Efesobii 1:6 - ŊMALƐ KRƆŊKRƆŊ LƐ

⁶ koni akɛjie edromɔ ni ekɛduro wɔ yɛ mɔ ni esumɔɔ lɛ lɛ mli lɛ anunyam lɛ yi.

Ṅmãle̱ Kroṅkroṅ Le̱

⁶ koni aṅõ-dšie edrome̱ anumnyam le̱ yi, noni eṅõ-drowo̱ ye̱ moni *asumoo̱le̱ le̱ mli le̱, *Mat. 3,17.

Efesobii 1:6 ပူးပေါင်းရင်းမြစ်များ

Lalai 22:20

Jiemɔ misusuma kɛjɛ klante naa gbele mli, heremɔ miyiwala kɛjɛ shifɔji lɛ adɛŋ.

Lalai 60:5

Okɛ ohewalɛ lɛ ahere wɔyiwala. Bo wɔ toi bɔ ni afee ni mɛi ni osumɔɔ lɛ ahere amɛyiwala.

Abe̱i 16:4

Nɔ fɛɛ nɔ ni Yehowa fee lɛ, eyɛ nɔ hewɔ ni efee; gbi fɔŋ tete lɛ, ekã shi ehã mɔ fɔŋ.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 43:21

Koni mɛi ni mibɔ mihã mihe lɛ ajie miyi.”

Yesaia 61:11

Ejaakɛ bɔ ni shikpɔŋ hãa nii kwɛ̃ɔ, ni trom hãa nii ni adu yɛ mli lɛ kwɛ̃ɔ lɛ, nakai Nuŋtsɔ Nyɔŋmɔ aaahã jalɛ kɛ yijiemɔ akwɛ̃ yɛ majimaji lɛ fɛɛ ahiɛ.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Yeremia 23:6

Lɛ eyinɔ lɛ abaahere Yuda yiwala, ni Israel baahi shi shweshweeshwe; ni gbɛi ni akɛbaatsɛ lɛ ji, ‘Yehowa ji wɔjalɛ.’ ”

Yeremia 33:9

Ni maŋ nɛɛ gbɛi baahã mimli afili mi, ni ebaatsɔ̃ miyijiemɔ kɛ mihiɛ nyam yɛ jeŋ maji fɛɛ ni aaanu ejuji fɛɛ ni mifee amɛ lɛ he lɛ ahiɛ. Amɛtsui baafã, ni amɛhe baakpokpo yɛ ejuji fɛɛ ni mifeɔ maŋ nɛɛ kɛ shweremɔ ni mihãa amɛshwereɔ lɛ hewɔ.”

3 Mose 15:15

Osɔfo lɛ kɛ ekome afee esha afɔle ni ekɛ ekome hu afee shãa afɔle, koni ekpãtã ehã lɛ yɛ Yehowa hiɛ yɛ nu ni hoɔ lɛ hewɔ.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Mateo 20:9

Ni be ni gbɛkɛ ŋmɛji enumɔ bii lɛ ba lɛ, amɛ fɛɛ amɛna denario komekome.

Mateo 3:17

Ni naa, gbee ko jɛ ŋwɛi kɛɛ, “Mɔ nɛ ji misuɔmɔ Bi ni mina ehe tsui lɛ.”

Luka 2:14

“Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Yohane 10:17

No hewɔ ni Tsɛ lɛ sumɔɔ mi lɛ, ejaakɛ mikɛ miwala ŋmɛɔ shi, koni maŋɔ ekoŋŋ.

Yohane 3:35

Tsɛ lɛ sumɔɔ Bi lɛ, ni etu nii fɛɛ ewo edɛŋ.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

2 Korintobii 4:15

Ejaakɛ nyɛhewɔ afeɔ fɛɛ, koni dromɔ ni fa babaoo lɛ atsɔ̃ mɛi pii ashidaa nɔ atɛke nɔ ahã Nyɔŋmɔ hiɛnyamwoo.

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Efesobii 1:12

bɔ ni afee ni wɔ mɛi ni wɔtsɔ̃ hiɛ wɔkɛ wɔhiɛ efɔ̃ Kristo nɔ lɛ, wɔtsɔ̃mɔ enunyam lɛ yijiemɔ.

Efesobii 1:14

Mumɔ Krɔŋkrɔŋ lɛ ji wɔgboshinii lɛ ayibaafoonɔ kɛyashi Nyɔŋmɔ aaakpɔ̃ mɛi ni ji lɛ diɛŋtsɛ enii lɛ hã enunyam lɛ yijiemɔ.

Efesobii 1:18

Nyɛmligbɛ hiŋmɛii anɔ atse, koni nyɛna nyɛle nɔ ni ji hiɛnɔkãmɔ ni yɔɔ etsɛmɔ lɛ mli, kɛ egboshinii lɛ anunyam lɛ falɛ yɛ mɛi krɔŋkrɔŋi amli,

Efesobii 2:7

Efee enɛ koni bei ni baaba lɛ amli lɛ ejie lɛ diɛŋtsɛ edromɔ falɛ ni teke nɔ lɛ kpo yɛ emli ni hi hã wɔ yɛ Kristo Yesu mli lɛ mli.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

Filipibii 4:19

MiNyɔŋmɔ lɛ aaahã nyɛ nii ni hiaa nyɛ lɛ fɛɛ yɛ enifalɛ lɛ naa yɛ anunyam mli, yɛ Kristo Yesu mli.

Kolosebii 1:13

Ni ejie wɔ kɛjɛ duŋ hewalɛ lɛ mli kɛtee esuɔmɔ Bi lɛ maŋtsɛyeli lɛ mli lɛ;

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!