Efesobii 4:16 - ŊMALƐ KRƆŊKRƆŊ LƐ

¹⁶ Lɛ emli gbɔmɔtso muu lɛ fɛɛ tsɔ̃ɔ talɔ fɛɛ talɔ ni ahã lɛ lɛ nɔ emɔmɔɔ ehe eshimɔshimɔɔ ehe nɔ yɛ. Ni ehe mɔɔ ehe, ni kɛ henɔ fɛɛ henɔ miitsu enii jogbaŋŋ lɛ, ehãa gbɔmɔtso lɛ daa, ni emaa ehe yɛ suɔmɔ mli.

Ṅmãle̱ Kroṅkroṅ Le̱

¹⁶ le̱ emli gbomotšo mũ le̱ fẽ mõmoo̱ ehe šimo̱šimoo̱ ehe no̱ ni etšõo̱ noni dše̱o̱ talo̱-fẽ-talo̱ mli le̱ no̱ etšratšraä ehe no̱ ye̱ henõ-fẽ-henõ nitšumo̱ susumo̱ le̱ nā, ni ehãa gbomotšo le̱ daä, ni emãa ehe ye̱ suomo̱ mli. Kol. 2,19.

Efesobii 4:16 ပူးပေါင်းရင်းမြစ်များ

Yohane 15:5

“Mi ji waintso lɛ, nyɛ ji niji lɛ. Mɔ ni hiɔ mimli ni mi hu mihiɔ emli lɛ, lɛ ewoɔ yibii pii; ejaakɛ kɛjeee miŋ lɛ nyɛnyɛŋ nɔ ko nyɛfee.

Romabii 12:4

Ejaakɛ tamɔ bɔ nɔŋŋ ni gbɔmɔtso kome he lɛ wɔyɛ henii pii, shi henii lɛ fɛɛ tsuuu nitsumɔ kome lɛ,

1 Korintobii 10:17

Ejaakɛ aboloo kome ni, ni wɔyi pii moŋ, shi gbɔmɔtso kome ji wɔ, ejaakɛ wɔ fɛɛ wɔyeɔ aboloo kome lɛ eko.

1 Korintobii 13:13

Shi agbɛnɛ hemɔkɛyeli, hiɛnɔkãmɔ, suɔmɔ, nɛkɛ nibii etɛ̃ nɛɛ, hiɔ shi; shi suɔmɔ ji amɛteŋ nɔ ni fe fɛɛ.

1 Korintobii 8:1

Agbɛnɛ yɛ wɔji afɔle gbɛfaŋ lɛ, wɔle akɛ “wɔ fɛɛ wɔyɛ nilee.” Nilee hãa mɔ woɔ ehe nɔ, shi suɔmɔ hãa mɔ nane mɔɔ shi.

Galatabii 5:22

Shi Mumɔ lɛ yibii ji suɔmɔ, miishɛɛ, hejɔlɛ, tsuishitoo, mlihilɛ, ejurɔfeemɔ, hemɔkɛyeli,

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Efesobii 3:7

No he sɔ̃ɔlɔ ji mi yɛ Nyɔŋmɔ dromɔ nikee nii ni atsɔ̃ ehewalɛ nitsumɔ nɔ akɛhã mi lɛ naa,

Efesobii 4:12

Efee enɛ koni akɛsaa hetselɔi lɛ ahã sɔ̃ɔmɔ nitsumɔ lɛ kɛ Kristo gbɔmɔtso lɛ tswaa,

Efesobii 4:15

Shi moŋ wɔfee anɔkwafoi yɛ suɔmɔ mli, ni wɔdara yɛ nibii fɛɛ gbɛfaŋ tamɔ Kristo ni ji yitso lɛ.

Filipibii 1:9

Ni enɛ he fai mikpaa, akɛ nyɛsuɔmɔ lɛ afa kɛya nɔ, ni eteke nɔ yɛ nilee kɛ sɛɛyoomɔ fɛɛ gbɛfaŋ

Kolosebii 2:19

ni ehiɛɛɛ Kristo ni ji yitso lɛ mli, mɔ mli ni gbɔmɔtso lɛ fɛɛ tsɔ̃ɔ talɔi kɛ fai lɛ anɔ enaa nii ni hiaa lɛ kɛjeɔ ni emɔmɔ̃ɔ ehe kɛshimɔ̃ɔ ehe nɔ kɛdaa bɔ ni Nyɔŋmɔ taoɔ lɛ.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

1 Tesalonikabii 1:3

Ni wɔkaiɔ nyɛhemɔkɛyeli nitsumɔ lɛ kɛ nyɛsuɔmɔ mɔdɛŋbɔɔ lɛ kɛ nyɛhiɛ ni kã wɔNuŋtsɔ Yesu Kristo nɔ lɛ mli hiɛmiamɔ lɛ yɛ Nyɔŋmɔ ni ji wɔTsɛ lɛ hiɛ.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

1 Tesalonikabii 3:12

Ni Nuŋtsɔ lɛ awo nyɛ obɔ̃bɔ̃ ni ehã nyɛteke nɔ kɛ suɔmɔ ni nyɛkɛsumɔsumɔɔ nyɛhe kɛ mɛi fɛɛ, tamɔ bɔ ni wɔ hu wɔsumɔɔ nyɛ lɛ.

2 Tesalonikabii 1:3

Eji wɔgbɛnaa akɛ wɔdaa Nyɔŋmɔ shi daa yɛ nyɛhewɔ, anyɛmimɛi, tamɔ bɔ ni sa lɛ, ejaakɛ nyɛhemɔkɛyeli lɛ miida naakpa, ni nyɛteŋ mɔ fɛɛ mɔ suɔmɔ ni ekɛsumɔɔ enanemɛi lɛ miifa kɛmiiya nɔ hu.

1 Timoteo 1:5

Shi ŋaawoo lɛ oti ji suɔmɔ ni jɛ tsui ni mli tse kɛ henilee kpakpa kɛ hemɔkɛyeli ni osato ko bɛ mli lɛ mli.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

1 Yohane 4:16

Ni wɔ lɛ wɔ́le, ni wɔ́he suɔmɔ ni Nyɔŋmɔ kɛsumɔɔ wɔ lɛ wɔye. Nyɔŋmɔ lɛ, suɔmɔ ji lɛ, ni mɔ ni hiɔ suɔmɔ mli lɛ, ehiɔ Nyɔŋmɔ mli, ni Nyɔŋmɔ hu hiɔ emli.