Jajelɔ 9:11 - ŊMALƐ KRƆŊKRƆŊ LƐ

¹¹ Asaŋ mina akɛ jeŋ ni ayɔɔ mli nɛɛ lɛ, jeee be fɛɛ be mɔ ni najiaŋ wa yeɔ foidamɔ mli kunim, aloo kãkãlɔ yeɔ ta mli kunim; aloo nilelɔ naa edaaŋŋmaa, aloo hiɛshikãlɔ tsɔ̃ɔ niiatsɛ, aloo mɔ ni he esa yɛ nitsumɔ ko mli hiɛ baa nyam; shi amɛ fɛɛ lɛ dromɔ naa kɛkɛ ni.

Ṅmãle̱ Kroṅkroṅ Le̱

¹¹ Misā mina ya hũlũ šiši, ake̱ dšee heoyátše̱mei anõ dši foidamo̱, ni dšee ekãto̱i hũ anõ dši ta, ni asaṅ dšee nilelo̱i anõi dši abolo, ni asaṅ dšee sanese̱ko̱lo̱i anõ dši nii ni asaṅ dšee ṅālo̱i anõ dši hĩenyam; ši ame̱fē le̱ be ke̱ ame̱šē̱ mli dše̱o̱. Ier. 10,13.

Jajelɔ 9:11 ပူးပေါင်းရင်းမြစ်များ

2 Samuel 17:14

Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

2 Kronika 20:15

Kɛkɛ ni Yahaziel kɛɛ asafo lɛ akɛ, “Maŋtsɛ kɛ Yudabii kɛ Yerusalɛm maŋbii fɛɛ ni naa ekpe shi, nɔ ni Yehowa kɛɔ nyɛ nɛ, ‘Nyɛkashea gbeyei, asaŋ nyɛtsui akafãa hu yɛ ta babaoo nɛɛ hewɔ, ejaakɛ ta ni abaawu lɛ ebɛ nyɛdɛŋ, Nyɔŋmɔ dɛŋ eyɔɔ.’

Hiob 34:29

Kɛji Nyɔŋmɔ fee diŋŋ lɛ, namɔ baanyɛ lɛ ashwa? Kɛji ekɛ ehiɛ tee lɛ namɔ baanyɛ ehiɛ lɛ ena?

Lalai 76:5

Nibii fɛɛ ni hii kãkãlɔi lɛ ha lɛ, ashɔ̃ yɛ amɛdɛŋ; tabilɔi lɛ gboi, ni amɛteŋ mɔ ko mɔ ko nyɛɛɛ enine nɔ ewo ekɛfã ehe.

Abe̱i 1:5

Nilelɔ hu nuɔ, ni ekaseɔ nii efataa enilee he. Amɛhãa mɔ ni nuɔ niiashishi hu leɔ ŋaa.

Jajelɔ 2:12

Ejaakɛ mɛni po maŋtsɛ ni ebaye maŋtsɛ kroko sɛɛ baanyɛ efee? Nɔ ni mɛi ni etsɔ̃ ehiɛ lɛ fee lɛ, no nɔŋŋ pɛ lɛ hu ebaafee. No hewɔ lɛ, agbɛnɛ, miku sɛɛ misusu nilee kɛ sɛkɛyeli kɛ kwashiafeemɔ he.

Jajelɔ 3:14

Miyoo akɛ nɔ fɛɛ nɔ ni Nyɔŋmɔ fee lɛ, ehiɔ shi kