¹ Nyɛhãa mlijoomɔ kɛ mlila kɛ mlifu kɛ blɔmɔ kɛ oshekuyeli kɛ efɔŋ fɛɛ sɛɛ afoa yɛ nyɛteŋ.

Ṅmãle̱ Kroṅkroṅ Le̱

³¹ Nyehãa mlidšõmo̱ ke̱ mlila ke̱ mlifũ ke̱ blo̱mo̱ ke̱ musubō̱ fẽ se̱ afoa ye̱ nyeteṅ, ke̱ efõṅ-fẽ-efõṅ. Kol. 3,8.

Efesobii 4:31 ပူးပေါင်းရင်းမြစ်များ

1 Mose 27:41

Esau nyɛ Yakob yɛ jɔɔmɔ ni etsɛ jɔɔ lɛ lɛ hewɔ. Ekɛɛ yɛ eyitsoŋ akɛ, “Etsɛŋ tsɔ ko ni aaafee mitsɛ yara, kɛkɛ lɛ magbe minyɛmi Yakob.”

1 Mose 37:21

Shi be ni Ruben nu yiŋ ni ato lɛ, akɛni eetao ni ejie lɛ yɛ amɛdɛŋ hewɔ lɛ, ekɛɛ amɛ akɛ, “Nyɛkahãa wɔgbea lɛ.”

1 Mose 37:4

Be ni Yosef nyɛmimɛi lɛ na akɛ amɛtsɛ sumɔɔ Yosef fe amɛ fɛɛ lɛ, amɛnyɛ lɛ bɔ sɔŋŋ ni amɛnyɛɛɛ amɛkɛ lɛ awie yɛ tsuijurɔ naa dɔŋŋ.

1 Mose 4:8

Kɛkɛ ni Kain kɛɛ enyɛmi Habel akɛ, “Hã ni wɔya ŋa lɛ nɔ wɔba.” Be ni amɛyɔɔ ŋa lɛ nɔ lɛ, Kain te shi wo enyɛmi Habel ni egbe lɛ.

2 Samuel 13:22

Absalom nyɛ Amnon waa diɛŋtsɛ yɛ enyɛbiyoo Tamar ni Amnon mɔ lɛ lɛ hewɔ; shi moŋ ejieee dɔlɛ lɛ kpo etsɔ̃ɔɔ Amnon.

2 Samuel 19:27

ni ebafo minaa moŋ efite mi ehã maŋtsɛ. Shi maŋtsɛ tamɔ Nyɔŋmɔ bɔfo, no hewɔ lɛ, miyɛ odɛ̃ŋ, bɔ ni ooofee mi.

2 Samuel 19:43

Israelbii lɛ to he amɛhã Yudabii lɛ akɛ, “Gbɛnaa nii ni nyɛyɔɔ yɛ Maŋtsɛ David gbɛfaŋ lɛ, wɔyɛ nakai toi nyɔŋma yɛ egbɛfaŋ. Mɛni hewɔ mɔ ni nyɛbuuu wɔ. Kwɛ jeee wɔ tsuutsu moŋ wɔwo ŋaa akɛ ayaŋɔ wɔmaŋtsɛ lɛ kɛba lɛ?” Shi Yudabii lɛ anaa yawa fe Israelbii lɛ yɛ sane nɛɛ mli.

Lalai 101:5

Mɔ ni yeɔ enaanyo he osheku yɛ teemɔ mli lɛ, makpãtã ehiɛ. Mɔ ni yɔɔ gegeege kɛ henɔwomɔ tsui lɛ mikɛ lɛ yeŋ.

Lalai 140:11

Kaahã oshekuyelɔ ko he shi yɛ shikpɔŋ lɛ nɔ; hã efɔŋ akpãtã yiwalɔ lɛ hiɛ mra.

Lalai 15:3

mɔ ni kɛ elilɛi yeee mɔ he osheku ni efeee enaanyo efɔŋ ko; ni ebɔɔɔ enaanyo gbɔmɔ ahora.

