Efesobii 4:23 - ŊMALƐ KRƆŊKRƆŊ LƐ

²³ Ni nyɛtsɔ̃mɔ mɛi hei yɛ mumɔ ni nyɛkɛjwɛŋɔ lɛ gbɛfaŋ,

Ṅmãle̱ Kroṅkroṅ Le̱

²³ ni nyetšõmo̱ mei hẽi ye̱ nyedſẽṅmo̱ mumo̱ le̱ mli, Rom. 12,2.

Efesobii 4:23 ပူးပေါင်းရင်းမြစ်များ

Lalai 51:10

Oo Nyɔŋmɔ, bɔɔ tsui ni mli tse ohã mi; dromɔ mi mumɔ hee ni gbugbãaa.

Ezekiel 11:19

Ni mahã amɛ tsui kroko, ni mikɛ mumɔ hee baawo amɛmli; majie amɛtsui ni wa tamɔ tɛ lɛ kɛje amɛmli ni mahã amɛ loo tsui;

Ezekiel 18:31

Nyɛkpaa efɔŋ fɛɛ efɔŋ ni nyɛfee nyɛshi mi lɛ feemɔ, ni nyɛtsakea nyɛtsuiiaŋ ni nyɛnaa mumɔ hee. Ao, Israelbii, shi mɛɛba ni nyɛaagboi?

Ezekiel 36:26

“Mahã nyɛ tsui hee ni mikɛ mumɔ hee baawo nyɛmli, ni majie nyɛtsui ni wa tamɔ tɛ lɛ kɛje nyɛmli ni mahã nyɛ heloo tsui ni he jɔ.

Romabii 12:2

Ni nyɛkabaa nyɛjeŋ tamɔ jeŋbii, shi moŋ nyɛkɛ nyɛjwɛŋmɔ ni etsɔ̃ ehee lɛ afea nyɛhe gbɔmɛi hei, koni nyɛyoo nii ni ji Nyɔŋmɔ suɔmɔnaanii kpakpai ni sa ehiɛ jogbaŋŋ ni hi kɛwula shi lɛ.

Romabii 6:4

No hewɔ lɛ, akɛ baptisimɔ ni abaptisi wɔ awo egbele lɛ mli lɛ efu wɔ kɛ lɛ fɛɛ, koni tamɔ bɔ ni atee Kristo shi kɛjɛ gbohii ateŋ yɛ Tsɛ lɛ anunyam naa lɛ, nakai nɔŋŋ kɛ̃ wɔ hu wɔɔnyiɛ yɛ wala hee mli.

Romabii 8:6

Ejaakɛ heloo jwɛŋmɔ lɛ, gbele ni, shi mumɔ jwɛŋmɔ lɛ, wala kɛ hejɔlɛ ni.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Kolosebii 3:10

ni nyɛwo gbɔmɔ hee ni aafee lɛ ehee yɛ ebɔlɔ lɛ subaŋ nɔ, koni ele lɛ anɔkwale mli lɛ.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

1 Petro 1:13

No hewɔ lɛ, nyɛsaa nyɛjwɛŋmɔ, nyɛhiɛ akãa shi, ni nyɛkɛ nyɛhiɛ afɔa dromɔ ni akɛbaahã nyɛ yɛ Yesu Kristo kpojiemɔ mli lɛ nɔ kwraa.