Efesobii 2:12 - ŊMALƐ KRƆŊKRƆŊ LƐ

¹² nyɛbɛ Kristo nakai be lɛ mli. Ni mɛi kpɔ̃ji ji nyɛ yɛ Israel maŋ biyeli gbɛfaŋ kɛ gbɔi yɛ kpãŋmɔi ni damɔ Nyɔŋmɔ shiwoo nɔ lɛ agbɛfaŋ hu, nyɛbɛ hiɛnɔkãmɔ ko, ni nyɛbɛ Nyɔŋmɔ tete yɛ je nɛɛŋ.

Ṅmãle̱ Kroṅkroṅ Le̱

¹² nakai be le̱ mli le̱ nyehe Kristo, ni nyedši meikpõdši ye̱ Israel maṅ gbe̱ nānii agbe̱fãṅ ke̱ gbo̱i ye̱ *šiwō-kpãṅmo̱i le̱ agbe̱fãṅ hũ, nyebe̱ hīeno̱kāmo̱ ko, ni nyebe̱ Nyoṅmo̱ tete ye̱ dše ne̱ṅ. *Rom. 9,4.

Efesobii 2:12 ပူးပေါင်းရင်းမြစ်များ

1 Mose 15:18

Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

2 Kronika 15:3

Israel hi shi be kplaŋŋ ni ebɛ anɔkwa Nyɔŋmɔ lɛ, ebɛ osɔfoi ni tsɔ̃ɔ maŋbii lɛ anii, ni ebɛ mla hu.

Ezra 4:3

Shi Zerubabel kɛ Yeshua kɛ Israel tsɛmɛi awei lɛ onukpai ni eshwɛ lɛ kɛɛ amɛ akɛ, “Kɛ wɔmiima shĩa wɔhã wɔNyɔŋmɔ lɛ, jeee wɔkɛ nyɛ sane ni; shi wɔ sɔŋŋ wɔɔɔma wɔhã Yehowa, Israel Nyɔŋmɔ lɛ, tamɔ bɔ ni maŋtsɛ Koresh, Persia maŋtsɛ lɛ ewo wɔ kitã lɛ.”

2 Mose 12:45

Mɔ ni ebato nyɛ gbɔ kɛ apaafonyo hu akaye eko.

Yesaia 14:1

Yehowa musuŋ aaatsɔ̃ lɛ yɛ Yakob he, ni eeena Israel he tsuijurɔ ekoŋŋ, ni ekɛ Israelbii lɛ aaaba amɛ diɛŋtsɛ amɛshikpɔŋ nɔ. Maŋsɛɛbii aaabafata amɛhe, ni amɛaadɔmɔ Yakob we lɛ.

Yesaia 44:6

Bɔ ni Yehowa, Israel maŋtsɛ, Israel Kpɔlɔ, Yehowa, Taiatsɛ lɛ, kɛɛ nɛ, “Mi ji klɛŋklɛŋ mɔ kɛ naagbee mɔ; kɛjɛ mi, misɛɛ lɛ Nyɔŋmɔ ko Nyɔŋmɔ ko bɛ dɔŋŋ.

Yesaia 45:20

Yehowa kɛɛ akɛ, “Nyɛbuaa nyɛhe naa koni nyɛbaa, nyɛ fɛɛ nyɛbaa kutuu, nyɛ, maji lɛ amli bii ni nyɛje hiɛkpãtãmɔ mli! Mɛi ni tereɔ amɛtso amãgãi lɛ kɛnyiɛɔ, ni amɛsɔleɔ amɛhãa nyɔŋmɔ ni nyɛɛɛ mɔ yiwala ehere lɛ, amɛleee nii.

Yesaia 61:5

Maŋsɛɛbii aaalɛ nyɛtoi lɛ, ni mɛi kpɔji aaahu nyɛŋmɔji amɛha nyɛ, ni amɛaasaa nyɛwaintsei ahe aha nyɛ.

Yeremia 14:8

Ao! Israel hiɛnɔkãmɔ, bo ni ohereɔ eyiwala yɛ fimɔ be mli, mɛɛba ofee tamɔ gbɔ yɛ shikpɔŋ lɛ nɔ, loo tamɔ gbɛnyiɛlɔ ni gbaa eyatoɔ gbɛkɛ toohe nɛɛ?

Yeremia 17:13

Ao! Yehowa, bo Israel hiɛnɔkãmɔ, mɛi fɛɛ ni kwaa bo lɛ ahiɛ baagboi; mɛi ni kpaleɔ yɛ osɛɛ lɛ agbɛi aaalaaje tamɔ nɔ ni aŋma yɛ mlu mli, ejaakɛ amɛshi Yehowa ni ji wala nubu lɛ sɛɛ.”

