Efesobii 4:14 - ŊMALƐ KRƆŊKRƆŊ LƐ

¹⁴ koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

Ṅmãle̱ Kroṅkroṅ Le̱

¹⁴ koni *wo̱kakã he wo̱fe abifabii ni tšõmo̱-kō̱yo̱-fẽ-tšõmo̱-kō̱yo̱ †bosoo̱ame̱, ni ekpláäame̱ ke̱-yaä ke̱-baä ye̱ gbomei aṅā-fõṅ-tō mli, ye̱ šišiumo̱ ṅā le̱ mli kũtũm-po̱o nā; *1 Kor. 14.20. †Heb. 13,9.

Efesobii 4:14 ပူးပေါင်းရင်းမြစ်များ

Lalai 10:9

Edɛkeɔ shi tamɔ jata yɛ olɔtɔ mli; ewoɔ ka koni emɔ ohiafo; ekɛ akpa duɔ ohiafo; ni eshãtãa lɛ kɛyaa.

Lalai 59:3

Ejaakɛ naa, amɛwo ka yɛ mi mihewɔ; yiwalɔi ebua amɛhe naa amɛwo mi.

Yesaia 28:9

Amɛkɛɔ akɛ, “Namɔ kwraa nii ebaatsɔ̃ɔ mɔ, ni namɔ kwraa ebaagbala sane mli etsɔ̃ɔ? Abifabii ni atse amɛ fufɔ, loo mɛi ni ayahole amɛ yɛ fufɔ naa?

Mika 7:2

Gbɔmɔ Nyɔŋmɔ gbeyeishelɔ ko bɛ shikpɔŋ lɛ nɔ dɔŋŋ; mɔ ko bɛ ni yeɔ Nyɔŋmɔ anɔkwa. Mɔ fɛɛ mɔ miitao akɛ ena hegbɛ ni eshwie lá shi. Mɔ fɛɛ mɔ miigbɔbi enaanyo.

Mateo 11:7

Shi be ni mɛi ni atsu nɛɛ ku amɛsɛɛ kɛyaa lɛ, Yesu bɔ̃i Yohane he wiemɔ kɛ mɛi babaoo lɛ tsɔ̃ɔmɔ akɛ, “Mɛni kwɛmɔ nyɛtee yɛ ŋa lɛ nɔ lɛ? Glã ni kɔɔyɔɔ hosoɔ?

Mateo 24:11

Ni amale gbalɔi pii aaate shi, ni amɛaalaka mɛi pii.

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Bɔfoi 23:21

Shi bo lɛ, kaakpɛlɛ̃ amɛ ejaakɛ amɛteŋ mɛi fe nyɔŋmai ejwɛ ewo lɛ ka, ni amɛkãmɔ amɛhe kitã akɛ amɛyeŋ nii ni asaŋ amɛnuŋ nɔ ko ja amɛgbe lɛ dã; ni agbɛnɛ lɛ amɛsaa amɛhe, ni amɛmiibo onaa wiemɔ toi.”

1 Korintobii 12:2

Nyɛle akɛ be ni nyɛ ji jeŋmajiaŋbii lɛ, amãgãi mumuii lɛ aŋɔɔ akpala nyɛ kɛtee, bɔ fɛɛ bɔ ni akpala nyɛ ahã lɛ.

1 Korintobii 14:20

Anyɛmimɛi, nyɛkafea nyɛhe gbekɛbii yɛ jwɛŋmɔ gbɛfãŋ. Efɔŋ gbɛfãŋ lɛ, nyɛfea nyɛhe abifabii; shi jwɛŋmɔ gbɛfãŋ lɛ, nyɛfea nyɛhe mɛi ni edara.

1 Korintobii 3:19

Ejaakɛ je nɛɛ mli nilee lɛ ji kwashiai asane yɛ Nyɔŋmɔ hiɛ. Ejaakɛ aŋma akɛ, “Emɔɔ nilelɔi lɛ yɛ amɛŋaa fɔŋ lɛ mli.”

2 Korintobii 2:17

Ejaakɛ wɔtamɔɔɔ mɛi pii ni kɛ nibii krokomɛi futuɔ Nyɔŋmɔ wiemɔ lɛ mli lɛ, shi moŋ wɔwieɔ lɛ ŋmiiŋmi bɔ ni ejɛ Nyɔŋmɔ ŋɔɔ lɛ yɛ Nyɔŋmɔ hiɛ, yɛ Kristo mli.

