Efesobii 3:8 - ŊMALƐ KRƆŊKRƆŊ LƐ

⁸ mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

Ṅmãle̱ Kroṅkroṅ Le̱

⁸ mi ni midši *bibiõ fẽ hetšelo̱i le̱ fẽ le̱, aṅõ ne̱ke̱ dromo̱ ne̱ ahãmi, ake̱ midšadše Kristo †nifále̱ ni anyẽẽ šiši ana ke̱-gbe nā le̱ he sanekpakpa le̱ mitšõ **dšeṅmãdši le̱, *1 Kor. 15,9. 10. †Ef. 1,7. **Gal. 1,16

Efesobii 3:8 ပူးပေါင်းရင်းမြစ်များ

1 Kronika 17:16

Kɛkɛ ni Maŋtsɛ David tee Yehowa Kpee Buu lɛ mli, ni eyata shi ni esɔle ekɛɛ akɛ, “Yehowa, Nyɔŋmɔ, namɔ ji mi, ni mɛni po mli miwe yɔɔ hewɔ ni okura mi kɛbashi benɛ nɛɛ?

Lalai 31:19

Oo, kwɛ bɔ ni omlihilɛ ni oyɔɔ kɛhã mɛi ni sheɔ bo gbeyei lɛ fa babaoo hã. Ojieɔ otsɔ̃ɔ mɛi ni baa bo abo lɛ yɛ gbɔmɛi ahiɛ.

Luka 14:22

Ni tsulɔ lɛ kɛɛ, ‘Nuŋtsɔ, afee bɔ ni okɛɛ lɛ, shi kɛ̃lɛ gbɛ yɛ lolo.’

Yohane 1:16

Ejaakɛ ebɔ̃yimɔ lɛ mli jɛ ni wɔ fɛɛ wɔna dromɔ wɔshi dromɔ nɔ.

Bɔfoi 5:41

Kɛkɛ ni amɛje akwaashɔŋ lɛ hiɛ amɛtee kɛ miishɛɛ, akɛ Yesu gbɛi lɛ hewɔ lɛ abu amɛ mɛi ni sa akɛ abɔ amɛ ahora.

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!

Romabii 12:10

nyɛkɛ nyɛmimɛi asuɔmɔ ni mli wa asumɔsumɔa nyɛhe; mɔ fɛɛ mɔ atsɔ̃ hiɛ ekɛ woo ahã enaanyo.

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

1 Korintobii 15:9

Ejaakɛ mi lɛ mi ji bibioo fe fɛɛ yɛ bɔfoi lɛ ateŋ, ni misaaa tete akɛ atsɛɔ mi bɔfo, ejaakɛ miwa Nyɔŋmɔ asafo lɛ yi.

1 Korintobii 2:9

shi moŋ tamɔ bɔ ni aŋma lɛ, “Nii ni hiŋmɛi enako ni toi hu nuko ni ebako gbɔmɔ ko tsuiŋ dã ji nii ni Nyɔŋmɔ esaa eto mɛi ni sumɔɔ lɛ lɛ.”

Galatabii 1:16

akɛ eeejie lɛ diɛŋtsɛ eBi lɛ kpo etsɔ̃ɔ mi, koni mijaje ehe Sanekpakpa lɛ mitsɔ̃ɔ yɛ jeŋmaji lɛ ateŋ lɛ, amrɔ lɛ mibiii gbɔmɔ ko ŋaawoo yɛ he,

Galatabii 2:8

ejaakɛ mɔ ni tsu nii yɛ Petro mli ni ehã eye bɔfo yɛ ketiafolɔi lɛ ateŋ lɛ, lɛ nɔŋŋ etsu nii yɛ mi hu mimli yɛ jeŋmaji lɛ ateŋ lɛ,

Efesobii 2:7

Efee enɛ koni bei ni baaba lɛ amli lɛ ejie lɛ diɛŋtsɛ edromɔ falɛ ni teke nɔ lɛ kpo yɛ emli ni hi hã wɔ yɛ Kristo Yesu mli lɛ mli.

Efesobii 3:1

Enɛ hewɔ ni mi, Paulo, ni mi ji Kristo Yesu gboklɛfonyo hã nyɛ jeŋmajiaŋbii lɛ,

Efesobii 3:16

Ni yɛ enunyam falɛ naa lɛ ehã nyɛtsɔ̃ eMumɔ lɛ nɔ nyɛhe awa kpiŋtiŋŋ yɛ nyɛmli gbɔmɔ lɛ gbɛfaŋ,

Efesobii 3:19

Ni nyɛle esuɔmɔ ni teke nilee fɛɛ lɛ, koni Nyɔŋmɔ obɔ̃yimɔ lɛ ayimɔ nyɛ fɛɛ obɔ̃bɔ̃.

Efesobii 3:2

kɛji nyɛnu akɛ Nyɔŋmɔ kɛ edromɔ ehã mi hã nyɛsɔ̃ɔmɔ lɛ,

Filipibii 2:3

Ni nyɛkafea nɔ ko kɛ mligbalamɔ mumɔ loo yaka anunyam taomɔ, shi moŋ nyɛkɛ heshibaa jwɛŋmɔ abua nyɛnanemɛi akɛ amɛfe nyɛ.

Filipibii 4:19

MiNyɔŋmɔ lɛ aaahã nyɛ nii ni hiaa nyɛ lɛ fɛɛ yɛ enifalɛ lɛ naa yɛ anunyam mli, yɛ Kristo Yesu mli.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

1 Timoteo 1:13

mi ni tsutsu lɛ mi ji musubɔlɔ kɛ mɛi ayiwalɔ kɛ mɛi aniseniianifeelɔ lɛ; shi kɛ̃lɛ ana mi mɔbɔ, ejaakɛ mileee ni mifee, yɛ he ni miheee miyeee hewɔ.

1 Timoteo 1:15

Eji anɔkwa wiemɔ ni sa akɛ amɔ mli kwraa, akɛ Kristo Yesu ba je nɛɛŋ eba eshafeelɔi ayiwalaheremɔ, mɛi ateŋ ni mi mi ji oti lɛ;

1 Timoteo 2:7

ni no hewɔ awo mi shiɛlɔ kɛ bɔfo (anɔkwale miwieɔ yɛ Kristo mli, mimaleee), jeŋmaji atsɔ̃ɔlɔ yɛ hemɔkɛyeli kɛ anɔkwale mli lɛ.

2 Timoteo 1:11

Enɛ he awo mi shiɛlɔ kɛ bɔfo kɛ tsɔɔlɔ yɛ lɛ.

Kpojiemɔ 3:18

Miiwo oŋaa akɛ ohe shika ni atsuu he yɛ la mli yɛ miŋɔɔ koni ona nii, kɛ atadei yɛji, koni owo ni oyayaiaŋ hiɛgbele lɛ akakã jaanɔ; ni ohe hiŋmɛi tsofa ni okɛfɔ ohiŋmɛii anɔ koni ona nii.