Jajelɔ 9:5 - ŊMALƐ KRƆŊKRƆŊ LƐ

⁵ Ejaakɛ hiɛkãalɔi lɛ amɛle akɛ amɛbaagboi, shi gbohii lɛ amɛleee nɔ ko nɔ ko, ni amɛbɛ nɔ ko hu ni amɛbaana dɔŋŋ, ni hiɛ kpaa amɛnɔ kwraa.

Ṅmãle̱ Kroṅkroṅ Le̱

⁵ Ši hĩekãlo̱i le ake̱ ame̱bagboi; ši gbohĩĩ le̱, ame̱lee nokonoko, ní ame̱be̱ nyõmo̱wo ko doṅṅ; edšake̱ hĩe edše ame̱kaimo̱ no̱.

Jajelɔ 9:5 ပူးပေါင်းရင်းမြစ်များ

2 Samuel 14:14

Gbele kã shi hã wɔ fɛɛ, ni ehãa wɔtsɔ̃ɔ tamɔ nu ni atsi ashwie shikpɔŋ, ni ehiii loomɔ dɔŋŋ. Shi mɔ ni toɔ gbɛjianɔ bɔ ni afee ni mɔ ni enyɔ kooŋ aba shĩa lɛ, Nyɔŋmɔ egbeee lɛ.

Hiob 14:21

Kɛji ebii ahiɛ miiba nyam lɛ, eleee; ni kɛji amɛhiɛ miishwie shi hu eleee.

Hiob 30:23

Hɛɛ, mile akɛ okɛ mi baaya ayahã gbele, ni ji shĩa ni ato ahã hiɛkãalɔi fɛɛ lɛ.

Lalai 109:15

Yehowa akai amɛhe eshai lɛ daa; amɛ diɛŋtsɛ lɛ, akakai amɛ yɛ shikpɔŋ lɛ nɔ dɔŋŋ.

Lalai 6:5

Ejaakɛ akaiii bo yɛ gbele mli; ni gbohiiaje hu namɔ aaajie oyi yɛ jɛi?

Lalai 88:13

Oo Yehowa, mi lɛ mibolɔɔ mitsɛɔ bo; daa leebi maŋkpa lɛ misɔleɔ mitsɛɔ bo.

Jajelɔ 1:11

Akaiii blema nibii, ni akaiŋ nii ni baaba, ni yinɔi ni baaba lɛ kaiŋ ŋmɛnɛ kɛ wɔ mli sane.

Jajelɔ 2:16

Ejaakɛ bɔ ni akaiii kwashia kɛyaa naanɔ lɛ, nakai akaiii nilelɔ bei fɛɛ, ejaakɛ be ni wɔsɛɛ ko baashɛ lɛ hiɛ ekpa amɛ fɛɛ amɛnɔ jeeŋmɔ. Bɔ ni nilelɔ gboɔ lɛ, nakai nɔŋŋ kwashia hu gboɔ.

Jajelɔ 7:2

Kɛji otee shĩa ni aafee yara yɛ mli lɛ, ehi fe nɔ ni otee shĩa ni aŋmɛ okplɔ̃ yɛ jɛi, ejaakɛ esa akɛ gbɔmɔ hiɛ ahi nɔ akɛ gbɔmɛi fɛɛ anaagbee ji gbele.

Jajelɔ 8:10

Mina mɛi fɔ̃ji ni egboi ni afu amɛ. Gbɔmɛi nɛɛ awalabeiaŋ lɛ, anaa amɛ amɛyaa amɛbaa yɛ Sɔlemɔ we lɛ; shi amɛgbele mli lɛ, ajie amɛyi yɛ maŋ lɛ mli, he nɔŋŋ ni amɛfee nakai efɔ̃ji lɛ yɛ lɛ. Enɛ hu shishinumɔ bɛ he.

Jajelɔ 9:10

Nɔ fɛɛ nɔ tsumɔ ni ooomɔ mli lɛ, tsu kɛ onyɛmɔ fɛɛ, ejaakɛ gbohiiaje he ni oyaa lɛ, nɔ ni atsɛɔ lɛ nitsumɔ loo yiŋshwiemɔ loo nilee loo jwɛŋmɔ lɛ eko bɛ jɛi.

Jajelɔ 9:4

Shi mɔ ni hiɛ kã lɛ, eyɛ hiɛnɔkãmɔ ko kɛ̃ ejaakɛ gbee hiɛkãalɔ lɛ, ehi fe jata ni egbo.

Yesaia 26:14

Amɛgboi, ni amɛhiɛ etsɛ̃ŋ; amɛtsɔmɔ sisai ni eteŋ shi dɔŋŋ, ejaakɛ ogbala amɛtoi, ni okpãtã amɛhiɛ, ni akaiŋ amɛ dɔŋŋ.

Yesaia 63:16

Ejaakɛ bo nɔŋŋ ji wɔtsɛ, tsɛbelɛ Abraham leee wɔ, ni Israel hu eŋɔɔɔ wɔ akɛ bii; shi bo Yehowa lɛ bo nɔŋŋ ji wɔtsɛ kɛ wɔkpɔ̃lɔ kɛjɛ blema beebe ejaakɛ nakai ji ogbɛi.

Luka 20:32

Ni fee sɛɛ lɛ yoo lɛ hu bagbo.

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,