Jajelɔ 9:3 - ŊMALƐ KRƆŊKRƆŊ LƐ

³ Nɔ ko ni ejaaa yɛ nii fɛɛ ni afeɔ yɛ je nɛɛŋ ji akɛ mɛi fɛɛ anaagbee afee ekome. Gbɔmɛi atsuiiaŋ eyimɔ obɔ̃bɔ̃ kɛ efɔŋ kɛ sɛkɛyeli nifeemɔi, beiaŋ ni amɛyɔɔ walaŋ, shi no sɛɛ lɛ amɛgboiɔ, ni amɛyaa gbohiiaje.

Ṅmãle̱ Kroṅkroṅ Le̱

³ Ene̱ dši efõṅ ye̱ nii fẽ ni afeo̱ ye̱ hũlũ šiši ne̱ mli, ake̱-ní ošrã kome šrãa mei fẽ le̱, *nohewo̱ hũ ni gbomei abii atšuiiaṅ eyimo̱ obõbõ ke̱ efõṅ, ni se̱ke̱yeli soṅṅ yo̱ ame̱tšuiiaṅ ye̱ ame̱wala be mli: ni no se̱ le̱ — ame̱yaä gbohĩĩ le̱ aṅõ. 8,11.

Jajelɔ 9:3 ပူးပေါင်းရင်းမြစ်များ

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Hiob 15:16

Te aaafee tɛŋŋ mɔ, ni mɔ ni feɔ musubɔɔnii, asaŋ ni efite adesa ni nifɔɔjianiifeemɔ ji enu ni enuɔ lɛ, ekɛ ehe aaafɔ̃ enɔ lɛ?

Hiob 21:26

Amɛ fɛɛ amɛyajwereɔ su mli, ni gɔgɔmii haa amɛhe.

Hiob 9:22

Fɛɛ ekome!” No hewɔ lɛ, miikɛɛ akɛ, “Jeŋshihilɛ eje mitsine; mɔ ni shwamɔ bɛ ehe, kɛ mɔ fɔŋ lɛ, Nyɔŋmɔ baakpãtã amɛ fɛɛ amɛhiɛ.

Lalai 51:5

Naa, afɔ mi yɛ esha mli, ni esha mli minyɛ ŋɔ mi hɔ yɛ.

Lalai 64:7

Shi Nyɔŋmɔ aaatsɛ̃rɛ̃ amɛ gãi, ni eeepila amɛ trukaa.

Abe̱i 14:32

Mɔ fɔŋ lɛ, enifɔjianii lɛ nɔŋŋ butuɔ lɛ; shi jalɔ lɛ, ejalɛ ji ebobaahe.

Jajelɔ 1:17

Mikɛma mihiɛ akɛ mibatao male nɔ ni ji nilee kɛ nɔ ni ji sɛkɛyeli kɛ nɔ ni ji kwashiafeemɔ fɛɛ.

Jajelɔ 12:7

Wɔsũ gbɔmɔtsei lɛ baaku sɛɛ kɛya shikpɔŋ sũ mli ekoŋŋ, he ni amɛjɛ lɛ, ni mumɔ lɛ hu baaku esɛɛ eya Nyɔŋmɔ mɔ ŋɔɔ ni ejɛ eba lɛ ŋɔɔ ekoŋŋ.

Jajelɔ 2:14

ni nilelɔ lɛ enyiɛɔ kɛ hiɛshikãmɔ; shi kwashia lɛ, enyiɛɔ duŋduŋ tamɔ mɔ ni nyiɛ duŋ mli; shi kɛ̃lɛ amɛ fɛɛ amɛshɛɛ mli ekome.

Jajelɔ 7:2

Kɛji otee shĩa ni aafee yara yɛ mli lɛ, ehi fe nɔ ni otee shĩa ni aŋmɛ okplɔ̃ yɛ jɛi, ejaakɛ esa akɛ gbɔmɔ hiɛ ahi nɔ akɛ gbɔmɛi fɛɛ anaagbee ji gbele.

Jajelɔ 7:25

Mikɛ mijwɛŋmɔ fɔ̃ nɔ akɛ mibagbɛlɛ shi matao nilee kɛ nɔ fɛɛ nɔ mli. Mitao akɛ male yitsoŋwalɛ ni yɔɔ buulufeemɔ mli, kɛ bɔ ni buulufeemɔ lɛ sɛkɛyeli ni.

