Efesobii 2:3 - ŊMALƐ KRƆŊKRƆŊ LƐ

³ Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

Ṅmãle̱ Kroṅkroṅ Le̱

³ nomei amli wo̱fē hũ wo̱ba wo̱dšeṅ ye̱ sá ye̱ wo̱helo ako̱no̱i le̱ amli, ni wo̱tšu nii ni helo ke̱ dſẽṅmo̱ sumoo̱ le̱, ni wo̱dši *mlifũ bii ye̱ wo̱fo̱mo̱su le̱ nā, tamo̱ mei ni eſe̱ le̱ noṅṅ: — *Kol. 3,6.

Efesobii 2:3 ပူးပေါင်းရင်းမြစ်များ

1 Mose 5:3

Adam eye afii oha kɛ nyɔŋmai etɛ̃ momo dani efɔ binuu tamɔ lɛ pɛpɛɛpɛ, ni ewo lɛ gbɛi akɛ Set.

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Hiob 14:4

Te aaafee tɛŋŋ ni ana nɔ ni he tse kɛ nɔ ni he tseee teŋ srɔto lɛ?

Hiob 25:4

Te aaafee tɛŋŋ hu ni adesa aaaja yɛ Nyɔŋmɔ hiɛ hu? Te aaafe tɛŋŋ ni gbɔmɔ ni jɛ yoo musuŋ lɛ he aaatse hu?

Lalai 51:5

Naa, afɔ mi yɛ esha mli, ni esha mli minyɛ ŋɔ mi hɔ yɛ.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Marko 4:19

shi je nɛɛŋ henaagbamɔ kɛ ninamɔ he lakamɔ kɛ nii krokomɛi ahe akɔnɔ yaboteɔ amɛmli ni amɛgbeɔ wiemɔ lɛ ni ewooo yibii.

Yohane 1:13

mɛi ni jeee lá loo heloo loo nuu ko suɔmɔ naa afɔ amɛ yɛ, shi moŋ Nyɔŋmɔ fɔ amɛ.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Bɔfoi 14:16

Yinɔi ni eho lɛ amli lɛ ehã jeŋmaji lɛ fɛɛ nyiɛ amɛ diɛŋtsɛ amɛgbɛi lɛ anɔ,

Romabii 1:24

No hewɔ hu ni Nyɔŋmɔ ŋmɛɛ amɛhe ehã muji nitsumɔi yɛ amɛtsuiiaŋ akɔnɔi lɛ anaa, bɔ ni afee ni amɛshwie amɛ diɛŋtsɛ amɛgbɔmɔtsei lɛ ahiɛ shi yɛ amɛteaŋ.

Romabii 11:30

Ejaakɛ tamɔ bɔ ni sa lɛ nyɛ hu nyɛbooo Nyɔŋmɔ toi, shi agbɛnɛ ana nyɛ mɔbɔ yɛ amɛtoigbele lɛ hewɔ lɛ,

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

Romabii 2:14

Ejaakɛ kɛ jeŋmajiaŋbii ni bɛ Mla lɛ kɛ amɛfɔmɔŋ su lɛ tsuɔ Mla lɛ naanii lɛ, amɛ ni amɛbɛ Mla lɛ amɛ ji mla hã amɛ diɛŋtsɛ amɛhe.

Romabii 5:10

Ejaakɛ kɛ be mli ni wɔji henyɛlɔi lɛ ni akɛ Nyɔŋmɔ Bi lɛ gbele lɛ bakpãtã wɔ kɛ Nyɔŋmɔ teŋ lɛ, agbɛnɛ ni akpãtã wɔteŋ nɛɛ, aaahere wɔyiwala yɛ ewala lɛ mli aahu.

Romabii 5:9

No hewɔ lɛ, agbɛnɛ ni abu wɔ bem yɛ elá lɛ hewɔ lɛ, aaatsɔ̃ enɔ ahere wɔyiwala kɛjɛ mlifu lɛ mli aahu.

Romabii 6:12

No hewɔ lɛ, nyɛkahãa esha miiyea nyɛgbɔmɔtso ni baagbo lɛ nɔ maŋtsɛ, ni nyɛbo lɛ toi yɛ ekɔnɔi lɛ amli;

Romabii 7:18

Ejaakɛ mile akɛ mimli, no ji migbɔmɔ su lɛ mli lɛ, nɔ ko kpakpa ko bɛ jɛi; ejaakɛ suɔmɔ lɛ miyɛ eko moŋ, shi ekpakpafeemɔ ni ebɔ mi.