Lalai 37:8

Kaahã omli miifu, ni omli akawo la kwraa. Kaawo otsui he la, efɔŋfeemɔ mli pɛ ekɛ mɔ yaa.

Lalai 50:20

Otaa shi oyeɔ onyɛmi he osheku; onyɛ musuŋbi tete po, ofiteɔ egbɛi.

Lalai 64:3

Amɛjɔ amɛlilɛii anaa tamɔ klante; amɛkɛ amɛdaaŋ wiemɔi ni joɔ gbulɔɔ mi tamɔ gãimlibii.

Abe̱i 10:12

Nyɛɛ teɔ bei shi; shi suɔmɔ haa tɔ̃mɔi fɛɛ anɔ.

Abe̱i 10:18

Mɔ ni kɛ nyɛɛ teɔ lɛ, amalelɔ ni; mɔ ni yeɔ mɔ he osheku lɛ, kwashia ji lɛ.

Abe̱i 14:17

Mɔ ni mli etsɛɛɛ fumɔ lɛ, efeɔ kwashiaianii, ni yitsofɔŋtsɛ lɛ anyɛɔ lɛ.

Abe̱i 18:8

Ablɛbiwielɔ wiemɔ ŋɔɔ tamɔ dɔkɔdɔkɔnii; ekpelekeɔ shi kɛyaa gbɔmɔ musuŋ tɔ̃ɔ.

Abe̱i 19:12

Maŋtsɛ mlifu tamɔ jata huumɔ; shi kɛ ena mɔ he tsui lɛ, etamɔ bɔ ni jwere jwɛi nɔ.

Abe̱i 25:23

Bɔ ni kooyigbɛ kɔɔyɔɔ kɛ nunɛmɔ baa lɛ, nakai nɔŋŋ mɔhewiemɔ kɛ hiɛtumɔ baa.

Abe̱i 26:20

Kɛji lai tã lɛ, la gboɔ; ni kɛji ablɛbiwielɔ bɛ lɛ bei sɛɛ foɔ.

Abe̱i 29:22

Mɔ ni mli fuɔ lɛ, eteɔ bei shi; ni mɔ ni mli etsɛɛɛ fumɔ lɛ, etɔ̃ɔ babaoo.

Abe̱i 29:9

Kɛji nilelɔ kɛ buulu gba kadaa lɛ, buulu lɛ griɔ ni eŋmɔɔ kɛkɛ, ni hejɔlɛ baaa.

Abe̱i 6:19

Mɔ ni yeɔ amale odase, ni efoɔ sane ni bɛ mli etãa; mɔ ni woɔ nanemɛi ateŋ bei.

Jajelɔ 7:9

Kaahã omli fu oya, ejaakɛ kwashiai amiinaa ji he ni mlifu yɔɔ.

Yeremia 6:28

Kaniŋkajelɔi kpanakui sɔŋŋ ji amɛ, ni amɛtsui wa tamɔ akɔɔble loo dade. Amɛ fɛɛ lɛ mɔfitelɔi ji amɛ, amɛyeɔ mɛi ahe osheku kɛfoɔ shi.

Yeremia 9:4

Mɔ fɛɛ mɔ akwɛ ehe ni ahi yɛ enaanyo hewɔ; mɔ ko kɛ ehe akafɔ̃ enyɛmi nɔ, ejaakɛ mɔ fɛɛ mɔ etsɔ̃ ehe shishiulɔ, ni naanyo fɛɛ naanyo etsɔ̃ mɔ he oshekuyelɔ.

Bɔfoi 21:30

Ni maŋ muu lɛ fɛɛ bu, ni maŋbii lɛ sha foi kɛbabua mɛhe naa; ni amɛmɔ Paulo amɛgbala lɛ kɛjɛ Sɔlemɔ we lɛ kɛje kpo, ni amrɔ lɛ nɔŋŋ lɛ aŋamɔ shinai lɛ.

