Efesobii 2:17 - ŊMALƐ KRƆŊKRƆŊ LƐ

¹⁷ Ni eba ebajaje hejɔlɛ Sanekpakpa lɛ etsɔ̃ɔ nyɛ ni nyɛyɔɔ shɔŋŋ lɛ kɛ mɛi ni bɛŋkɛ lɛ hu.

Ṅmãle̱ Kroṅkroṅ Le̱

¹⁷ Ni eba ebadšadše hedšo̱le̱ sanekpakpa le̱ etšõ nye ni nyeyo̱ šoṅṅ le̱ ke̱ mei ni be̱ṅke̱ le̱ hũ, Ies. 57,19. Zak. 9,10.

Efesobii 2:17 ပူးပေါင်းရင်းမြစ်များ

Lalai 148:14

Ekɛ ehewalɛ kpele lɛ ewo emaŋbii anɔ. No hewɔ lɛ, emɛi krɔŋkrɔŋ lɛ ajie eyi, Israelbii, ni ji emaŋ ni bɛŋkɛ lɛ lɛ, nyɛjiea Yehowa yi!

Lalai 75:1

Oo Naa Nyɔŋmɔ, wɔmiida bo shi! Wɔmiida bo shi! Ejaakɛ obɛŋkɛ wɔ; wɔgbaa onaakpɛɛ nitsumɔi lɛ.

Lalai 85:10

Suɔmɔ ni tsakeee kɛ anɔkwayeli baakpe; ni jalɛ kɛ toiŋjɔlɛ aaafua amɛhe atuu.

Yesaia 27:5

Kɛji miwebii ahenyɛlɔi lɛ miitao mihebuu lɛ, ja amɛbaba mi abo, ni amɛkɛ mi kpãtã. Hɛɛ! Ja amɛna amɛkɛ mi kpãtã!”

Yesaia 52:7

Kwɛ bɔ ni sanekpakpashiɛlɔ ni shiɛɔ hejɔlɛ, sanekpakpashiɛlɔ ni shiɛɔ yiwalaheremɔ lɛ naji yɔɔ fɛo yɛ gɔji lɛ anɔ, mɔ ni kɛɔ Zion akɛ, “Naa, oNyɔŋmɔ lɛ ni yeɔ maŋtsɛ agbɛnɛ.”

Zakaria 9:10

Makpãtã ta shwiilii fɛɛ ni aaajɛ Efraim aba lɛ ahiɛ; ni majie ta okpɔŋɔ lɛ hu kɛje Yerusalɛm. Makumɔ tawuu gãii lɛ amli dukuduku. Eeeshi maji lɛ toiŋjɔlɛ ni elumɔyeli aaajɛ ŋshɔnaa kɛyagbee ŋshɔnaa. Ni eeejɛ Eufrate Faa lɛ naa kɛyashi je lɛ naagbee hei tɔ̃ɔ.

Mateo 10:13

Ni kɛji shĩa lɛ sa lɛ, nyɛhãa nyɛhejɔlɛ lɛ abaa enɔ; shi kɛji esaaa lɛ, no lɛ nyɛhejɔlɛ lɛ akpale aba nyɛŋɔɔ ekoŋŋ.

Luka 15:8

“Aloo mɛɛ yoo ni yɔɔ jwiɛtɛi kukuji nyɔŋma, ni kɛji kuku kome laaje lɛ, ni esuŋ kane ni ebɛɛ shĩa lɛ mli fitsofitso ni etao kɛyashi beyinɔ ni eeena?

Luka 2:14

“Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Bɔfoi 10:36

Nyɔŋmɔ tsu akɛ wiemɔ lɛ yahã Israelbii ni etsɔ̃ Yesu Kristo nɔ ejaje hejɔlɛ Sanekpakpa etsɔ̃ɔ amɛ. Yesu nɛɛ ji mɛi fɛɛ aNuŋtsɔ.

Bɔfoi 2:39

Ejaakɛ shiwoo lɛ, nyɛ kɛ nyɛbii, kɛ mɛi fɛɛ ni yɔɔ shɔŋŋ, mɛi abɔ ni Nuŋtsɔ, wɔNyɔŋmɔ lɛ, aaatsɛ kɛaaba lɛ anɔ ni.”

Romabii 10:14

Shi te aaafee tɛŋŋ ni amɛaabo amɛtsɛ mɔ ni amɛheko lɛ amɛyeko lɛ hu? Ni te aaafee tɛŋŋ ni amɛaahe mɔ ni amɛnuko ehe sane lɛ amɛye hu? Ni asaŋ te aaafee tɛŋŋ ni amɛaanu kɛ shiɛlɔ ko bɛ lɛ?

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

2 Korintobii 5:20

No hewɔ lɛ, wɔji bɔfoi yɛ Kristo najiaŋ, tamɔ akɛ Nyɔŋmɔ etsɔ̃ wɔnɔ eewie eetsɔ̃ɔ mɛi: wɔdamɔ Kristo najiaŋ wɔmiikpa nyɛ fai akɛ, nyɛhãa akpãtã nyɛ kɛ Nyɔŋmɔ teŋ!

Efesobii 4:21

kɛji eyɛ mli akɛ nyɛnu ehe, ni atsɔ̃ɔ nyɛ nii yɛ emli hu, tamɔ bɔ ni ji anɔkwale yɛ Yesu mli lɛ,

5 Mose 4:7

“Ejaakɛ mɛɛ maŋ wulu kroko yɔɔ dɔŋŋ ni yɔɔ nyɔŋmɔ ko ni bɛŋkɛɔ amɛ tamɔ bɔ ni Yehowa, wɔNyɔŋmɔ lɛ, bɛŋkɛɔ wɔ be fɛɛ be ni wɔɔtsɛ lɛ lɛ?