Efesobii 1:13 - ŊMALƐ KRƆŊKRƆŊ LƐ

¹³ Lɛ emli akɛ Mumɔ Krɔŋkrɔŋ ni awo he shi lɛ sɔo nyɛ hu nyɛnaa yɛ be ni nyɛnu anɔkwale lɛ wiemɔ lɛ ni ji yiwalaheremɔ Sanekpakpa lɛ ni nyɛhe nyɛye lɛ.

Ṅmãle̱ Kroṅkroṅ Le̱

¹³ le̱ noṅṅ eno̱ nye hũ nyeke̱ nyehĩe fõ, beni nyenu ano̱kwale le̱ wiemo̱ le̱ ni dši nyeyiwalaheremo̱ le̱ sanekpakpa le̱; le̱ noṅṅ emli ake̱ šiwõ le̱ Mumo̱ kroṅkroṅ le̱ *so̱o nyenã ye̱, beni nyehe nyeye le̱, *4,30.

Efesobii 1:13 ပူးပေါင်းရင်းမြစ်များ

Lalai 119:43

Asaŋ kaajie anɔkwa wiemɔ lɛ kɛmiije midaaŋ kwrakwra; ejaakɛ mihiɛ kã omlai lɛ anɔ.

Yoel 2:28

“Enɛɛmɛi asɛɛ lɛ mafɔse mimumɔ lɛ mashwie gbɔmɛi fɛɛ anɔ; nyɛbihii kɛ nyɛbiyei lɛ aaagba, nyɛhiimeji lɛ aaala lamɔi, ni nyɛblahii lɛ aaana ninai.

Luka 11:13

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ ni nyɛkɛ nikeenii kpakpai keɔ nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ Mumɔ Krɔŋkrɔŋ ehaŋ mɛi ni biɔ lɛ lɛ?”

Luka 24:49

Ni naa, miiha miTsɛ shiwoo lɛ aba nyɛnɔ; shi nyɛ lɛ nyɛhia shi yɛ Yerusalɛm maŋ lɛŋ kɛyashi beyinɔ ni aaajɛ ŋwɛi awo nyɛ hewalɛ.”

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

Yohane 14:26

Shi Hefatalɔ lɛ ni ji Mumɔ Krɔŋkrɔŋ lɛ, mɔ ni Tsɛ lɛ baatsu yɛ migbɛi mli lɛ, lɛ eeetsɔ̃ɔ nyɛ nii fɛɛ, ni eeekai nyɛ nii fɛɛ ni mikɛɛ nyɛ lɛ.

Yohane 15:26

“Shi Hefatalɔ lɛ ni mibatsu nyɛŋɔɔ kɛaajɛ Tsɛ lɛ ŋɔɔ lɛ, mɔ ni ji anɔkwale Mumɔ lɛ ni jɛɔ Tsɛ lɛ ŋɔɔ baa lɛ, kɛ eba lɛ, eeeye mihe odase;

Yohane 3:33

Mɔ ni ŋɔɔ edase lɛ, esɔo naa akɛ anɔkwafo ji Nyɔŋmɔ.

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Bɔfoi 1:4

Ni be ni ekɛ amɛnaa kpe shi lɛ, ewo amɛ akpɔ akɛ, “Nyɛkajea Yerusalɛm, shi moŋ nyɛmɛa Tsɛ lɛ shiwoo lɛ ni nyɛnu yɛ minaa lɛ;

Bɔfoi 13:26

“Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Romabii 4:11

Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

Romabii 6:17

Shi shidaa ahã Nyɔŋmɔ, akɛ kulɛ sa lɛ esha tsuji ji nyɛ, shi agbɛnɛ nyɛjɛ nyɛtsui fiaa mli nyɛbo nɛkɛ tsɔ̃ɔmɔ ni akɛ nyɛ ewo mli nɛɛ toi.

2 Korintobii 1:22

lɛ nɔŋŋ esɔo wɔnaa, ni ekɛ Mumɔ lɛ ehã wɔ akɛ yibaafoo nɔ yɛ wɔtsuii amli hu.

2 Korintobii 6:7

Nyɔŋmɔ hewalɛ naa lɛ wɔwieɔ anɔkwale. Ni wɔwoɔ jalɛ tawuunii yɛ ninejurɔ kɛ abɛku fɛɛ.

Galatabii 3:14

koni Abraham jɔɔmɔ lɛ aba jeŋmaji lɛ anɔ yɛ Kristo Yesu mli, ni wɔkɛ hemɔkɛyeli ana Mumɔ ni awo he shi lɛ.

Efesobii 4:21

kɛji eyɛ mli akɛ nyɛnu ehe, ni atsɔ̃ɔ nyɛ nii yɛ emli hu, tamɔ bɔ ni ji anɔkwale yɛ Yesu mli lɛ,

Efesobii 4:30

Ni nyɛkafea Nyɔŋmɔ Mumɔ Krɔŋkrɔŋ lɛ nidɔɔnii; lɛ emli asɔo nyɛnaa yɛ ato kpɔ̃mɔ gbi lɛ.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

2 Timoteo 2:15

Bɔɔ mɔdɛŋ ni okɛ ohe adamɔ Nyɔŋmɔ hiɛ akɛ mɔ ko ni sa, nitsulɔ ni hiɛ gbooo, ni tsɔ̃ɔ anɔkwale wiemɔ lɛ pɛpɛɛpɛ.

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

2 Timoteo 3:15

ni ogbekɛbiiashi ojɛ ole Ŋmalɛi Krɔŋkrɔŋi lɛ, ni aaanyɛ ahã ole nii hã yiwalaheremɔ kɛtsɔ̃ Yesu Kristo nɔ hemɔkɛyeli nɔ.

Tito 2:11

Ejaakɛ Nyɔŋmɔ dromɔ ni akɛhereɔ gbɔmɛi fɛɛ ayiwala lɛ epue.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,

Yakobo 1:18

Lɛ diɛŋtsɛ esuɔmɔ naa ekɛ anɔkwale wiemɔ lɛ fɔ wɔ, koni wɔfee tamɔ enibɔɔnii lɛ amli klɛŋklɛŋ yibii.

Yakobo 1:21

No hewɔ lɛ, nyɛshɛrɛa nyaŋemɔ nitsumɔ kɛ efɔŋ ni afeɔ kɛtekeɔ nɔ fɛɛ nyɛshwiea, ni nyɛkɛ heshibaa aherea wiemɔ lɛ ni atɛo yɛ nyɛmli ni yɔɔ hewalɛ ni ekɛaahere nyɛsusumai ayiwala lɛ.

1 Petro 2:10

nyɛ ni sa lɛ nyɛjeee maŋ, shi agbɛnɛ lɛ Nyɔŋmɔ maŋ ji nyɛ, nyɛ ni anaaa nyɛ mɔbɔ, shi agbɛnɛ ana nyɛ mɔbɔ lɛ.

Kpojiemɔ 7:2

Ni mina bɔfo kroko miikwɔ kɛmiijɛ hulu shiteehe kɛmiiba, ni ehiɛ Nyɔŋmɔ hiɛkãalɔ lɛ naasɔomɔnɔ, ni ebo kɛ gbee ni wa ekɛɛ bɔfoi ejwɛ lɛ ni ahã amɛ hegbɛ akɛ amɛfee shikpɔŋ lɛ kɛ ŋshɔ lɛ efɔŋ lɛ