Efesobii 1:4 - ŊMALƐ KRƆŊKRƆŊ LƐ

⁴ Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Ṅmãle̱ Kroṅkroṅ Le̱

⁴ take̱ bo̱ noṅṅ ni *ehalawo̱ ye̱ le̱ noṅṅ emli dãni ato dšeṅ šiši le̱, koni wo̱fe †kroṅkroṅ ni wo̱he akaba kpa ko ye̱ ehĩe, *loh 15,16, Rom, 8,29, †Ef. 5,27.

Efesobii 1:4 ပူးပေါင်းရင်းမြစ်များ

2 Samuel 22:24

Ele akɛ fɔbuu ko bɛ mihe, ni ele akɛ miwi mihe kɛje nɔ fɔŋ he.

Lalai 135:4

Ejaakɛ Yehowa eŋɔ Yakob ehã lɛ diɛŋtsɛ ehe, eŋɔ Israel efee lɛ diɛŋtsɛ enɔ.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

3 Mose 19:2

ni ekɛɛ Israelbii lɛ akɛ, “Nyɛfea nyɛhe krɔŋkrɔŋ, ejaakɛ mi, Yehowa, nyɛNyɔŋmɔ lɛ, mɔ krɔŋkrɔŋ ji mi.

3 Mose 20:7

Nyɛhiɛa nyɛhe krɔŋkrɔŋ, ejaakɛ mi ji Yehowa, nyɛNyɔŋmɔ lɛ.

Mateo 24:22

Ni kɛ afooo nakai gbii lɛ anɔ lɛ, ahereŋ heloo ko heloo ko yiwala; shi mɛi ni ahala lɛ ahewɔ lɛ aaafo nɔ.

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Mateo 24:31

Ni eeetsu ebɔfoi lɛ kɛ tɛtɛrɛmantɛrɛ ni gbee wa, ni amɛaabua ehalamɔbii lɛ anaa kɛaajɛ kɔɔyɔi ejwɛ lɛ anɔ, kɛajɛ ŋwɛi naagbeehe kome kɛaaya naagbeehe kroko lɛ.”

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Yohane 10:16

“Miyɛ toi krokomɛi ni jɛɛɛ toi atsu nɛɛ mli; ni nomɛi hu, ja miŋɔ amɛ kɛba, ni amɛbanu migbee, ni toi lɛ fee kuu kome kɛ kwɛlɔ kome.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

Bɔfoi 13:48

Shi be ni jeŋmajiaŋbii lɛ nu enɛ lɛ amɛna miishɛɛ, ni amɛwo Nyɔŋmɔ wiemɔ lɛ hiɛ nyam, ni mɛi abɔ ni ajie ato naanɔ wala lɛ he ye.

Bɔfoi 15:18

Nuŋtsɔ lɛ ni hã ale enɛ kɛjɛ teteete lɛ kɛɛ.

Bɔfoi 18:10

ejaakɛ mikɛ bo yɛ, ni mɔ ko mɔ ko etaŋ ohe ni efeŋ bo efɔŋ ko, ejaakɛ miyɛ mɛi pii yɛ maŋ nɛɛ mli.”

Romabii 8:33

Namɔ aaafolɔ Nyɔŋmɔ halamɔbii lɛ anaa? Nyɔŋmɔ ji mɔ ni buɔ bem.

1 Korintobii 1:8

Lɛ nɔŋŋ eeewaje nyɛ kɛaatee naagbee ni nyɛhe akaba kpa ko yɛ wɔNuŋtsɔ Yesu Kristo gbi lɛ nɔ.

Galatabii 5:13

Ejaakɛ heyeli mli atsɛ nyɛ kɛba, anyɛmimɛi; shi nyɛheyeli lɛ kɛkɛ ni nyɛkahãa etsɔ̃a hegbɛ ehã heloo lɛ taomɔnii, shi moŋ nyɛtsɔa suɔmɔ nɔ nyɛsɔ̃mɔsɔ̃mɔa nyɛhe.

Galatabii 5:22

Shi Mumɔ lɛ yibii ji suɔmɔ, miishɛɛ, hejɔlɛ, tsuishitoo, mlihilɛ, ejurɔfeemɔ, hemɔkɛyeli,

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Efesobii 4:2

Nyɛnyiɛa kɛ heshibaa fɛɛ kɛ kpoofeemɔ fɛɛ kɛ tsuishitoo fɛɛ ni nyɛnanaa nyɛhã nyɛhe kɛ suɔmɔ.

