Efesobii 2:8 - ŊMALƐ KRƆŊKRƆŊ LƐ

⁸ Ejaakɛ dromɔ akɛhere nyɛyiwala kɛtsɔ hemɔkɛyeli nɔ, ni enɛ lɛ, jeee nyɛmli ejɛ, Nyɔŋmɔ nɔkeenɔ ni,

Ṅmãle̱ Kroṅkroṅ Le̱

⁸ Edšake̱ dromo̱ aṅõ-here nye-yiwala ke̱-tšõ hemo̱-ke̱-yeli no̱, ni ene̱le̱, dšee nyemli edše̱, Nyoṅmo̱ nõkēnõ ni, Gal. 2,16.

Efesobii 2:8 ပူးပေါင်းရင်းမြစ်များ

Mateo 16:17

Ni Yesu here nɔ ekɛɛ lɛ akɛ, “Ajɔɔ bo, Simon, Yona bi; ejaakɛ jeee heloo kɛ lá jie enɛ tsɔ̃ɔ bo, shi moŋ miTsɛ ni yɔɔ ŋwɛi lɛ.

Mateo 20:9

Ni be ni gbɛkɛ ŋmɛji enumɔ bii lɛ ba lɛ, amɛ fɛɛ amɛna denario komekome.

Marko 16:16

Mɔ ni heɔ yeɔ ni aaabaptisi lɛ lɛ, aaahere eyiwala, shi mɔ ni heee yeee lɛ, aaabu lɛ fɔ.

Luka 7:50

Shi ekɛɛ yoo lɛ akɛ, “Ohemɔkɛyeli lɛ ehere oyiwala, yaa yɛ hejɔlɛ mli!”

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Yohane 6:35

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

Yohane 6:37

Mɛi fɛɛ ni Tsɛ lɛ kɛhãa mi lɛ aaaba miŋɔɔ, ni mɔ ni baa miŋɔɔ lɛ, mishwieŋ lɛ kɔkɔɔkɔ.

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Yohane 6:44

Mɔ ko nyɛŋ aba miŋɔɔ, akɛ ja Tsɛ lɛ ni tsu mi lɛ gbala lɛ dã, ni mi lɛ matee lɛ shi yɛ naagbee gbi lɛ nɔ.

Yohane 6:65

Ni ekɛɛ, “Enɛ hewɔ mikɛɛ nyɛ akɛ mɔ ko nyɛŋ miŋɔɔ aba, ja Tsɛ lɛ ehã lɛ hegbɛ lɛ.”

Bɔfoi 13:39

mɔ nɛ mli lɛ mɔ fɛɛ mɔ ni heɔ yeɔ lɛ, abuɔ lɛ bem.

Bɔfoi 14:27

Shi be ni amɛba jɛi ni amɛbabua asafo lɛ naa lɛ, amɛgba amɛ nii ni Nyɔŋmɔ kɛ amɛ eyatsu lɛ fɛɛ, kɛ bɔ ni egbele gbɛ ehã jeŋmaji lɛ ni amɛhe amɛye lɛ.

Bɔfoi 15:11

Shi wɔheɔ wɔyeɔ akɛ Nuŋtsɔ Yesu dromɔ lɛ nɔ atsɔ̃ɔ ahereɔ wɔyiwala tamɔ amɛ nɔŋŋ.”

Bɔfoi 16:14

Ni yoo ko ni atsɛɔ lɛ Lidia ni ji kɔɔjaŋhɔ̃ɔlɔ ko ni jɛ Tiatira maŋ lɛ mli ni sheɔ Nyɔŋmɔ gbeyei lɛ hu nu; lɛ Nuŋtsɔ lɛ gbele etsui naa akɛ ebo nii ni Paulo wieɔ lɛ toi.

Bɔfoi 16:31

Ni amɛkɛɛ, “Hemɔ Nuŋtsɔ Yesu Kristo lɛ nɔ oye, ni aaahere bo kɛ owe lɛ fɛɛ yiwala.”

