Efesobii 3:1 - ŊMALƐ KRƆŊKRƆŊ LƐ

¹ Enɛ hewɔ ni mi, Paulo, ni mi ji Kristo Yesu gboklɛfonyo hã nyɛ jeŋmajiaŋbii lɛ,

Ṅmãle̱ Kroṅkroṅ Le̱

¹ Nohewo̱ le̱ mi, Paulo, ni midši Kristo Iesu gbokle̱fonyo hã nye dšeṅmãdšiaṅbii le̱, Fil. 1,7. 13.

Efesobii 3:1 ပူးပေါင်းရင်းမြစ်များ

Luka 21:12

“Shi dani enɛɛmɛi fɛɛ aaaba lɛ, amɛaamɔmɔ nyɛ ni amɛaawa nyɛ yi ni amɛkɛ nyɛ aaahã ni akojo nyɛ yɛ kpeehei lɛ ni awo nyɛ tsuŋ, ni amɛaakpala nyɛ kɛatee maŋtsɛmɛi kɛ lumɛi ahiɛ yɛ migbɛi lɛ hewɔ.

Bɔfoi 21:33

Kɛkɛ ni asafoiatsɛnukpa lɛ tsi bɛŋkɛ ni emɔ emli, ni efã akɛ awo lɛ kɔsɔŋkɔsɔi enyɔ, ni ebi mɔ ni ji lɛ kɛ nɔ ni efee.

Bɔfoi 23:18

Kɛkɛ ni eŋɔ lɛ ni ekɛ lɛ tee asafoiatsɛnukpa lɛ ŋɔɔ ni eyakɛɛ lɛ akɛ “Gboklɛfonyo Paulo lɛ tsɛ mi kɛtee eŋɔɔ, ni ekpa mi fai akɛ mikɛ nɛkɛ oblanyo nɛɛ aba oŋɔɔ, ejaakɛ eyɛ sane ko ni ebaakɛɛ bo”

Bɔfoi 26:29

Ni Paulo kɛɛ, “Mina ni kulɛ Nyɔŋmɔ hã ba mli akɛ, shwɛ fioo jio, shwɛ pii jio, jeee bo okome kɛkɛ, shi moŋ mɛi fɛɛ ni boɔ mi toi ŋmɛnɛ nɛɛ hu tsɔ̃ tamɔ mi, shi gboklɛi nɛɛ eko kɛkɛ akawo amɛ!”

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

2 Korintobii 1:6

Shi kɛji amanehulu wɔna jiŋŋ, nyɛmiishɛjemɔ kɛ yiwalaheremɔ hewɔ ni; ni kɛji wɔmii ashɛjeɔ hu jiŋŋ, nyɛmiishɛjemɔ ni hãa nyɛkɛ tsuishitoo mĩaa nyɛhiɛ kɛnaa nakai amanehului ni wɔnaa lɛ nɔŋŋ hewɔ ni.

2 Korintobii 10:1

Shi mi Paulo diɛŋtsɛ miikpa nyɛ fai yɛ Kristo hejɔlɛ kɛ kpoofeemɔ lɛ hewɔ, mi ni akɛɛ kɛ miyɛ nyɛhiɛ lɛ mifeɔ mihe humi yɛ nyɛteŋ, shi kɛ mibɛ nyɛŋɔɔ lɛ, mijeɔ ekãa miwoɔ nyɛ lɛ.

2 Korintobii 11:23

Kristo sɔ̃ɔlɔi ji amɛ? Miiwie tamɔ mɔ ni yitsoŋ kãa lɛ. Mife amɛ yɛ tɔlɛ nitsumɔi ni tɛke nɔ amli, yɛ tsuŋwoi babaoi amli, yɛ yii ni fa tsɔ̃ amli, yɛ gbelei amli kpitiokpitio.

Galatabii 5:11

Shi mi lɛ, anyɛmimɛi, kɛji ketiafoo lɛ mishiɛɔ lolo lɛ, mɛɛba mɔ ni awaa mi yi lolo? Nakai ni kulɛ, sɛŋmɔtso lɛ he pampi lɛ sɛɛ efo.