Romabii 3:14

Loomɔ kɛ joomɔ eyi amɛdaaŋ obɔ̃.

1 Korintobii 14:20

Anyɛmimɛi, nyɛkafea nyɛhe gbekɛbii yɛ jwɛŋmɔ gbɛfãŋ. Efɔŋ gbɛfãŋ lɛ, nyɛfea nyɛhe abifabii; shi jwɛŋmɔ gbɛfãŋ lɛ, nyɛfea nyɛhe mɛi ni edara.

1 Korintobii 5:8

No hewɔ lɛ, nyɛhãa wɔyea Hehoo Gbijurɔ lɛ, jeee kɛ masha momo, ni asaŋ jeee kɛ efɔŋ loo nɔshafeemɔ masha, shi moŋ kɛ anɔkwale akpiti ŋmiiŋmi.

2 Korintobii 12:20

Ejaakɛ miishe gbeyei akɛ ekolɛ kɛ miba lɛ, mibanaŋ nyɛ bɔ ni misumɔɔ, ni nyɛ hu nyɛnaŋ mi bɔ ni nyɛsumɔɔ; bei, awuŋayeli, mlilawoo, pɛsɛŋkuminya, oshekuyeli, mɔhewiemɔ, hefaa, sakasakafeemɔ;

Galatabii 5:20

wɔŋjamɔ, suu, nyɛɛ, bei, awuŋayeli, mlilawoo, bei mumɔ, atuatsemɔ, mligbalamɔ,

Efesobii 4:22

akɛ nyɛshɛ nɔ ni ji gbɔmɔ momo yɛ nyɛsa jeŋba lɛ naa gbɔmɔ ni efite yɛ shishiumɔ sɛɛdii lɛ anaa lɛ nyɛfɔ̃.

Efesobii 4:25

No hewɔ lɛ, nyɛshɛa amale nyɛfɔa ni nyɛteŋ mɔ fɛɛ mɔ kɛ enaanyo awie anɔkwale, ejaakɛ gbɔmɔtso kome henii ji wɔ.

Efesobii 4:26

Nyɛmli afũa, shi nyɛkafea esha; hulu akanyɔ shi yɛ nyɛmlifu lɛ nɔ.

Kolosebii 3:19

Nyɛ wumɛi lɛ, nyɛsumɔa nyɛŋamɛi, ni nyɛmli akajoa yɛ amɛnɔ.

Kolosebii 3:8

Shi agbɛnɛ lɛ nyɛ hu nyɛshɛrɛa nibii nɛɛ fɛɛ nyɛshwiea: mlifu, mlila kɛ shwee ni ashweɔ mɔ efɔŋ, kɛ oshekuyeli kɛ hiɛgbejiawiemɔ ni jɛɔ nyɛdaaŋ.

1 Timoteo 3:11

Yei lɛ hu nakai nɔŋŋ; amɛfee mɛi ni hiɛ tsii, jeee oshekuyelɔi shi mɛi ni hiɛ kã shi, ni amɛyeɔ anɔkwa yɛ nii fɛɛ mli.

1 Timoteo 3:3

jeee dãanulɔ, jeee ninekpokpookpotsɛ, shi moŋ mɔ ni he jɔ, mɔ ni beee, mɔ ni hiɛ ekɔ̃ɔɔ shika nɔ,

1 Timoteo 5:13

Ni amɛsaa amɛkaseɔ hejɔ̃feemɔ, amɛkpaa shi yɛ shĩai, ni jeee hejɔ̃lɔi kɛkɛ amɛtsɔ̃mɔɔ, shi amɛwiewieɔ mɛi ahe hu, amɛkɛ amɛhe woɔ mɛi asaji amli, amɛwieɔ nii ni esaaa.