Romabii 10:14

Shi te aaafee tɛŋŋ ni amɛaabo amɛtsɛ mɔ ni amɛheko lɛ amɛyeko lɛ hu? Ni te aaafee tɛŋŋ ni amɛaahe mɔ ni amɛnuko ehe sane lɛ amɛye hu? Ni asaŋ te aaafee tɛŋŋ ni amɛaanu kɛ shiɛlɔ ko bɛ lɛ?

Romabii 10:17

Belɛ hemɔkɛyeli lɛ, sane toiboo mli jɛɔ, ni sane toiboo hu tsɔ̃ɔ Nyɔŋmɔ wiemɔ lɛ nɔ kɛbaa.

Romabii 4:16

Enɛ hewɔ ejɛ hemɔkɛyeli mli lɛ, bɔ ni afee ni shiwoo lɛ afee dromɔ sane, ni ama shi shiŋŋ ahã eshwiei lɛ fɛɛ, ni jeee Mla shishibii lɛ kɛkɛ, shi moŋ mɛi ni jɛ Abraham, ni ji wɔ fɛɛ wɔtsɛ lɛ, hemɔkɛyeli lɛ mli lɛ hu;

Romabii 4:5

Shi mɔ ni jeee nii etsuɔ, shi eheɔ mɔ ni buɔ eshafeelɔ bem lɛ nɔ eyeɔ lɛ, Nyɔŋmɔ buɔ ehemɔkɛyeli lɛ akɛ jalɛ ehãa lɛ.

Romabii 9:16

No hewɔ lɛ, agbɛnɛ jeee mɔ ko suɔmɔ loo emɔdɛŋbɔɔ naa ni, shi moŋ Nyɔŋmɔ mɔbɔnalɛ naa ni.

Galatabii 3:14

koni Abraham jɔɔmɔ lɛ aba jeŋmaji lɛ anɔ yɛ Kristo Yesu mli, ni wɔkɛ hemɔkɛyeli ana Mumɔ ni awo he shi lɛ.

Galatabii 3:22

Shi moŋ; ŋmalɛ lɛ eŋa nibii fɛɛ yi ewo esha shishi, koni atsɔ̃ Yesu Kristo nɔ hemɔkɛyeli nɔ akɛ shiwoo lɛ ahã mɛi ni heɔ yeɔ lɛ.

Efesobii 1:19

kɛ nɔ ni ji ehewalɛ lɛ dalɛ ni tekeɔ nɔ babaoo hãa wɔ mɛi ni wɔheɔ wɔyeɔ lɛ yɛ enyɛmɔ hewalɛ nitsumɔ lɛ naa lɛ.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Efesobii 2:5

ni wɔ ni kulɛ gbohii ji wɔ yɛ nɔtɔmɔi amli lɛ, etsiɛ wɔ kɛ Kristo fɛɛ hiɛ, dromɔ akɛhere nyɛyiwala!

Filipibii 1:29

Ejaakɛ nyɛ lɛ aduro nyɛ yɛ Kristo hewɔ, jeee ni nyɛhe enɔ nyɛye kɛkɛ, shi moŋ akɛ nyɛna nɔ hu yɛ ehewɔ.

Kolosebii 2:12

Ejaakɛ afu nyɛ kɛ lɛ yɛ baptisimɔ lɛ mli; ni emli hu atee nyɛ shi yɛ yɛ Nyɔŋmɔ ni tee lɛ shi kɛjɛ gbohii ateŋ lɛ hewalɛ lɛ nɔ hemɔkɛyeli naa.

2 Tesalonikabii 1:9

Amɛaana nyɔmɔwoo ni ji naanɔ hiɛkpãtãmɔ, ni aaajie amɛ kɛaajɛ Nuŋtsɔ lɛ hiɛ kɛ ehewalɛ lɛ anunyam lɛ he,

Hebribii 6:4

Ejaakɛ mɛi ni la etso amɛnɔ pɛŋ ni amɛsa amɛnaa ŋwɛi nɔkeenɔ lɛ ni amɛna Mumɔ Krɔŋkrɔŋ lɛ eko

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.