Galatabii 5:2

Naa, mi Paulo, miikɛɛ nyɛ akɛ, kɛji nyɛhã afolɔ nyɛ ketia lɛ, Kristo he baŋ sɛɛnamɔ haŋ nyɛ.

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Efesobii 3:11

Nyɔŋmɔ fee nii nɛɛ yɛ enaanɔ yiŋ ni eto yɛ Kristo Yesu, wɔNuŋtsɔ lɛ, mli lɛ naa.

Efesobii 3:13

No hewɔ lɛ, miikpa nyɛ fai, ni nyɛnijiaŋ akaje wui yɛ mimanehului ni minaa yɛ nyɛhewɔ lɛ ahewɔ, ejaakɛ nyɛnunyam ni.

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

Efesobii 4:1

No hewɔ lɛ, mi ni mi ji gboklɛfonyo yɛ Nuŋtsɔ lɛ mli lɛ, miikpa nyɛ fai akɛ nyɛnyiɛ bɔ ni sa tsɛmɔ ni akɛtsɛ nyɛ lɛ.

Efesobii 6:20

ni mitsuɔ he nii akɛ bɔfo yɛ kɔsɔŋkɔsɔ mli nɛɛ. Nyɛkpaa fai koni yɛ ejajemɔ lɛ mli lɛ mawie kɛ ekãa bɔ ni sa akɛ mawie lɛ.

Filipibii 1:7

Eja akɛ mijwɛŋɔ enɛ yɛ nyɛ fɛɛ nyɛhe, ejaakɛ nyɛkã mitsui nɔ, nyɛ ni yɛ migboklɛi kɛ Sanekpakpa lɛ hefãmɔ kɛ enɔmimaa fɛɛ mli lɛ nyɛ kɛ mi fɛɛ lɛ dromɔ lɛ niyelɔi ji wɔ lɛ.

Kolosebii 1:24

Agbɛnɛ mimii shɛɔ yɛ mimanehului ni minaa yɛ nyɛhewɔ lɛ amli, ni mikɛ miheloo naa Kristo amanehului ni shwɛ lɛ mikɛwoɔ amɛ obɔ̃ hã egbɔmɔtso ni ji esafo lɛ.

Kolosebii 4:18

Mi Paulo diɛŋtsɛ minine naa bimɔ ni miŋma nɛ. Nyɛkaia mikɔ̃sɔ̃ŋkɔ̃sɔ̃i lɛ! Dromɔ lɛ kɛ nyɛ ahi shi!

Kolosebii 4:3

Ni nyɛsaa nyɛsɔlea nyɛhãa wɔ hu, koni Nyɔŋmɔ agbele gbɛ ahã wɔ hã wiemɔ lɛ, ni wɔwie Kristo teemɔ sane lɛ, nɔ hewɔ hu ni mikã kpãa mli nɛɛ.

2 Timoteo 1:16

Nuŋtsɔ lɛ ana Onesiforo we lɛ mɔbɔ, ejaakɛ ebahãa mi tsui kpitiokpitio, ni ehiɛ gbooo mikɔ̃sɔ̃ŋkɔ̃sɔ̃ lɛ he;

2 Timoteo 1:8

No hewɔ lɛ, ohiɛ akagbo yɛ wɔNuŋtsɔ lɛ he odaseyeli lɛ he aloo yɛ mi ni mi ji egboklɛfonyo lɛ he, shi moŋ naa Sanekpakpa lɛ he amanehulu lɛ eko yɛ Nyɔŋmɔ hewalɛ naa.

Filemon 1:1

Paulo ni ji Kristo Yesu gboklɛfonyo lɛ kɛ wɔnyɛmi Timoteo ŋma yahã Filemon, wɔsuɔlɔ kɛ wɔnaanyo nitsulɔ,

Filemon 1:23

Epafra, mɔ ni ji minaanyo gboklɛfonyo yɛ Kristo Yesu mli lɛ,

Filemon 1:9

shi kɛ̃lɛ suɔmɔ hewɔ lɛ fai moŋ mikpaa bo, mi Paulo ni mi ji nuumo ni amrɔ nɛɛ mi ji Yesu Kristo gboklɛfonyo hu lɛ.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.