Efesobii 1:3 - ŊMALƐ KRƆŊKRƆŊ LƐ

³ Ajɔɔ Nyɔŋmɔ, wɔ Nuŋtsɔ Yesu Kristo Tsɛ lɛ, mɔ ni kɛ mumɔŋ jɔɔmɔ ejɔɔ wɔ yɛ ŋwɛiniiaŋ yɛ Kristo mli lɛ.

Ṅmãle̱ Kroṅkroṅ Le̱

³ Adšō̱ Nyoṅmo̱ ke̱ wo̱-Nuṅtšo̱ Iesu Kristo tše̱ le̱, moni ke̱ mumo̱ṅ dšó̱mo̱-fẽ-dšó̱mo̱ edšō̱wo̱ ye̱ *ṅweiniiaṅ ye̱ Kristo mli, *2,6.

Efesobii 1:3 ပူးပေါင်းရင်းမြစ်များ

1 Mose 14:20

ni ajie Ŋwɛi Flooflo Nyɔŋmɔ lɛ ni hã oye ohenyɛlɔi lɛ anɔ kunim lɛ yi.” Ni Abram hã Melkizedek nii lɛ fɛɛ mlijai nyɔŋma mli ekome.

1 Mose 22:18

Ni oshwiei lɛ amli aaajɛ ajɔɔ shikpɔŋ lɛ nɔ maji fɛɛ, ejaakɛ obo mi toi.’ ”

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

1 Kronika 4:10

shi Yabez sɔle etsɛ Israel Nyɔŋmɔ lɛ ni ekɛɛ, “Ofainɛ, Nyɔŋmɔ, ni ojɔɔ mi ni olɛɛ mihusui lɛ amli oha mi, ni obu mihe, ni obaa miyi koni nɔ fɔŋ ko akafee mi.” Nyɔŋmɔ hã Yabez nɔ ni ebi lɛ.

2 Kronika 31:8

Be ni Maŋtsɛ Hezekia kɛ maŋ onukpai lɛ bana nibii kuikui ni maŋbii lɛ kɛbahã lɛ, amɛ jie Yehowa kɛ emaŋ Israel fɛɛ yi.

Nehemia 9:5

Kɛkɛ ni Yeshua kɛ Kadmiel kɛ Bani kɛ Hashabneia kɛ Sherebia kɛ Hodia kɛ Shebania kɛ Patahia ni amɛ fɛɛ lɛ Levibii ji amɛ lɛ, kɛɛ akɛ, “Nyɛtea shi ni nyɛjiea Yehowa, nyɛNyɔŋmɔ lɛ, yi; nyɛjiea eyi kɛjɛ naanɔ kɛyashi naanɔ! Aaajie egbɛi ni yɔɔ nyam lɛ yi, tsɛbelɛ bɔ fɛɛ bɔ ni ajieɔ egbɛi yi ni akafoɔ lɛ ahãa tete lɛ, eshɛɛɛ egbɛi lɛ dalɛ.”

Lalai 134:3

Yehowa ni bɔ ŋwɛi kɛ shikpɔŋ lɛ ajɛ Zion ajɔɔ bo!

Lalai 72:17

Maŋtsɛ lɛ gbɛi ahe shi kɛya naanɔ; gbii abɔ ni hulu yɔɔ nɛɛ, enunyam akagbo. Gbɔmɛi aaanya yɛ ehewɔ; ni majimaji fɛɛ aaajɔɔ lɛ.

Lalai 72:19

Ajie enunyam gbɛi lɛ yi kɛya naanɔ! Jeŋ muu lɛ fɛɛ ayi tɔ kɛ enunyam lɛ! Amen! Amen!

Yesaia 61:9

Amɛshwiei agbɛi aaahehe yɛ jeŋmaji lɛ ateŋ, ni amɛbii hu aaana gbɛi yɛ majimaji lɛ ateŋ. Mɛi fɛɛ ni aaana amɛ aaakpɛ̃lɛ nɔ akɛ mɛi ni Yehowa ejɔɔ amɛ ji amɛ.

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Luka 2:28

Simeon he lɛ efɔ̃ ekpɔkɔiaŋ, ni ejie Nyɔŋmɔ yi ekɛɛ,

Yohane 14:20

Nakai gbi lɛ nɔ lɛ nyɛ diɛŋtsɛ nyɛaale akɛ miyɛ miTsɛ mli, ni nyɛ hu nyɛyɛ mimli, ni mi hu miyɛ nyɛmli.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 20:17

Yesu kɛɛ lɛ akɛ, “Kaata mihe; miyako ŋwɛi yɛ miTsɛ ŋɔɔ; shi yaa minyɛmimɛi lɛ aŋɔɔ ni oyakɛɛ amɛ akɛ, miiya ŋwɛi yɛ miTsɛ kɛ nyɛ hu nyɛTsɛ kɛ miNyɔŋmɔ kɛ nyɛ hu nyɛNyɔŋmɔ lɛ ŋɔɔ.”