Jajelɔ 8:11

Akɛ ni awooo esha he nyɔmɔ oya hewɔ lɛ, gbɔmɛi ahe ehomɔ kɛ efɔŋfeemɔ.

Jajelɔ 9:11

Asaŋ mina akɛ jeŋ ni ayɔɔ mli nɛɛ lɛ, jeee be fɛɛ be mɔ ni najiaŋ wa yeɔ foidamɔ mli kunim, aloo kãkãlɔ yeɔ ta mli kunim; aloo nilelɔ naa edaaŋŋmaa, aloo hiɛshikãlɔ tsɔ̃ɔ niiatsɛ, aloo mɔ ni he esa yɛ nitsumɔ ko mli hiɛ baa nyam; shi amɛ fɛɛ lɛ dromɔ naa kɛkɛ ni.

Jajelɔ 9:2

ejaakɛ jalɔ kɛ mɔ ni ejaaa, kɛ gbɔmɔ kpakpa kɛ gbɔmɔ fɔŋ, kɛ mɔ ni he tse kɛ mɔ ni he tseee, kɛ mɔ ni shãa afɔle kɛ mɔ ni eshãaa afɔle fɛɛ lɛ, amɛ fɛɛ lɛ amɛnaagbee kome. Nɔ ni baa gbɔmɔ kpakpa nɔ lɛ, no nɔŋŋ baa efɔŋfeelɔ nɔ, ni nakai nɔŋŋ baa mɔ ni kãa kitã kɛ mɔ ni kãaa kitã fɛɛ nɔ.

Jajelɔ 9:4

Shi mɔ ni hiɛ kã lɛ, eyɛ hiɛnɔkãmɔ ko kɛ̃ ejaakɛ gbee hiɛkãalɔ lɛ, ehi fe jata ni egbo.

Yeremia 16:12

Ni nyɛ lɛ nyɛfee efɔŋ fe nyɛtsɛmɛi lɛ tete, ejaakɛ naa nyɛteŋ mɔ fɛɛ mɔ nyiɛɔ nɔ ni etsui fɔŋ lɛ kɛɔ lɛ lɛ sɛɛ, ni ekpɛlɛ̃ɛɛ akɛ eboɔ mi toi.

Yeremia 17:10

Mi, Yehowa, mitaoɔ gbɔmɔ yitsoŋ, ni mikaa tsui mikwɛɔ. Mikɛ mɔ fɛɛ mɔ yeɔ yɛ ejeŋba naa; mikɛ mɔ fɛɛ mɔ yeɔ yɛ yibii ni ewoɔ naa.

Yeremia 17:9

Tsui yɔɔ nɛɛ elakaa mɔ fe nɔ fɛɛ nɔ; efite kwraa. Namɔ aaanu lɛ shishi?

Luka 15:17

Shi be ni ehiɛ tserɛ lɛ lɛ, ekɛɛ, ‘Apaafoi enyiɛ mitsɛ bɛ ni naa niyenii yeɔ ni eko shwɛɔ, ni hɔ̃mɔ gbeɔ mi yɛ biɛ nɛɛ!

Luka 6:11

Shi amɛ lɛ amɛmli fu waa, ni amɛhala mli yɛ amɛteŋ nɔ po ni amɛaafee Yesu.

Bɔfoi 12:23

Ni amrɔ lɛ nɔŋŋ lɛ, Nuŋtsɔ lɛ bɔfo tswa lɛ nɔ, ejaakɛ ekɛ anunyam lɛ hãaa Nyɔŋmɔ, ni gɔgɔmii ye lɛ, ni egbo.

Bɔfoi 26:11

ni mifɔɔ amɛ yiwaa yɛ kpeehei lɛ fɛɛ, ni minyɛɔ amɛnɔ akɛ amɛwie musubɔɔ wiemɔi, ni miye amɛhe sɛkɛ ko ni wa, ni miwaa amɛyi kɛyaa majiasɛɛ.”

Bɔfoi 26:24

Be ni Paulo jie enaa nɛkɛ lɛ, Festo kɛ gbee ni wa kɛɛ, “Paulo, sɛkɛ oyeɔ nɛɛ! Woloŋkasemɔ sɔŋŋ ehã oyeɔ sɛkɛ nɛɛ!”

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

2 Petro 2:16

shi akã ehiɛ yɛ lɛ diɛŋtsɛ emlatɔ̃mɔ lɛ hewɔ, teji ni leee wiemɔ lɛ kɛ gbɔmɔ gbee wie, ni etsĩ gbalɔ lɛ kwashiafeemɔ lɛ naa.