Efesobii 1:18 - ŊMALƐ KRƆŊKRƆŊ LƐ

¹⁸ Nyɛmligbɛ hiŋmɛii anɔ atse, koni nyɛna nyɛle nɔ ni ji hiɛnɔkãmɔ ni yɔɔ etsɛmɔ lɛ mli, kɛ egboshinii lɛ anunyam lɛ falɛ yɛ mɛi krɔŋkrɔŋi amli,

Ṅmãle̱ Kroṅkroṅ Le̱

¹⁸ ni nyetšui hīṅme̱ii ano̱ atše, koni nyená nyele noni dši etšé̱mo̱ le̱ no̱hĩe-kãmo̱ le̱, ke̱ egbošinii le̱ enumnyam le̱ fále̱ ye̱ meikroṅkroṅi amli,

Efesobii 1:18 ပူးပေါင်းရင်းမြစ်များ

Hiob 42:5

Mitoi kɛkɛ mikɛnu ohe, shi agbɛnɛ mihiŋmɛi ena bo.

Lalai 119:18

Gbelemɔ mihiŋmɛii koni mana omla lɛ mli naakpɛɛnii lɛ.

Yesaia 11:2

Ni Yehowa Mumɔ lɛ baahi enɔ, ni ebaaduro lɛ nilee kɛ sanesɛɛkɔmɔ mumɔ kɛ ŋaawoo kɛ hewalɛ mumɔ kɛ Yehowa he nilee kɛ lɛ gbeyeishemɔ mumɔ.

Yesaia 29:10

Ejaakɛ Yehowa ehã wɔ ni mli tsii mumɔ enyɔ nyɛnɔ. Nyɛ gbalɔi, Yehowa eŋamɔ nyɛhiŋmɛii; ni nyɛ ninalɔi, Yehowa kɛ nɔ̃ eha nyɛhiɛ.

Yesaia 29:18

Nakai gbi lɛ nɔ lɛ, toimulɔi tete baanu wolo lɛ mli wiemɔi ni shwilafoi ahiŋmɛii anɔ ni ewo duŋ lɛ aaatse, ni amɛaana nii.

Yesaia 32:3

Amɛteŋ mɛi ni hiŋmɛi nɔ tse baana nɔ fɛɛ nɔ faŋŋ, ni mɛi hu ni toiiaŋ tse baabo nɔ fɛɛ nɔ toi jogbaŋŋ.

Yesaia 42:7

koni ogbele shwilafoi ahiŋmɛii, ni ojie gboklɛfoi yɛ gboklɛfoi atsuŋ; koni ojie gboklɛfoi ni tara kpabuŋ duŋ mli lɛ.

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Mateo 13:15

Ejaakɛ nɛkɛ maŋ nɛɛ tsui ekpliŋ, ni amɛtoii ewa, ni amɛŋamɔ amɛhiŋmɛii; koni amɛkana kɛ amɛhiŋmɛii, ni amɛkanu kɛ amɛtoii, ni amɛtsui hu akana shishi, ni amɛkpale ni mitsa amɛ.’

Marko 10:17

Ni be ni eje kpo ni eyi gbɛ lɛ nɔ lɛ, mɔ ko hiɛ foi kɛbanina lɛ ni ebakula ehiɛ, ni ebi lɛ akɛ, “Tsɔɔlɔ kpakpa, mɛni mafee ni mana naanɔ wala?”

Luka 24:45

Kɛkɛ lɛ egbele amɛjwɛŋmɔ naa, koni amɛna Ŋmalɛi lɛ anaa.

Bɔfoi 16:14

Ni yoo ko ni atsɛɔ lɛ Lidia ni ji kɔɔjaŋhɔ̃ɔlɔ ko ni jɛ Tiatira maŋ lɛ mli ni sheɔ Nyɔŋmɔ gbeyei lɛ hu nu; lɛ Nuŋtsɔ lɛ gbele etsui naa akɛ ebo nii ni Paulo wieɔ lɛ toi.

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Romabii 11:29

Ejaakɛ Nyɔŋmɔ shwaaa ehe yɛ edromɔ nii lɛ kɛ etsɛmɔ lɛ he.

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Galatabii 5:5

Ejaakɛ wɔ lɛ, Mumɔ lɛ nɔ wɔtsɔ̃ɔ wɔkɛ hemɔkɛyeli mɛɔ jalɛ ni wɔhiɛ kã nɔ lɛ.

Efesobii 1:11

Lɛ emli wɔna gboshinii lɛ hu yɛ, wɔ mɛi ni ajie wɔ ato yɛ mɔ ni tsuɔ nibii fiaa lɛ gbɛjianɔtoo naa, yɛ eyiŋ ni eto bɔ ni lɛ diɛŋtsɛ esumɔɔ lɛ naa,

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Efesobii 2:12

nyɛbɛ Kristo nakai be lɛ mli. Ni mɛi kpɔ̃ji ji nyɛ yɛ Israel maŋ biyeli gbɛfaŋ kɛ gbɔi yɛ kpãŋmɔi ni damɔ Nyɔŋmɔ shiwoo nɔ lɛ agbɛfaŋ hu, nyɛbɛ hiɛnɔkãmɔ ko, ni nyɛbɛ Nyɔŋmɔ tete yɛ je nɛɛŋ.