2 Korintobii 4:2

shi wɔkwa hiɛgbejianii ni akɛtee lɛ, ni wɔbaaa wɔjeŋ yɛ kutumpɔo mli; ni asaŋ wɔkɛ nibii futuuu Nyɔŋmɔ wiemɔ lɛ, shi moŋ wɔkɛ anɔkwale lɛ wiemɔ faŋŋ jieɔ wɔhe yi wɔtsɔ̃ɔ gbɔmɔ fɛɛ gbɔmɔ henilee yɛ Nyɔŋmɔ hiɛ.

Galatabii 3:1

O Galatiabii ni bɛ yitsoŋ! Namɔ kpɛ nyɛ ayɛ, nyɛ ni atɛŋ Yesu Kristo yɛ nyɛhiɛ akɛ mɔ ni asɛŋ lɛ lɛ?

Efesobii 6:11

Nyɛwoa Nyɔŋmɔ tawuunii lɛ fɛɛ, koni nyɛnyɛ abonsam ŋaatsɔ̃i lɛ ana nyɛdamɔ.

1 Timoteo 3:6

Asaŋ jeee mɔ ni bote Nyɔŋmɔjamɔ mli etsɛko, koni ekawo ehe nɔ ni egbee kojomɔ ni abonsam gbee mli lɛ mli.

2 Timoteo 1:15

Ole enɛ akɛ mɛi ni yɔɔ Asia lɛ fɛɛ kpa yɛ misɛɛ; amɛteŋ mɛi komɛi ji Figelo kɛ Hermogene.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

2 Timoteo 4:3

Ejaakɛ be ko baaba ni gbɔmɛi ekpɛlɛŋ tsɔ̃ɔmɔ kpakpa lɛ dɔŋŋ, shi moŋ amɛaabua tsɔɔlɔi anaa amɛwo amɛhe yɛ amɛ diɛŋtsɛ amɛkɔnɔi lɛ anaa, ejaakɛ amɛtoiiaŋ miifɛlɛ̃ amɛ;

Hebribii 13:9

Nyɛkahãa tsɔ̃ɔmɔi srɔtoi kɛ tsɔ̃ɔmɔi krokomɛi kɛ nyɛ miililaa shi; ejaakɛ ehi akɛ akɛ Nyɔŋmɔ dromɔ awo tsui hewalɛ, shi jeee niyenii ni hãaa mɛi ni tsuɔ he nii lɛ ana sɛɛ ko yɛ mli lɛ.

Yakobo 1:6

Shi ekpa fai yɛ hemɔkɛyeli mli, ni ekaje nɔ ko nɔ ko he ŋwane; ejaakɛ ŋwanejelɔ lɛ etamɔ ŋshɔke ni kɔɔyɔɔ tswaa kɛyaa kɛbaa.

Yakobo 3:4

Naa, lɛji hu tsɛ amɛdara aahu, ni kɔɔyɔɔ ni naa wa kpalaa amɛ, shi kudɔɔ bibioo ko kɛkɛ akɛkudɔɔ amɛ kɛyaa he fɛɛ he ni kudɔɔtsɛ lɛ sumɔɔ.

2 Petro 2:18

Ejaakɛ akɛni naafuu wiemɔi wuji jeɔ amɛnaa hewɔ lɛ, amɛtsɔ̃ɔ heloo akɔnɔi anɔ amɛkɛ nyɛnyɛŋtswibɔɔ lakaa mɛi ni je mɛi ni baa amɛjeŋ yɛ shishiumɔ mli lɛ adɛŋ etsɛko lɛ;

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

1 Yohane 2:26

Mɛi ni hãa nyɛduɔ gbɛ lɛ ahewɔ miŋmaa nyɛ nii nɛɛ.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.

Yuda 1:12

Mɛnɛɛmɛi ji mɛi ni woɔ nyɛsuɔmɔ niyenii lɛ ahe muji, ejaakɛ amɛkɛ nyɛ yeɔ nii ni amɛsheee gbeyei. Ni amɛ diɛŋtsɛ amɛhe amɛlɛlɛɔ. Atatui ni nu bɛ amɛmli ni kɔɔyɔɔ kpalaa amɛ kɛbɔleɔ shi ji amɛ. Tsei ni yibiiwoo be mli lɛ amɛwooo yibii, shi amɛgboi shii enyɔ ni afãmɔ amɛ kɛ amɛshishifãi.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.