Efesobii 3:16 - ŊMALƐ KRƆŊKRƆŊ LƐ

¹⁶ Ni yɛ enunyam falɛ naa lɛ ehã nyɛtsɔ̃ eMumɔ lɛ nɔ nyɛhe awa kpiŋtiŋŋ yɛ nyɛmli gbɔmɔ lɛ gbɛfaŋ,

Ṅmãle̱ Kroṅkroṅ Le̱

¹⁶ koni ye̱ enumnyam *fále̱ nā le̱ ehã nyetšõ Emumo̱ le̱ no̱ †nyehe awa kpintiṅṅ ye̱ nyemligbomo le̱ gbe̱fãṅ, *1,7. †6,10.

Efesobii 3:16 ပူးပေါင်းရင်းမြစ်များ

Hiob 23:6

Aso Nyɔŋmɔ kɛ mi aaatao naa yɛ ehewalɛ kpeteŋkple lɛ naa? Dabida; eeebo mi toi kɛ̃.

Lalai 138:3

Gbi nɔ ni mitsɛ bo lɛ, ohere mi nɔ; owo mi ekãa, ni misusuma na hewalɛ.

Lalai 28:8

Yehowa ji ewebii lɛ ahewalɛ, ni lɛ ji mɔ ni efɔ lɛ mu lɛ yiwalaheremɔ mɔɔ.

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Zakaria 10:12

Mawo amɛ hewalɛ lɛ yɛ Yehowa mli, ni amɛbaanya yɛ egbɛi mli. Mi, Yehowa, mi mikɛɛ.”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Romabii 2:29

shi moŋ mɔ ni ji Yudanyo yɛ mligbɛ lɛ ji Yudanyo, ni tsui mli ketiafoo ji nɔ ni atsɔ̃ Mumɔ lɛ nɔ afo, shi jeee Mla lɛ nɔ, ni eyijiemɔ lɛ jɛɛɛ gbɔmɛi aŋɔɔ, shi moŋ Nyɔŋmɔ ŋɔɔ ejɛɔ.

Romabii 7:22

Mimligbɛ gbɔmɔ lɛ miishɛɔ yɛ Nyɔŋmɔ Mla lɛ he;

Romabii 9:23

bɔ ni afee ni ehã ale enunyam falɛ lɛ hu yɛ emɔbɔnalɛ nii ni esaa eto ehã anunyam lɛ anɔ lɛ, mɛni obaakɛɛ?

1 Korintobii 16:13

Nyɛbua, nyɛdamɔa shi shiŋŋ yɛ hemɔkɛyeli lɛ mli, nyɛfea hii, ni nyɛhe awaa!

2 Korintobii 12:9

ni ekɛɛ mi akɛ, “Miduromɔ lɛ fa hã bo, ejaakɛ mihewalɛ lɛ, gbedeefeemɔ mli eyeɔ emuu yɛ.” No hewɔ lɛ, misumɔɔ titri akɛ mashwã mafɔ̃ migbedeefeemɔi lɛ anɔ moŋ, koni Kristo hewalɛ lɛ abu mihe.

2 Korintobii 4:16

No hewɔ ni wɔtsui efãaa lɛ, shi moŋ kɛ wɔkponɔgbɛ gbɔmɔ lɛ fiteɔ kwraa tete lɛ, kɛ̃lɛ wɔmli gbɔmɔ lɛ tsɔ̃ɔ ehee gbi fɛɛ gbi.

Efesobii 1:18

Nyɛmligbɛ hiŋmɛii anɔ atse, koni nyɛna nyɛle nɔ ni ji hiɛnɔkãmɔ ni yɔɔ etsɛmɔ lɛ mli, kɛ egboshinii lɛ anunyam lɛ falɛ yɛ mɛi krɔŋkrɔŋi amli,

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Efesobii 2:7

Efee enɛ koni bei ni baaba lɛ amli lɛ ejie lɛ diɛŋtsɛ edromɔ falɛ ni teke nɔ lɛ kpo yɛ emli ni hi hã wɔ yɛ Kristo Yesu mli lɛ mli.

Efesobii 3:15

mɔ mli ni nɔ ni atsɛɔ lɛ akɛ “tsɛ” yɛ ŋwɛi kɛ shikpɔŋ lɛ nɔ lɛ fɛɛ jɛ lɛ.

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

Efesobii 6:10

Naagbee lɛ, minyɛmimɛi, nyɛhe awaa yɛ Nuŋtsɔ lɛ kɛ ehewalɛ nyɛmɔ lɛ mli.

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

Filipibii 4:19

MiNyɔŋmɔ lɛ aaahã nyɛ nii ni hiaa nyɛ lɛ fɛɛ yɛ enifalɛ lɛ naa yɛ anunyam mli, yɛ Kristo Yesu mli.

Kolosebii 1:11

ni awaje nyɛ kɛ hewalɛ fɛɛ yɛ enunyam nyɛmɔ lɛ naa. No ahã nyɛnyɛ nyɛmia nyɛhiɛ ni nyɛto nyɛtsui shi kɛ miishɛɛ yɛ nɔ fɛɛ nɔ mli.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

Hebribii 11:34

amɛgbe la hewalɛ, amɛje klantei anaa, amɛna hewalɛ kɛjɛ gbedemɔ mli, amɛhe wa yɛ ta mli, amɛwo mɛi kpɔ̃ji ata lɛ foi.

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.