2 Timoteo 2:23

Shi kwashiai aŋwanejee ni akɛkaseee nɔ ko lɛ tsi ohe kɛjɛ he, ejaakɛ ole akɛ ekɛ bei baa;

2 Timoteo 3:3

mɛi ni edɔɔɔ mɔ he, kpãŋmɔmlikulɔi, oshekuyelɔi, mɛi ni nyɛɛɛ amɛkɔnɔ nɔ amɛye, mɛi ni hiɛ yɔɔ la, mɛi ni sumɔɔɔ ekpakpa,

Tito 1:7

Ejaakɛ nɔkwɛlɔ lɛ, esaaa akɛ kpa ko hiɔ ehe, akɛni Nyɔŋmɔ we nɔ tsulɔnukpa ji lɛ lɛ. Ekafee ehe mɔ ni feɔ lɛ diɛŋtsɛ etsuinaanii, jeee mlifutsɛ, jeee dãanulɔ, jeee ninekpokpookpotsɛ, jeee hiɛjoolɔ.

Tito 2:3

Yeimeji hu nakai nɔŋŋ, amɛba amɛjeŋ bɔ ni sa mɛi krɔŋkrɔŋi lɛ. Amɛkafee amɛhe oshekuyelɔi, amɛkafee amɛhe mɛi ni dãa eŋɔ amɛ nom, amɛfee mɛi ni tsɔ̃ɔ nii kpakpai.

Yakobo 1:19

No hewɔ lɛ, minyɛmimɛi ni misumɔɔ, mɔ fɛɛ mɔ he afee oya kɛ ninumɔ; ehumi shi kɛ wiemɔ; ehumi shi kɛ mlifu.

Yakobo 3:14

Shi kɛ awuŋayeli fɔŋ kɛ bei yɛ nyɛtsui mli lɛ, nyɛkashwãa ni nyɛmalea nyɛshia anɔkwale lɛ.

Yakobo 4:11

Nyɛkawiewiea nyɛhe, anyɛmimɛi. Mɔ ni wieɔ enyɛmi he aloo ekojoɔ enyɛmi lɛ, Mla lɛ ewieɔ eshiɔ ni Mla lɛ ekojoɔ lɛ. Shi kɛ ookojo Mla lɛ, jeee Mla lɛ nɔyelɔ ji bo, shi Mla lɛ kojolɔ moŋ ji bo.

1 Petro 2:1

No hewɔ lɛ, nyɛshɛrɛa efɔŋ fɛɛ kɛ kutumpɔo fɛɛ kɛ shishiumɔ kɛ osato kɛ hetsɛ̃ kɛ mɔhewiemɔ fɛɛ nyɛshwiea.

1 Yohane 3:12

Jeee tamɔ Kain ni jɛ mɔ fɔŋ lɛ mli ni egbe enyɛmi lɛ. Ni mɛɛ hewɔ egbe lɛ? Ejaakɛ enitsumɔi lɛ efɔ̃ɔji ni, shi enyɛmi lɛ nɔ lɛ ja.

1 Yohane 3:15

Mɔ fɛɛ mɔ ni nyɛɔ enyɛmi lɛ, gbɔmɔgbelɔ ji lɛ; ni nyɛle akɛ gbɔmɔgbelɔ ko gbɔmɔgbelɔ ko bɛ naanɔ wala yɛ emli.

Kpojiemɔ 12:10

Ni minu gbee wulu ko yɛ ŋwɛi miikɛɛ, “Agbɛnɛ yiwalaheremɔ lɛ kɛ hewalɛ lɛ kɛ maŋtsɛyeli lɛ etsɔ̃ wɔNyɔŋmɔ lɛ nɔ, ni hegbɛ lɛ etsɔ̃ eKristo lɛ nɔ, ejaakɛ ashɛ wɔnyɛmimɛi lɛ anaaflɔlɔ lɛ ni folɔɔ amɛnaa yɛ wɔNyɔŋmɔ lɛ hiɛ nyɔɔŋ kɛ shwane lɛ afɔ̃.