Romabii 9:22

Shi kɛ Nyɔŋmɔ miisumɔ akɛ ejie emlifu kpo etsɔ̃ɔ ni ehã ale ehe ni wa lɛ, ni kɛ̃lɛ eŋmɛɔ etsui shi babaoo ehiɛɔ mlifu nii ni sa fitemɔ lɛ,

1 Korintobii 4:7

Shi namɔ buɔ bo akɛ esoro bo? Ni asaŋ, mɛni oyɔɔ ni jeee hã ahã bo? Shi kɛji hã ahã bo lɛ, mɛɛba oshwãa tamɔ nɔ ni jeee hã ahã bo lɛ?

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

Galatabii 3:22

Shi moŋ; ŋmalɛ lɛ eŋa nibii fɛɛ yi ewo esha shishi, koni atsɔ̃ Yesu Kristo nɔ hemɔkɛyeli nɔ akɛ shiwoo lɛ ahã mɛi ni heɔ yeɔ lɛ.

Efesobii 2:2

Ni nyɛnyiɛ yɛ mli sa yɛ no je nɛɛŋ su lɛ naa, yɛ lumɔ ni yɔɔ kɔɔyɔɔ mli hewalɛ lɛ ni ji mumɔ ni tsuɔ nii amrɔ nɛɛ yɛ toigbele bii amli lɛ naa.

Efesobii 4:22

akɛ nyɛshɛ nɔ ni ji gbɔmɔ momo yɛ nyɛsa jeŋba lɛ naa gbɔmɔ ni efite yɛ shishiumɔ sɛɛdii lɛ anaa lɛ nyɛfɔ̃.

Kolosebii 1:21

Nyɛ ni sa ni yɛ nyɛjwɛŋmɔ kɛ nyɛnitsumɔi fɔ̃ji ahewɔ lɛ mɛi kpɔ̃ji kɛ henyɛlɔi ji nyɛ.

1 Tesalonikabii 4:13

Shi, anyɛmimɛi, wɔmiisumɔ akɛ nyɛle mɛi ni ewɔ lɛ ahe sane, koni nyɛkaye ŋkɔmɔ tamɔ mɛi ni eshwɛ ni bɛ hiɛnɔkãmɔ ko lɛ.

1 Tesalonikabii 5:6

Belɛ no hewɔ lɛ, nyɛkahãa wɔwɔa tamɔ mɛi ni eshwɛ lɛ, shi moŋ nyɛhãa wɔshia kpe ni wɔhiɛ akãa shi.

1 Timoteo 6:9

Shi mɛi ni taoɔ afee niiatsɛmɛi lɛ gbeɔ kaa kɛ tsɔne kɛ kwashiai akɔnɔi pii ni fiteɔ mɔ, ni tsiɔ mɛi ewoɔ hiɛkpãtãmɔ kɛ laajemɔ mli lɛ amli.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

1 Petro 1:14

Nyɛfea nyɛhe bii toibolɔi ni nyɛkabaa nyɛjeŋ yɛ sa be ni nyɛleee nɔ ko lɛ mli akɔnɔi lɛ anaa dɔŋŋ.

2 Petro 2:14

Amɛyɛ hiŋmɛii ni eyimɔ obɔ̃bɔ̃ kɛ gbãlãfitemɔ ni kpaaa eshafeemɔ. Amɛlakaa susumai ni nane mɔko shi lɛ. Amɛyɛ tsui ni he esa kɛ hiɛjoomɔ; loomɔbii ni.

2 Petro 2:18

Ejaakɛ akɛni naafuu wiemɔi wuji jeɔ amɛnaa hewɔ lɛ, amɛtsɔ̃ɔ heloo akɔnɔi anɔ amɛkɛ nyɛnyɛŋtswibɔɔ lakaa mɛi ni je mɛi ni baa amɛjeŋ yɛ shishiumɔ mli lɛ adɛŋ etsɛko lɛ;

1 Yohane 2:16

ejaakɛ nɔ fɛɛ nɔ ni yɔɔ je lɛ mli lɛ — heloo lɛ sɛɛdiinii lɛ kɛ hiŋmɛii lɛ asɛɛdiinii lɛ kɛ shihilɛ mli hewoo lɛ — ejɛɛɛ Tsɛ lɛ mli, shi moŋ je lɛ mli ejɛ.

1 Yohane 2:8

Shi asaŋ kitã hee miŋmaa nyɛ nɛɛ, nɔ ni ji anɔkwa yɛ Kristo mli kɛ nyɛ hu nyɛmli lɛ, ejaakɛ duŋ lɛ eho, ni anɔkwa là lɛ miitso momo.