Efesobii 1:5 - ŊMALƐ KRƆŊKRƆŊ LƐ

⁵ Ni ejɛ suɔmɔ mli ejie wɔ eto ni wɔtsɔ̃mɔ ebii yɛ Yesu Kristo hewɔ, tamɔ bɔ ni sa ehiɛ yɛ esuɔmɔ naa lɛ;

Ṅmãle̱ Kroṅkroṅ Le̱

⁵ ni edšiewo̱ ye̱ suomo̱ mli eto ehã ehe ni wo̱tšõmo̱ *ebii ye̱ Iesu Kristo hewo̱, take̱ bo̱ni sa ehīe ye̱ esuomo̱ nā le̱; *Ioh 1.12

Efesobii 1:5 ပူးပေါင်းရင်းမြစ်များ

Yeremia 3:19

“Misusu he bɔ ni maŋɔ bo mashi mibii anɔ, ni mahã bo shikpɔŋ fɛɛfɛo, gboshinii ko ni yɔɔ fɛo fe majimaji fɛɛ anɔ. Ni efee mi akɛ oootsɛ mi akɛ, “Mitsɛ Ataa,” ni okpaleŋ yɛ misɛɛ dɔŋŋ;

Yeremia 3:4

“Ani otsɛko mi amrɔ nɛɛ nɔŋŋ akɛ, ‘Mitsɛ Ataa, bo ji mitsɛ kɛjɛ migbekɛbiiashi,

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

Mateo 1:25

shi eleee lɛ aahu kɛyashi beyinɔ ni efɔ binuu. Ni Yosef wo lɛ gbɛi akɛ Yesu.

Mateo 11:26

Hɛɛ, Ataa, bɔ ni sa ohiɛ ji no.

Luka 10:21

Nakai ŋmɛlɛtswaa lɛ nɔ lɛ Yesu mli fili lɛ yɛ Mumɔ Krɔŋkrɔŋ lɛ mli ni ekɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ oŋɔ nii nɛɛ otee nilelɔi kɛ jwɛŋlɔi, ni ojie otsɔ̃ɔ abifabii; hɛɛ, Ataa, ejaakɛ nakai sa ohiɛ.

Luka 11:32

Ninevehii lɛ kɛ nɛkɛ yinɔbii nɛɛ aaate shi yɛ kojomɔ lɛ mli ni amɛaabu amɛ fɔ, ejaakɛ amɛtsake amɛtsui yɛ Yona shiɛmɔ lɛ naa; ni naa, nɔ ko ni fe Yona shiɛmɔ lɛ yɛ biɛ.”

Luka 12:32

“Kaashe gbeyei, kuu bibioo; ejaakɛ nyɛTsɛ lɛ yɛ he tsuijurɔ akɛ eeeŋɔ maŋtsɛyeli lɛ ehã nyɛ.

Yohane 1:12

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii,

Yohane 11:52

ni jeee yɛ maŋ lɛ najiaŋ hewɔ kɛkɛ, shi bɔ ni afee ni ebua Nyɔŋmɔ bii ni egbɛ eshwã lɛ hu naa efee kuu kome.

Yohane 20:17

Yesu kɛɛ lɛ akɛ, “Kaata mihe; miyako ŋwɛi yɛ miTsɛ ŋɔɔ; shi yaa minyɛmimɛi lɛ aŋɔɔ ni oyakɛɛ amɛ akɛ, miiya ŋwɛi yɛ miTsɛ kɛ nyɛ hu nyɛTsɛ kɛ miNyɔŋmɔ kɛ nyɛ hu nyɛNyɔŋmɔ lɛ ŋɔɔ.”

Bɔfoi 13:48

Shi be ni jeŋmajiaŋbii lɛ nu enɛ lɛ amɛna miishɛɛ, ni amɛwo Nyɔŋmɔ wiemɔ lɛ hiɛ nyam, ni mɛi abɔ ni ajie ato naanɔ wala lɛ he ye.

Romabii 8:23

Shi jeee amɛ kɛkɛŋ, shi moŋ wɔ diɛŋtsɛ tete, wɔ ni wɔyɔɔ Mumɔ lɛ klɛŋklɛŋ yibii lɛ, wɔ diɛŋtsɛ hu wɔkɛ̃mɔ̃ɔ yɛ wɔmli, ni wɔkwɛɔ gbɛ akɛ wɔbaatsɔ̃mɔ bii, no ji abaakpɔ̃ wɔgbɔmɔtso lɛ.

1 Korintobii 1:1

Paulo, Yesu Kristo bɔfo ni atsɛ yɛ Nyɔŋmɔ suɔmɔ naa lɛ, kɛ wɔnyɛmi Sostene,

1 Korintobii 1:21

Shi akɛni yɛ Nyɔŋmɔ nilee naa lɛ je lɛ nyɛɛɛ etsɔ̃ lɛ diɛŋtsɛ enilee nɔ kɛle Nyɔŋmɔ lɛ, esa Nyɔŋmɔ hiɛ akɛ ekɛ kwashiai asane lɛ ni ashiɛɔ lɛ ahere mɛi ni heɔ yeɔ lɛ ayiwala.

2 Korintobii 6:18

Ni matsɔ̃ nyɛtsɛ, ni nyɛ hu nyɛaatsɔ̃mɔ mibihii kɛ mibiyei,” Yehowa, Ofe lɛ, kɛɛ.

Galatabii 3:26

Ejaakɛ nyɛ fɛɛ lɛ Nyɔŋmɔ bii ji nyɛ yɛ Kristo Yesu mli kɛtsɔ̃ hemɔkɛyeli lɛ nɔ;

Efesobii 1:11

Lɛ emli wɔna gboshinii lɛ hu yɛ, wɔ mɛi ni ajie wɔ ato yɛ mɔ ni tsuɔ nibii fiaa lɛ gbɛjianɔtoo naa, yɛ eyiŋ ni eto bɔ ni lɛ diɛŋtsɛ esumɔɔ lɛ naa,

Efesobii 1:9

Ehã wɔle eyiŋtoo ni ji teemɔ sane lɛ ni ekpɛ mli eto bɔ ni sa ehiɛ yɛ Kristo mli.

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

Kolosebii 1:19

Ejaakɛ Nyɔŋmɔ sumɔ akɛ lɛ Nyɔŋmɔ lɛ diɛŋtsɛ esu muu lɛ fɛɛ ahi emli.

2 Tesalonikabii 1:11

Enɛ hewɔ hu ni wɔsɔleɔ daa wɔhãa nyɛ, koni wɔNyɔŋmɔ lɛ abu nyɛ akɛ mɛi ni sa tsɛmɔ lɛ ni ekɛ ehewalɛ lɛ ahã ekpakpafeemɔ he miishɛɛ fɛɛ ni nyɛyɔɔ kɛ nyɛhemɔkɛyeli nitsumɔ lɛ ayi obɔ̃,

Hebribii 2:4

ni Nyɔŋmɔ diɛŋtsɛ hu kɛ okadii kɛ naakpɛɛnii kɛ hewalɛnii srɔtoi kɛ Mumɔ Krɔŋkrɔŋ hãmɔ lɛ miiye odase miishi nɔ, yɛ lɛ diɛŋtsɛ esuɔmɔ naa.

1 Yohane 3:1

Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

Kpojiemɔ 21:7

Kunimyelɔ lɛ aaatsɔ̃ nɛkɛ nii nɛɛ fɛɛ yelɔ, ni matsɔ eNyɔŋmɔ ni lɛ hu eeetsɔ̃ mibi.