Romabii 12:5

nakai nɔŋŋ wɔyi pii nɛɛ gbɔmɔtso kome ji wɔ yɛ Kristo mli, ni wɔteŋ mɔ fɛɛ mɔ lɛ enaanyohenɔ ji lɛ,

Romabii 15:6

koni nyɛkɛ jwɛŋmɔ kome kɛ naabu kome awo Nyɔŋmɔ, wɔNuŋtsɔ Yesu Kristo Tsɛ lɛ, hiɛ nyam.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

1 Korintobii 12:12

Shi tamɔ bɔ ni gbɔmɔtso lɛ ekome ni, shi ehiɛ henii pii, ni gbɔmɔtso lɛ henii pii lɛ fɛɛ gbɔmɔtso kome ni lɛ, nakai nɔŋŋ hu ji Kristo.

2 Korintobii 1:3

Ajɔɔ Nyɔŋmɔ, wɔNuŋtsɔ Yesu Kristo Tsɛ lɛ, mɔ ni ji musuŋtsɔlɛtsɛ kɛ miishɛjemɔ fɛɛ Nyɔŋmɔ lɛ.

2 Korintobii 11:31

Nyɔŋmɔ ni ji wɔNuŋtsɔ Yesu Kristo Tsɛ, mɔ ni ajɔɔ lɛ kɛyashiɔ naanɔ lɛ, le akɛ mimaleee.

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 3:9

Belɛ mɛi ni heɔ yeɔ lɛ, ajɔɔ amɛ kɛ Abraham heyelɔ lɛ.

Efesobii 1:10

Ebaahã egbɛjianɔtoo lɛ aba mli yɛ be ni sa lɛ mli, koni eŋɔ nibii fɛɛ eto yitso kome shishi yɛ Kristo mli, nii ni yɔɔ shikpɔŋ lɛ nɔ fɛɛ.

Efesobii 1:17

koni wɔNuŋtsɔ Yesu Kristo Nyɔŋmɔ lɛ ni ji anunyam Tsɛ lɛ ahã nyɛ nilee kɛ kpojiemɔ mumɔ yɛ le ni nyɛaale lɛ jogbaŋŋ lɛ mli.

Efesobii 1:20

Hewalɛ nitsumɔ nɛɛ etsu yɛ Kristo mli, be ni etee lɛ shi kɛjɛ gbohii ateŋ, ni ekɛ lɛ ta eninejurɔ nɔ yɛ ŋwɛiniiaŋ,

Efesobii 2:6

Ni etee wɔ kɛ lɛ shi, ni eŋɔ wɔ kɛ lɛ fɛɛ eta ŋwɛiniiaŋ yɛ lɛ Kristo Yesu lɛ mli.

Efesobii 3:10

koni agbɛnɛ atsɔ̃ asafo lɛ nɔ ahã onukpai kɛ mɛi ni yɔɔ hegbɛ yɛ ŋwɛiniiaŋ lɛ ale Nyɔŋmɔ nilee ni jieɔ ehe kpo yɛ gbɛi srɔtoi pii anɔ lɛ.

Efesobii 6:12

Ejaakɛ jeee gbɔmɛi wɔkɛna lɛ, shi moŋ wɔkɛ onukpayelii kɛ hegbɛi kɛ je nɛɛŋ duŋ lɛ mli lumɛi lɛ kɛ mumɔi fɔ̃ji ni yɔɔ ŋwɛiniiaŋ lɛ.

Filipibii 2:11

ni lilɛi fɛɛ lilɛi agba mli kpoo akɛ Yesu Kristo ji Nuŋtsɔ, kɛwo Tsɛ Nyɔŋmɔ lɛ hiɛ nyam.

Hebribii 8:5

tsɛ amɛ lɛ ŋwɛi He Krɔŋkrɔŋ lɛ nɔkwɛmɔnɔ kɛ esusuma kɛkɛ mli amɛsɔ̃mɔ yɛ, tamɔ bɔ ni atsɔ̃ɔ Mose, be ni ebaafee buu lɛ; ejaakɛ Nyɔŋmɔ kɛɛ, “Kwɛmɔ ni ahi koni ofee nibii lɛ fɛɛ yɛ nɔkwɛmɔnɔ ni atsɔ̃ɔ bo yɛ gɔŋ lɛ nɔ lɛ naa.”

Hebribii 9:23

Belɛ ehe ehĩa akɛ nii ni ji ŋwɛinii lɛ afoniri nɛɛ akɛ enɛɛmɛi atsuu he; shi ŋwɛinii lɛ diɛŋtsɛ lɛ, afɔlei ni hi fe nomɛi akɛtsuuɔ he.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.