Efesobii 2:4 - ŊMALƐ KRƆŊKRƆŊ LƐ

⁴ Shi Nyɔŋmɔ ni emɔbɔnalɛ fa babaoo lɛ, etsɔ̃ lɛ diɛŋtsɛ esuɔmɔ babaoo ni ekɛsumɔ wɔ lɛ nɔ,

Ṅmãle̱ Kroṅkroṅ Le̱

⁴ ši Nyoṅmo̱, ni emo̱bo̱nale̱ fá babaō le̱, etšõ le̱dientše̱ esuomo̱ babaõ ni eke̱-sumo̱wo̱ le̱ no̱,

Efesobii 2:4 ပူးပေါင်းရင်းမြစ်များ

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Lalai 145:8

Durolɔ kɛ mɔbɔnalɔ ji Yehowa; emli fuuu mra, ni esuɔmɔ ni tsakeee lɛ fa babaoo.

Lalai 51:1

Oo Naa Nyɔŋmɔ, naa mi mɔbɔ yɛ osuɔmɔ ni tsakeee lɛ hewɔ. Omɔbɔnalɛ babaoo lɛ naa lɛ, gbee mitɔmɔi lɛ.

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

2 Mose 33:19

Yehowa kɛɛ Mose akɛ, “Mibahã minunyam lɛ abaho yɛ ohiɛ, ni mibatsɛ mi diɛŋtsɛ migbɛi, Yehowa lɛ, yɛ ohiɛ. Mibaduro mɔ ni mibaduro, ni mɔ ni mimusuŋ aaatsɔ̃ mi yɛ ehe lɛ, lɛ ehe mimusuŋ aaatsɔ̃ mi yɛ.

Yesaia 63:7

Mibagba Yehowa mlihilɛ lɛ kɛ Yehowa yijiemɔ lɛ matsɔ̃ɔ, yɛ nibii fɛɛ ni Yehowa efee eha wɔ lɛ kɛ ejurɔ pii ni efee Israel we lɛ yɛ emusuŋtsɔlɛ kɛ emlihilɛ ni fa lɛ naa lɛ hewɔ.

Yeremia 31:3

mi Yehowa, mijie mihe kpo yɛ shɔŋŋ mitsɔ̃ɔ lɛ. Misumɔ bo kɛ naanɔ suɔmɔ; no hewɔ ni mikã he misumɔɔ bo lolo lɛ.

Daniel 9:9

Nuŋtsɔ, wɔNyɔŋmɔ, musuŋtsɔlɔ ji bo, ni okɛ esha faa tsɛbelɛ wɔtse ohiɛ atua,

Yona 4:2

No hewɔ lɛ, esɔle, ni ekɛɛ akɛ, “Ao, Yehowa, ani jeee nɔ ni mikɛɛ be mli ni miyɔɔ mimaŋ lɛ eba mli nɛɛ? Enɛ hewɔ nɔŋŋ ni mijɛ mra mijo foi kɛmiiya Tarshish lɛ. Ejaakɛ mile akɛ bo lɛ, Nyɔŋmɔ durolɔ kɛ musuŋtsɔlɔ ji bo; omli fuuu mra, ni omɔbɔnalɛ fa, ni otsakeɔ oyiŋtoo yɛ toigbalamɔ he.

Luka 1:78

ni jɛ wɔNyɔŋmɔ lɛ mɔbɔnalɛ ni hãa emusuŋ tsɔ̃ɔ lɛ lɛ mli. No hewɔ ni jetsɛremɔ ni jɛ ŋwɛi lɛ ebasara wɔ lɛ.

Romabii 10:12

Ejaakɛ srɔto ko bɛ Yudanyo kɛ Helanyo teŋ; ejaakɛ Nuŋtsɔ kome amɛ fɛɛ amɛyɔɔ, ni niiatsɛ hu ji lɛ ha mɛi fɛɛ ni boɔ tsɛɔ lɛ lɛ.

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

Romabii 5:8

Shi Nyɔŋmɔ jieɔ lɛ diɛŋtsɛ esuɔmɔ ni ekɛsumɔ wɔ lɛ shi etsɔ̃ɔ, akɛ be mli ni wɔji eshafeelɔi lɛ beebe ni Kristo bagbo yɛ wɔnajiaŋ.

Romabii 9:23

bɔ ni afee ni ehã ale enunyam falɛ lɛ hu yɛ emɔbɔnalɛ nii ni esaa eto ehã anunyam lɛ anɔ lɛ, mɛni obaakɛɛ?

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Efesobii 2:7

Efee enɛ koni bei ni baaba lɛ amli lɛ ejie lɛ diɛŋtsɛ edromɔ falɛ ni teke nɔ lɛ kpo yɛ emli ni hi hã wɔ yɛ Kristo Yesu mli lɛ mli.

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

2 Tesalonikabii 2:13

Shi wɔ lɛ, esa akɛ wɔdaa Nyɔŋmɔ shi daa yɛ nyɛhewɔ, anyɛmimɛi ni Nuŋtsɔ lɛ sumɔɔ, ejaakɛ Nyɔŋmɔ ehala nyɛ akɛ klɛŋklɛŋ yibii ehã yiwalaheremɔ kɛtsɔ̃ nyɛhe ni Mumɔ Krɔŋkrɔŋ lɛ tsuɔ kɛ he ni nyɛheɔ anɔkwale lɛ nyɛyeɔ lɛ nɔ.

1 Timoteo 1:14

Shi wɔNuŋtsɔ lɛ dromɔ lɛ fa hã mi aahu kɛteke nɔ, ni nɔ ni fata he kɛba ji hemɔkɛyeli kɛ suɔmɔ ni yɔɔ Kristo Yesu mli lɛ.

2 Timoteo 1:9

Lɛ ehere wɔyiwala ni ekɛ tsɛmɔ krɔŋkrɔŋ tsɛ wɔ, jeee wɔnitsumɔi anaa, shi moŋ yɛ lɛ diɛŋtsɛ eyiŋtoo kɛ edromɔ naa, nɔ ni ekɛ hã wɔ yɛ Kristo Yesu mli dani aje be shishi,

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.