Efesobii 2:1 - ŊMALƐ KRƆŊKRƆŊ LƐ

¹ Nyɛ hu kulɛ gbohii ji nyɛ yɛ nyɛ nɔtɔmɔi kɛ nyɛhe eshai lɛ amli.

Ṅmãle̱ Kroṅkroṅ Le̱

¹ Nye hũ ni kũle̱ nyedši gbohĩĩ ye̱ no̱tõmo̱i ke̱ ešai amli, Kol. 2,13.

Efesobii 2:1 ပူးပေါင်းရင်းမြစ်များ

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Mateo 8:22

Shi Yesu kɛɛ lɛ akɛ, “Nyiɛmɔ misɛɛ, ni ohã gbohii afu amɛ diɛŋtsɛ amɛgbohii.”

Luka 15:24

ejaakɛ mibi nɛɛ gbo, ni ehiɛ etsɛ̃ ekoŋŋ; elaaje, ni ana lɛ.’ Ni amɛbɔ̃i nyamɔ.

Luka 15:32

shi esa akɛ wɔnya ni wɔmii ashɛ wɔhe, ejaakɛ onyɛmi nɛɛ gbo, ni ehiɛ etsɛ̃ ekoŋŋ, elaaje, ni ana lɛ.’ ”

Yohane 10:10

Julɔ baaa yaka, shi juu kɛ gbee kɛ hiɛkpãtãmɔ hewɔ ebaa; mi lɛ miba bɔ ni afee ni amɛna wala ni amɛna ni ateke nɔ.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 5:21

Ejaakɛ bɔ ni Tsɛ lɛ teɔ gbohii ashi ni ehãa amɛ wala lɛ, nakai nɔŋŋ Bi lɛ hu hãa mɛi ni esumɔɔ lɛ wala.

Yohane 5:25

Anɔkwale mikɛɔ nyɛ akɛ: ŋmɛlɛtswaa lɛ miiba, ni eshɛ etã, ni gbohii lɛ aaanu Nyɔŋmɔ Bi lɛ gbee, ni mɛi ni nuɔ lɛ aaana wala.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

2 Korintobii 5:14

Ejaakɛ Kristo suɔmɔ lɛ nyɛɔ wɔnɔ, ni wɔkojoɔ nɛkɛ akɛ, kɛ mɔ kome gbo mɛi fɛɛ ayigbele lɛ, belɛ mɛi lɛ fɛɛ egboi.

Efesobii 4:18

ejaakɛ amɛjwɛŋmɔ mli ewo duŋ. Ni mɛi kpɔ̃ji ji amɛ yɛ Nyɔŋmɔ wala gbɛfaŋ, akɛni nilee ekaaa amɛ ni amɛtsui hu ekpliŋ lɛ.

Efesobii 5:14

No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

Kolosebii 2:13

Ni nyɛ ni nyɛ ji gbohii yɛ nyɛnɔtɔ̃mɔi lɛ kɛ nyɛheloofoo lɛ mli lɛ, ehã nyɛ kɛ lɛ fɛɛ wala, ni ekɛ nyɛnɔtɔ̃mɔi lɛ fɛɛ efa nyɛ.

1 Timoteo 5:6

Shi yoo okulafo ni bɔɔ ahoshwi lɛ, ehiɛ kã nɛ, shi egbo.

1 Yohane 3:14

Wɔle akɛ wɔfo mli kɛjɛ gbele mli kɛtee wala mli, ejaakɛ wɔsumɔɔ wɔnyɛmimɛi.

Kpojiemɔ 3:1

“Ni Sarde asafo lɛ bɔfo lɛ; ŋmaa oyahã lɛ akɛ, ‘Nii ni mɔ ni yɔɔ Nyɔŋmɔ mumɔi kpawo lɛ kɛ ŋulamii kpawo lɛ kɛɛ nɛ: Mile onitsumɔi lɛ; mile akɛ ohiɛ gbɛi akɛ ohiɛ kã, shi ogbo.