Ezekiel 13:9

Mate shi mawo gbalɔi ni naa ninai ni bɛ mli, ni amɛmaleɔ lɛ; amɛhiŋ mimaŋ lɛ gwabɔɔ lɛ mli, ni asaŋ aŋmaŋ amɛgbɛii yɛ Israel we lɛ wolo lɛ mli, ni amɛyiŋ Israel shikpɔŋ lɛ nɔ hu; ni nyɛkɛale akɛ mi, mi ji Nuŋtsɔ Yehowa lɛ.

Ezekiel 37:26

Mikɛ amɛaakpãŋ toiŋjɔlɛ kpãŋmɔ; ni ebaafee naanɔ kpãŋmɔ yɛ mi kɛ amɛ teŋ. Majɔɔ amɛ ni mahã amɛshwere, ni mikɛ mihe krɔŋkrɔŋ lɛ, ni ji Sɔlemɔ we lɛ, baama amɛteŋ, ni ebaahi jɛi kɛya naanɔ tɔ̃ɔ.

Ezekiel 47:22

Nyɛfɔ̃a oshiki kɛjaa shikpɔŋ lɛ nyɛhãa nyɛhe, ni etsɔ̃ gboshinii eha nyɛ kɛ mɛi ni ebato gbɔ yɛ nyɛteŋ, ni amɛfɔɔ bii yɛ nyɛteŋ lɛ. Amɛtsɔmɔ tamɔ Israel fɔmɔbii nɔŋŋ yɛ nyɛteŋ koni amɛ kɛ nyɛ aja shikpɔŋ lɛ pɛpɛɛpɛ akɛ gboshinii hã nyɛ yɛ Israel akutsei lɛ anaa.

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

4 Mose 18:19

“Nibii fɛɛ ni Israelbii lɛ kɛbahãa mi akɛ afɔle krɛdɛɛ lɛ miijɔɔ fɛɛ nɔ miihã bo kɛ oshwiei hii kɛ yei fɛɛ akɛ amɛgbɛnaanii ni kã shi daa. Kpãŋmɔ ni mi kɛ bo kɛ oshwiei ekpãŋ nɛɛ akuŋ mli kɛmiiya naanɔ.”

Luka 1:72

Ni ena wɔtsɛmɛi lɛ amɔbɔ ni ekai ekpãŋmɔ krɔŋkrɔŋ lɛ.

Yohane 10:16

“Miyɛ toi krokomɛi ni jɛɛɛ toi atsu nɛɛ mli; ni nomɛi hu, ja miŋɔ amɛ kɛba, ni amɛbanu migbee, ni toi lɛ fee kuu kome kɛ kwɛlɔ kome.

Yohane 15:5

“Mi ji waintso lɛ, nyɛ ji niji lɛ. Mɔ ni hiɔ mimli ni mi hu mihiɔ emli lɛ, lɛ ewoɔ yibii pii; ejaakɛ kɛjeee miŋ lɛ nyɛnyɛŋ nɔ ko nyɛfee.

Yohane 4:22

Nyɛ lɛ, nyɛleee mɔ ni nyɛjaa; wɔ lɛ, wɔle mɔ ni wɔjaa, ejaakɛ walaheremɔ lɛ, Yudafoi lɛ aŋɔɔ ejɛ.

Bɔfoi 2:39

Ejaakɛ shiwoo lɛ, nyɛ kɛ nyɛbii, kɛ mɛi fɛɛ ni yɔɔ shɔŋŋ, mɛi abɔ ni Nuŋtsɔ, wɔNyɔŋmɔ lɛ, aaatsɛ kɛaaba lɛ anɔ ni.”

Bɔfoi 28:20

Nɛkɛ sane nɛɛ hewɔ mitsɛ nyɛ kɛba koni mana nyɛ ni mikɛ nyɛ awie ejaakɛ Israel hiɛnɔkãmɔ lɛ hewɔ ni awo mi nɛkɛ kɔsɔŋkɔsɔ nɛɛ.”

Bɔfoi 3:25

Nyɛ ji gbalɔi lɛ kɛ kpãŋmɔ lɛ bii, kpãŋmɔ ni Nyɔŋmɔ kɛ wɔtsɛmɛi lɛ kpãŋ, be ni ekɛɛ Abraham akɛ, ‘Ni oshwei mli aaajɔɔ shikpɔŋ lɛ nɔ wekui fɛɛ yɛ’ lɛ.

