Efesobii 2:18 - ŊMALƐ KRƆŊKRƆŊ LƐ

¹⁸ Ejaakɛ enɔ wɔyi enyɔ lɛ fɛɛ wɔtsɔ̃ɔ wɔnaa gbɛ, yɛ Mumɔ kome mli, kɛyaa Tsɛ lɛ ŋɔɔ.

Ṅmãle̱ Kroṅkroṅ Le̱

¹⁸ edšake̱ eno̱ wo̱yi enye̱ le̱ fẽ wo̱tšoo̱ wo̱náa gbe̱, ye̱ mumo̱ kome mli, ke̱-yaä tše̱ le̱ ṅõ. 3,12.

Efesobii 2:18 ပူးပေါင်းရင်းမြစ်များ

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Yohane 10:7

No hewɔ lɛ, Yesu saa kɛɛ amɛ ekoŋŋ akɛ, “Anɔkwale mikɛɔ nyɛ akɛ, Mi ji toi lɛ ashinaa lɛ.

Yohane 10:9

Mi ji shinaa lɛ. Mi lɛ, kɛji mɔ ko tsɔ̃ minaa etee mli lɛ, aaahere eyiwala, ni eeetee mli ni eeeje kpo, ni eeena lɛɛnii.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Romabii 5:2

Lɛ enɔ wɔtsɔ̃ ni wɔkɛ hemɔkɛyeli lɛ ena gbɛ hu kɛba dromɔ ni wɔyɔɔ mli nɛɛ mli, ni wɔnyaa yɛ Nyɔŋmɔ anunyam lɛ ni wɔhiɛ kã nɔ lɛ hewɔ.

Romabii 8:15

Ejaakɛ jeee nyɔŋ mumɔ nyɛna ni aaahã nyɛshe gbeyei ekoŋŋ, shi moŋ Mumɔ ni hãa mɛi tsɔ̃mɔɔ bii ni hãa wɔboɔ wɔtsɛɔ Nyɔŋmɔ akɛ, “Aba! Ataa!” lɛ.

1 Korintobii 12:13

Ejaakɛ Yudafoi ji wɔ jio, Helabii ji wɔ jio, nyɔji ji wɔ jio, wɔhiɛ wɔhe jio, wɔ fɛɛ lɛ Mumɔ kome nɔ atsɔ abaptisi wɔ awo gbɔmɔtso kome mli; ni wɔ fɛɛ lɛ, Mumɔ kome akɛhã wɔ ni wɔnu.

1 Korintobii 8:6

wɔ lɛ, Nyɔŋmɔ kome pɛ wɔyɔɔ, Tsɛ lɛ, mɔ mli ni nibii fɛɛ jɛ ni wɔyɔɔ wɔhã lɛ lɛ, kɛ Nuŋtsɔ kome hu ni ji Yesu Kristo lɛ, mɔ nɔ ni nibii fɛɛ tsɔ̃ kɛba ni wɔ hu wɔtsɔ̃ enɔ lɛ.

Galatabii 4:6

Shi akɛni bii ji nyɛ hewɔ lɛ, Nyɔŋmɔ tsu eBi lɛ Mumɔ lɛ kɛba nyɛtsuii amli, ni eboɔ akɛ, “Aba, Ataa!”

Efesobii 3:12

Kristo Yesu nɔ hemɔkɛyeli nɔ wɔtsɔ̃ ni wɔna ekãa ni wɔkɛyaa Nyɔŋmɔ hiɛ kɛ hewalɛ.

Efesobii 3:14

Enɛ hewɔ ni miyaa minakutsei anaa yɛ Tsɛ lɛ hiɛ,

Efesobii 4:4

Gbɔmɔtso kome kɛ Mumɔ kome yɔɔ, tamɔ bɔ nɔŋŋ ni hiɛnɔkãmɔ kome ji nɔ ni yɔɔ tsɛmɔ ni atsɛ nyɛ lɛ mli lɛ.

Efesobii 6:18

Ni nyɛkɛ sɔlemɔ kɛ faikpamɔ fɛɛ asɔlea be fɛɛ be yɛ mumɔ mli, ni enɛ hewɔ lɛ nyɛsaraa, ni nyɛkãa he daa nyɛkpaa fai nyɛhãa krɔŋkrɔŋbii lɛ fɛɛ

Kolosebii 1:12

Ni nyɛdaa Tsɛ lɛ shi, mɔ ni hã wɔfee mɛi ni sa krɔŋkrɔŋbii ni yɔɔ la lɛ mli lɛ agboshinii lɛ eko yeli.

Hebribii 7:19

ejaakɛ Mla lɛ hãaa nɔ ko nɔ ko aye emuu, shi agbɛnɛ ahã hiɛnɔkãmɔ ni hi fe no eba, nɔ nɔ ni wɔtsɔ̃ɔ wɔbɛŋkɛɔ Nyɔŋmɔ.

Yakobo 3:9

No nɔŋŋ wɔkɛjieɔ Nuŋtsɔ kɛ Tsɛ lɛ yi, ni no nɔŋŋ hu wɔkɛlomɔɔ gbɔmɛi ni abɔ yɛ Nyɔŋmɔ subaŋ nɔ lɛ.

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.

1 Petro 1:21

Nyɛtsɔ̃ enɔ nyɛheɔ Nyɔŋmɔ, mɔ ni tee lɛ shi kɛjɛ gbohii ateŋ ni ewo ehiɛ nyam lɛ nɔ nyɛyeɔ lɛ, no hewɔ lɛ, nyɛhemɔkɛyeli kɛ nyɛhiɛnɔkãmɔ yɛ Nyɔŋmɔ mli.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

Yuda 1:20

Shi suɔmɔmɛi, nyɛ lɛ nyɛtswaa nyɛhe nyɛmaa nyɛhemɔkɛyeli ni he tse jogbaŋŋ lɛ nɔ, ni nyɛsɔlea yɛ Mumɔ Krɔŋkrɔŋ lɛ mli,