Efesobii 2:6 - ŊMALƐ KRƆŊKRƆŊ LƐ

⁶ Ni etee wɔ kɛ lɛ shi, ni eŋɔ wɔ kɛ lɛ fɛɛ eta ŋwɛiniiaŋ yɛ lɛ Kristo Yesu lɛ mli.

Ṅmãle̱ Kroṅkroṅ Le̱

⁶ ni etē wo̱ke̱le̱ ši, ni eṅõ wo̱ke̱le̱ fẽ etá ṅweiniiaṅ ye̱ Kristo Iesu mli, Rom. 8,10. Fil. 3,20.

Efesobii 2:6 ပူးပေါင်းရင်းမြစ်များ

Mateo 26:29

Shi miikɛɛ nyɛ akɛ, kɛjɛ benɛ kɛyaa nɛɛ minuŋ waintso yibii nɛɛ eko dɔŋŋ, kɛyashi gbi nɔ ni mikɛ nyɛ aaanu lɛ ehee yɛ miTsɛ maŋtsɛyeli lɛ mli.”

Luka 12:37

Ajɔɔ nakai tsuji lɛ ni be ni nuŋtsɔ lɛ aaaba lɛ eeebanina amɛ akɛ amɛmiishi kpe lɛ! Anɔkwale mikɛɔ nyɛ akɛ eeemĩa, ni eeehã amɛtara niyenii ahe, ni eeeba ebasɔ̃mɔ amɛ.

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Yohane 14:3

Ni kɛji mitee ni miyasaa gbɛhe mito nyɛ lɛ, mibaba ekoŋŋ ni mibaŋɔ nyɛ kɛya he ni mi diɛŋtsɛ miyɔɔ lɛ, koni he ni miyɔɔ lɛ nyɛ hu nyɛhi jɛi.

Efesobii 1:1

Paulo ni ji Yesu Kristo bɔfo yɛ Nyɔŋmɔ suɔmɔ naa lɛ ŋma yahã mɛi krɔŋkrɔŋi ni ji heyelɔi yɛ Kristo Yesu mli ni yɔɔ Efeso lɛ:

Efesobii 1:3

Ajɔɔ Nyɔŋmɔ, wɔ Nuŋtsɔ Yesu Kristo Tsɛ lɛ, mɔ ni kɛ mumɔŋ jɔɔmɔ ejɔɔ wɔ yɛ ŋwɛiniiaŋ yɛ Kristo mli lɛ.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Efesobii 2:13

Shi agbɛnɛ, Kristo Yesu mli lɛ, nyɛ ni sa ni nyɛyɔɔ shɔŋŋ lɛ, nyɛtsɔ̃ Kristo lá lɛ nɔ nyɛbɛŋkɛ.

Kolosebii 1:18

Ni lɛ ji gbɔmɔtso lɛ ni ji asafo lɛ yitso, lɛ ji shishijee lɛ, gbohii ateŋ kromɔbi lɛ, bɔ ni afee ni efee klɛŋklɛŋ mɔ yɛ nii fiaa mli.