Romabii 9:8

No ji akɛ, jeee heloo naa bii lɛ ji Nyɔŋmɔ bii, shi shiwoo naa bii lɛ moŋ abuɔ akɛ oshwiei.

Galatabii 4:8

Shi be mli ni nyɛleee Nyɔŋmɔ lɛ, nyɛfee nyɛhe nyɔji nyɛhã nibii ni yɛ amɛbɔɔsu naa lɛ jeee nyɔŋmɔi ni lɛ;

Efesobii 2:19

No hewɔ lɛ, agbɛnɛ jeee gbɔi kɛ mɛi kpɔ̃ji ji nyɛ dɔŋŋ, shi moŋ mɛi krɔŋkrɔŋi lɛ ananemɛi maŋbii kɛ Nyɔŋmɔ webii,

Efesobii 4:18

ejaakɛ amɛjwɛŋmɔ mli ewo duŋ. Ni mɛi kpɔ̃ji ji amɛ yɛ Nyɔŋmɔ wala gbɛfaŋ, akɛni nilee ekaaa amɛ ni amɛtsui hu ekpliŋ lɛ.

Kolosebii 1:21

Nyɛ ni sa ni yɛ nyɛjwɛŋmɔ kɛ nyɛnitsumɔi fɔ̃ji ahewɔ lɛ mɛi kpɔ̃ji kɛ henyɛlɔi ji nyɛ.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 1:5

yɛ hiɛnɔkãmɔ ni akɛto ahã nyɛ yɛ ŋwɛi lɛ hewɔ lɛ. Nyɛnu enɛ momo yɛ Sanekpakpa lɛ anɔkwale wiemɔ lɛ mli.

1 Tesalonikabii 4:13

Shi, anyɛmimɛi, wɔmiisumɔ akɛ nyɛle mɛi ni ewɔ lɛ ahe sane, koni nyɛkaye ŋkɔmɔ tamɔ mɛi ni eshwɛ ni bɛ hiɛnɔkãmɔ ko lɛ.

1 Tesalonikabii 4:5

jeee yɛ akɔnɔ hiɛdɔɔ mli, tamɔ bɔ ni jeŋmajiaŋbii ni leee Nyɔŋmɔ lɛ feɔ lɛ.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

1 Timoteo 1:1

Paulo ni ji Yesu Kristo bɔfo yɛ Nyɔŋmɔ, wɔyiwalaherelɔ lɛ, kɛ Nuŋtsɔ Yesu Kristo, wɔhiɛnɔkãmɔ lɛ, famɔ naa lɛ,

Hebribii 11:34

amɛgbe la hewalɛ, amɛje klantei anaa, amɛna hewalɛ kɛjɛ gbedemɔ mli, amɛhe wa yɛ ta mli, amɛwo mɛi kpɔ̃ji ata lɛ foi.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

Hebribii 8:6

Shi agbɛnɛ lɛ osɔfoyeli ni Kristo ena lɛ hi kwraa fe tsutsunɔ lɛ, tamɔ bɔ ni kpãŋmɔ ni eji emlidaamɔlɔ lɛ hi fe tsutsunɔ ni adamɔ shiwoi ni hi fe tsutsunii lɛ anɔ lɛ akpãŋ lɛ.

1 Petro 1:21

Nyɛtsɔ̃ enɔ nyɛheɔ Nyɔŋmɔ, mɔ ni tee lɛ shi kɛjɛ gbohii ateŋ ni ewo ehiɛ nyam lɛ nɔ nyɛyeɔ lɛ, no hewɔ lɛ, nyɛhemɔkɛyeli kɛ nyɛhiɛnɔkãmɔ yɛ Nyɔŋmɔ mli.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Petro 3:15

Shi Nuŋtsɔ, Kristo lɛ, nyɛbua lɛ krɔŋkrɔŋ yɛ nyɛtsuii amli; ni daa nɛɛ nyɛsaa nyɛhe nyɛtoa, koni nyɛna hetoo nyɛhã mɔ fɛɛ mɔ ni biɔ nyɛ hiɛnɔkãmɔ ni yɔɔ nyɛmli lɛ shi lɛ;

1 Yohane 3:3

Ni mɔ fɛɛ mɔ ni yɔɔ hiɛnɔkãmɔ nɛɛ yɛ emli lɛ, etsuuɔ lɛ diɛŋtsɛ ehe, tamɔ bɔ ni lɛ ehe tse lɛ.