Efesobii 3:16

Ni yɛ enunyam falɛ naa lɛ ehã nyɛtsɔ̃ eMumɔ lɛ nɔ nyɛhe awa kpiŋtiŋŋ yɛ nyɛmli gbɔmɔ lɛ gbɛfaŋ,

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

Efesobii 4:1

No hewɔ lɛ, mi ni mi ji gboklɛfonyo yɛ Nuŋtsɔ lɛ mli lɛ, miikpa nyɛ fai akɛ nyɛnyiɛ bɔ ni sa tsɛmɔ ni akɛtsɛ nyɛ lɛ.

Efesobii 4:4

Gbɔmɔtso kome kɛ Mumɔ kome yɔɔ, tamɔ bɔ nɔŋŋ ni hiɛnɔkãmɔ kome ji nɔ ni yɔɔ tsɛmɔ ni atsɛ nyɛ lɛ mli lɛ.

Efesobii 5:8

Ejaakɛ sa lɛ duŋ ji nyɛ, shi agbɛnɛ lɛ nyɛtsɔ̃mɔ la yɛ Nuŋtsɔ lɛ mli; nyɛnyiɛa tamɔ la bii.

Filipibii 3:14

ni miitiu oti lɛ kɛyashɛ Nyɔŋmɔ tsɛmɔ ni jɛ ŋwɛi yɛ Kristo Yesu mli lɛ he juromɔ nɔ lɛ he.

Kolosebii 1:12

Ni nyɛdaa Tsɛ lɛ shi, mɔ ni hã wɔfee mɛi ni sa krɔŋkrɔŋbii ni yɔɔ la lɛ mli lɛ agboshinii lɛ eko yeli.

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 1:5

yɛ hiɛnɔkãmɔ ni akɛto ahã nyɛ yɛ ŋwɛi lɛ hewɔ lɛ. Nyɛnu enɛ momo yɛ Sanekpakpa lɛ anɔkwale wiemɔ lɛ mli.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

Kolosebii 3:15

Ni nyɛhãa Kristo hejɔlɛ lɛ ayea lumɔ yɛ nyɛtsuii amli; nɔ he ni atsɛ nyɛ kɛba yɛ gbɔmɔtso kome mli lɛ. Ni nyɛlea shidaa.

1 Tesalonikabii 2:12

Ni wɔwieɔ wɔtsɔ̃ɔ nyɛ, ni wɔshɛjeɔ nyɛmii hu, ni wɔkpaa nyɛ fai akɛ nyɛnyiɛ bɔ ni sa Nyɔŋmɔ ni tsɛɔ nyɛ kɛbaa lɛ diɛŋtsɛ emaŋtsɛyeli kɛ enunyam lɛ mli lɛ.

1 Tesalonikabii 5:8

Shi wɔ lɛ, akɛni shwanebii ji wɔ hewɔ lɛ, nyɛhãa wɔhiɛ akãa shi ni wɔwo hemɔkɛyeli kɛ suɔmɔ dama lɛ ni wɔbumɔ dade fai ni ji yiwalaheremɔ hiɛnɔkãmɔ lɛ.

2 Tesalonikabii 1:11

Enɛ hewɔ hu ni wɔsɔleɔ daa wɔhãa nyɛ, koni wɔNyɔŋmɔ lɛ abu nyɛ akɛ mɛi ni sa tsɛmɔ lɛ ni ekɛ ehewalɛ lɛ ahã ekpakpafeemɔ he miishɛɛ fɛɛ ni nyɛyɔɔ kɛ nyɛhemɔkɛyeli nitsumɔ lɛ ayi obɔ̃,

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

1 Timoteo 6:12

Wuu hemɔkɛyeli he ta kpakpa lɛ, mɔ naanɔ wala lɛ mli, nɔ he hu ni atsɛ bo kɛba ni ojaje jajemɔ fɛɛfɛo yɛ odasefoi pii ahiɛ lɛ.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

Tito 3:7

koni ahã wɔtsɔ̃mɔ niyelɔi yɛ naanɔ wala lɛ gbɛfaŋ yɛ hiɛnɔkãmɔ naa, akɛni abu wɔ bem yɛ lɛ nɔŋŋ edromɔ naa lɛ.

Hebribii 10:32

Shi nyɛkaia be ni eho lɛ, be ni la etso yɛ nyɛnɔ lɛ, bɔ ni nyɛmia nyɛhiɛ yɛ amanehulu ta babaoo mli.

Hebribii 6:4

Ejaakɛ mɛi ni la etso amɛnɔ pɛŋ ni amɛsa amɛnaa ŋwɛi nɔkeenɔ lɛ ni amɛna Mumɔ Krɔŋkrɔŋ lɛ eko

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Petro 3:9

Nyɛkɛ efɔŋ akatoa efɔŋ najiaŋ aloo jɛmɔ yɛ jɛmɔ najiaŋ, shi moŋ nyɛjɔa, ejaakɛ nyɛle akɛ enɛ hewɔ atsɛ nyɛ, koni nyɛnine ashɛ jɔɔmɔ lɛ nɔ.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.