Efesobii 2:16 - ŊMALƐ KRƆŊKRƆŊ LƐ

¹⁶ ni ekpãtã amɛyi enyɔ lɛ fɛɛ kɛ Nyɔŋmɔ yɛ gbɔmɔtso kome mli yɛ sɛŋmɔtso lɛ nɔ, nɔ nɔ ni egbe nyɛɛ lɛ yɛ lɛ.

Ṅmãle̱ Kroṅkroṅ Le̱

¹⁶ ni etšo se̱ṅme̱tšo le̱ no̱ ekpãtã ame̱yi enyo̱ le̱ fẽ ame̱ke̱ Nyoṅmo̱ teṅ ye̱ gbomotšo kome mli, egbe nyē̱ le̱ ye̱ le̱-dientše̱ emli.

Efesobii 2:16 ပူးပေါင်းရင်းမြစ်များ

Romabii 5:10

Ejaakɛ kɛ be mli ni wɔji henyɛlɔi lɛ ni akɛ Nyɔŋmɔ Bi lɛ gbele lɛ bakpãtã wɔ kɛ Nyɔŋmɔ teŋ lɛ, agbɛnɛ ni akpãtã wɔteŋ nɛɛ, aaahere wɔyiwala yɛ ewala lɛ mli aahu.

Romabii 6:6

ejaakɛ wɔle enɛ akɛ asɛŋ wɔgbɔmɔ momo lɛ kɛ lɛ, koni esha gbɔmɔtso lɛ hiɛ akpãtã ni wɔkasɔ̃mɔ esha lɛ dɔŋŋ.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

Romabii 8:7

Heloo jwɛŋmɔ lɛ, Nyɔŋmɔ nyɛɛ ni, akɛni ebaaa ehe shi ehãaa Nyɔŋmɔ Mla lɛ, ni esaa enyɛŋ tete lɛ;

1 Korintobii 10:17

Ejaakɛ aboloo kome ni, ni wɔyi pii moŋ, shi gbɔmɔtso kome ji wɔ, ejaakɛ wɔ fɛɛ wɔyeɔ aboloo kome lɛ eko.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Efesobii 2:15

Ni ekɛ lɛ diɛŋtsɛ eheloo gu Mla lɛ kitãi kɛ akpɔi lɛ, koni ekɛ mɛi enyɔ lɛ fɛɛ abɔ gbɔmɔ hee kome yɛ lɛ diɛŋtsɛ emli ni ehã hejɔlɛ aba,

Efesobii 3:6

No ji akɛ jeŋmajiaŋbii lɛ hu niyelɔi lɛ ekomɛi kɛ gbɔmɔtso lɛ henii lɛ ekomɛi kɛ mɛi ni awo amɛ shi yɛ Kristo Yesu mli lɛ hu ekomɛi ji amɛ kɛtsɔ̃ Sanekpakpa lɛ nɔ.

Efesobii 4:4

Gbɔmɔtso kome kɛ Mumɔ kome yɔɔ, tamɔ bɔ nɔŋŋ ni hiɛnɔkãmɔ kome ji nɔ ni yɔɔ tsɛmɔ ni atsɛ nyɛ lɛ mli lɛ.

Kolosebii 2:14

Ni egbe wɔnyɔmɔ ni wɔhiɛ ni aŋma kɛ ekpɔi lɛ, ni ejie kɛtee, ni ekala ekpɛtɛ sɛŋmɔtso lɛ he.

Kolosebii 3:15

Ni nyɛhãa Kristo hejɔlɛ lɛ ayea lumɔ yɛ nyɛtsuii amli; nɔ he ni atsɛ nyɛ kɛba yɛ gbɔmɔtso kome mli lɛ. Ni nyɛlea shidaa.