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Efesobii 5:27

koni eŋɔ lɛ edamɔ shi ehã lɛ diɛŋtsɛ ehe akɛ anunyam asafo ni kpa ko loo nɔ kũaikũai ko loo nakai nɔ ko bɛ ehe, shi moŋ efee krɔŋkrɔŋ ni shwamɔ ko bɛ ehe lɛ.

Filipibii 2:15

koni nyɛhe akahi shwamɔ, ni nyɛfee mɛi krɔŋŋ, Nyɔŋmɔ bii ni he bɛ kpa ko yɛ yinɔ kɔɔdɔŋ ni bɛ eŋɛlɛnɔ nɛɛ mli, mɛi ateŋ ni nyɛtsoɔ tamɔ kanei yɛ je nɛɛŋ lɛ.

Kolosebii 1:22

Agbɛnɛ ekɛ egbɔmɔtso lɛ etsɔ̃ gbele nɔ ekpãtã nyɛ ni ekɛ nyɛ edamɔ shi akɛ mɛi krɔŋkrɔŋi ni he bɛ kpa ko ni sane ko bɛ amɛhe yɛ ehiɛ.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

1 Tesalonikabii 3:12

Ni Nuŋtsɔ lɛ awo nyɛ obɔ̃bɔ̃ ni ehã nyɛteke nɔ kɛ suɔmɔ ni nyɛkɛsumɔsumɔɔ nyɛhe kɛ mɛi fɛɛ, tamɔ bɔ ni wɔ hu wɔsumɔɔ nyɛ lɛ.

1 Tesalonikabii 4:7

Ejaakɛ Nyɔŋmɔ tsɛɛɛ wɔ ehãaa nyaŋemɔ nitsumɔ, shi moŋ hã hetsemɔ.

2 Timoteo 1:9

Lɛ ehere wɔyiwala ni ekɛ tsɛmɔ krɔŋkrɔŋ tsɛ wɔ, jeee wɔnitsumɔi anaa, shi moŋ yɛ lɛ diɛŋtsɛ eyiŋtoo kɛ edromɔ naa, nɔ ni ekɛ hã wɔ yɛ Kristo Yesu mli dani aje be shishi,

2 Timoteo 2:10

Enɛ hewɔ lɛ, mimiaa mihiɛ yɛ saji fɛɛ amli yɛ mɛi ni ahala amɛ lɛ ahewɔ, koni amɛ hu amɛnine ashɛ yiwalaheremɔ ni yɔɔ Kristo Yesu mli lɛ kɛ naanɔ anunyam lɛ nɔ.

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!

1 Petro 1:20

Ahala lɛ ato momosa dani ato jeŋ shishi, shi ajie lɛ kpo yɛ bei lɛ anaagbee mli yɛ nyɛhewɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

2 Petro 3:14

No hewɔ lɛ, suɔmɔmɛi, akɛni nyɛkwɛɔ nii nɛɛ agbɛ nɛɛ, nyɛbɔa mɔdɛŋ koni ana nyɛ ni muji loo kpa ko bɛ nyɛhe yɛ ehiɛ yɛ hejɔlɛ mli;

1 Yohane 4:16

Ni wɔ lɛ wɔ́le, ni wɔ́he suɔmɔ ni Nyɔŋmɔ kɛsumɔɔ wɔ lɛ wɔye. Nyɔŋmɔ lɛ, suɔmɔ ji lɛ, ni mɔ ni hiɔ suɔmɔ mli lɛ, ehiɔ Nyɔŋmɔ mli, ni Nyɔŋmɔ hu hiɔ emli.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 17:8

Kooloo lɛ ni ona lɛ be ko mli lɛ eyɛ, shi amrɔ nɛɛ ebɛ, ni ebaajɛ bu kwɔŋkwɔŋ lɛ mli eje kpo kɛya hiɛkpãtãmɔ mli. Ni mɛi ni yɔɔ shikpɔŋ lɛ nɔ ni aŋmako amɛgbɛii yɛ wala wolo lɛ mli kɛjɛ jeŋ shishijee lɛ anaa aaakpɛ amɛhe kɛ amɛna kooloo lɛ akɛ be ko mli lɛ, eyɛ shi amrɔ nɛɛ ebɛ, ni ebaaba lɛ.