Efesobii 3:4 - ŊMALƐ KRƆŊKRƆŊ LƐ

⁴ Kɛji nyɛkane lɛ, nyɛaanyɛ nyɛyoo akɛ mina Kristo teemɔ sane lɛ shishi.

Ṅmãle̱ Kroṅkroṅ Le̱

⁴ noni, ké̱ nyekane le̱, nyeanyẽ nyeke̱ yo mišišinamo̱ ni miyo̱ ye̱ Kristo tẽmo̱-sane le̱ mli;

Efesobii 3:4 ပူးပေါင်းရင်းမြစ်များ

Mateo 13:11

Shi ehere nɔ ekɛɛ amɛ akɛ, “Ejaakɛ nyɛ lɛ akɛhã nyɛ akɛ nyɛle ŋwɛi maŋtsɛyeli lɛ mli teemɔ saji lɛ, shi amɛ lɛ akɛ hãko amɛ.

Luka 8:10

Ni ekɛɛ, “Nyɛ lɛ akɛ Nyɔŋmɔ Maŋtsɛyeli lɛ mli teemɔ saji lɛ ehã nyɛ akɛ nyɛle; shi mɛi krokomɛi lɛ akɛhãa amɛ yɛ abɛbuai amli; ‘koni na lɛ amɛna nɛ, shi amɛkayoo sɛɛ, ni nu hu amɛnu, shi amɛkanu shishi.’

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Romabii 16:25

Shi mɔ ni aaanyɛ ahã nyɛfi shi shiŋŋ yɛ misanekpakpa lɛ kɛ Yesu Kristo shiɛmɔ lɛ naa, yɛ teemɔ sane ni akɛtee kɛjɛ naanɔ beebe lɛ kpojiemɔ naa,

1 Korintobii 13:2

Ni kɛji miyɛ gbalɛ dromɔ keenii, ni minaa teemɔŋnii fɛɛ naa, ni mile nii fɛɛ, ni kɛji miyɛ hemɔkɛyeli fɛɛ hu, bɔ ni manyɛ gɔji mafãmɔ, shi mibɛ suɔmɔ lɛ, no lɛ mijeee nɔ ko.

1 Korintobii 4:1

Bɔ pɛ ni gbɔmɛi abu wɔ nɛ, akɛ Kristo sɔ̃ɔlɔi kɛ Nyɔŋmɔ teemɔ saji lɛ anɔ tsuji nukpai.

2 Korintobii 11:6

Shi kɛ mi ji gbɔmɔ ko ni leee nɔ ko yɛ wiemɔ gbɛfaŋ tete lɛ, mijeee nakai yɛ nilee gbɛfaŋ; shi moŋ wɔfee enɛ faŋŋ wɔhã nyɛ, yɛ gbɛ fɛɛ gbɛ nɔ, yɛ nii fɛɛ mli.

Efesobii 1:9

Ehã wɔle eyiŋtoo ni ji teemɔ sane lɛ ni ekpɛ mli eto bɔ ni sa ehiɛ yɛ Kristo mli.

Efesobii 3:3

kpojiemɔ nɔ etsɔ̃ ehã mile teemɔ sane lɛ, tamɔ bɔ ni miŋma nyɛ fioo momo lɛ.

Efesobii 3:9

Ni mihã mɛi fɛɛ ana teemɔ sane lɛ he gbɛjianɔtoo lɛ faŋŋ, teemɔ sane ni akɛtee kɛjɛ yinɔi ni eho lɛ amli kɛbashi amrɔ nɛɛ yɛ Nyɔŋmɔ mɔ ni bɔ nii fɛɛ lɛ mli lɛ,

Efesobii 5:32

Teemɔ sane ni tsii nɛ; mi lɛ mikɛtoɔ Kristo kɛ asafo lɛ he.

Efesobii 6:19

kɛ mi hu, koni kɛ migbele minaa lɛ, akɛ wiemɔ awo minaa ni mikɛ ekãa ajaje Sanekpakpa lɛ mli teemɔ sane lɛ

Kolosebii 1:26

Enɛ ji teemɔ sane ni akɛtee kɛjɛ teteete kɛ yinɔi lɛ anɔ lɛ, shi agbɛnɛ lɛ ajie lɛ kpo atsɔ̃ɔ emɛi krɔŋkrɔŋi lɛ.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

Kolosebii 4:3

Ni nyɛsaa nyɛsɔlea nyɛhãa wɔ hu, koni Nyɔŋmɔ agbele gbɛ ahã wɔ hã wiemɔ lɛ, ni wɔwie Kristo teemɔ sane lɛ, nɔ hewɔ hu ni mikã kpãa mli nɛɛ.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

1 Timoteo 3:9

shi mɛi ni hiɛɔ hemɔkɛyeli lɛ teemɔ sane lɛ yɛ henilee ni he tse mli.