Efesobii 4:13 - ŊMALƐ KRƆŊKRƆŊ LƐ

¹³ kɛyashi beyinɔ ni wɔ fɛɛ wɔɔshɛ ekomefeemɔ ni yɔɔ Nyɔŋmɔ Bi lɛ nɔ hemɔkɛyeli kɛ ehe nilee mli lɛ he. Ni wɔfee nuu ni eye emuu yɛ Kristo emuuyeli lɛ susumɔ naa;

Ṅmãle̱ Kroṅkroṅ Le̱

¹³ ke̱-yaši beyino̱ ni wo̱fẽ wo̱o̱še̱ Nyoṅmo̱ bi le̱ ne̱ hemo̱-ke̱-yeli ke̱ ehe nilẽ ekomefemo̱ le̱ he ní wo̱fe nū ni eye mũ ye̱ Kristo dale̱ mū le̱ susumo̱ nā;

Efesobii 4:13 ပူးပေါင်းရင်းမြစ်များ

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Zefania 3:9

“Nakai be lɛ mibatsake majimaji lɛ adaaŋ wiemɔ koni amɛwiemɔ he atse; ni amɛ fɛɛ kwa amɛbaaja mi, Yehowa, kɛ wiemɔ ni he tse.

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Yohane 1:16

Ejaakɛ ebɔ̃yimɔ lɛ mli jɛ ni wɔ fɛɛ wɔna dromɔ wɔshi dromɔ nɔ.

Yohane 16:3

Ni amɛaafee enɛɛmɛi, ejaakɛ amɛleee Tsɛ lɛ ni amɛleee mi hu.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 6:69

ni wɔ lɛ wɔhe wɔye ni asaŋ wɔna wɔle akɛ bo ji Nyɔŋmɔ Mɔ Krɔŋkrɔŋ lɛ!”

Bɔfoi 4:32

Shi mɛi babaoo lɛ ni heɔ yeɔ lɛ fɛɛ hiɛ tsui koome kɛ susuma koome, ni amɛteŋ mɔ ko mɔ ko tsɛɛɛ enii ni eyɔɔ lɛ amli eko akɛ lɛ diɛŋtsɛ enɔ, shi eyɛ hã amɛ fɛɛ.

1 Korintobii 1:10

Shi, anyɛmimɛi, miikpa nyɛ fai yɛ wɔNuŋtsɔ Yesu Kristo gbɛi mli, akɛ nyɛnaabu afee ekome ni mligbalamɔi akaba nyɛteŋ, shi moŋ nyɛ fɛɛ nyɛhiɛa jwɛŋmɔ kome kɛ susumɔ kome.

1 Korintobii 14:20

Anyɛmimɛi, nyɛkafea nyɛhe gbekɛbii yɛ jwɛŋmɔ gbɛfãŋ. Efɔŋ gbɛfãŋ lɛ, nyɛfea nyɛhe abifabii; shi jwɛŋmɔ gbɛfãŋ lɛ, nyɛfea nyɛhe mɛi ni edara.

1 Korintobii 2:6

Shi kɛ̃lɛ wɔwieɔ nilee wiemɔ yɛ mɛi ni edara yɛ mumɔŋ lɛ ateŋ, shi jeee je nɛɛ mli nilee loo je nɛɛ mli nɔyelɔi ni jeee fɛifɛi lɛ anilee.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Galatabii 4:19

Mibii bibii ni mikɔ̃mɔɔ kɛ nyɛfɔmɔ ekoŋŋ kɛyashi beyinɔ ni aaashɔ̃ Kristo subaŋ yɛ nyɛmli.

Efesobii 1:17

koni wɔNuŋtsɔ Yesu Kristo Nyɔŋmɔ lɛ ni ji anunyam Tsɛ lɛ ahã nyɛ nilee kɛ kpojiemɔ mumɔ yɛ le ni nyɛaale lɛ jogbaŋŋ lɛ mli.

Efesobii 1:23

ni ji egbɔmɔtso lɛ kɛ lɛ mɔ ni ewoɔ mɛi fɛɛ obɔ̃ yɛ nii fɛɛ mli lɛ obɔ̃yimɔ lɛ.

Efesobii 2:15

Ni ekɛ lɛ diɛŋtsɛ eheloo gu Mla lɛ kitãi kɛ akpɔi lɛ, koni ekɛ mɛi enyɔ lɛ fɛɛ abɔ gbɔmɔ hee kome yɛ lɛ diɛŋtsɛ emli ni ehã hejɔlɛ aba,

Efesobii 4:12

Efee enɛ koni akɛsaa hetselɔi lɛ ahã sɔ̃ɔmɔ nitsumɔ lɛ kɛ Kristo gbɔmɔtso lɛ tswaa,

Efesobii 4:3

Ni nyɛbɔa mɔdɛŋ ni nyɛkɛ hejɔlɛ kpãa ni fiɔ nyɛ lɛ ato ekomefeemɔ ni jɛɔ Mumɔ lɛ ŋɔɔ lɛ.

Efesobii 4:5

Nuŋtsɔ kome, hemɔkɛyeli kome, baptisimɔ kome,

Filipibii 3:10

ni male lɛ Kristo eshitee lɛ hewalɛ lɛ; ni mana emanehului lɛ eko, ni matamɔ lɛ yɛ egbele lɛ gbɛfaŋ;

Filipibii 3:8

Anɔkwale mli lɛ mibuɔ fɛɛ akɛ shigbeemɔ yɛ Kristo Yesu, miNuŋtsɔ lɛ, he nilee ni fe nii fɛɛ lɛ hewɔ; lɛ ehewɔ ni nii fɛɛ ebɔ mi, ni mibuɔ amɛ akɛ tumo nɔ nii, koni mana Kristo,

Kolosebii 1:28

Lɛ ehe sane wɔjajeɔ, ni wɔwoɔ gbɔmɔ fɛɛ gbɔmɔ ŋaa, ni wɔtsɔ̃ɔ gbɔmɔ fɛɛ gbɔmɔ nilee nɛɛ fɛɛ, koni wɔkɛ gbɔmɔ fɛɛ gbɔmɔ adamɔ shi akɛ mɔ ni eye emuu yɛ Kristo mli.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

Hebribii 5:14

Shi mɛi ni edara lɛ anɔ ji niyenii ni tsii, mɛi ni fɔ ni amɛfɔɔ feemɔ lɛ ehã amɛhenumɔnii lɛ ele ekpakpa kɛ efɔŋ teŋ srɔto.

2 Petro 1:4

Ni etsɔ̃ nii nɛɛ anɔ hu ekɛ shiwoi kpeleikpelei ni jara wa lɛ eke wɔ, koni nyɛtsɔ̃ nɔ nyɛjo je nɛɛŋ fitemɔ ni yɔɔ akɔnɔ mli lɛ naa foi ni nyɛna Nyɔŋmɔ su lɛ eko.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.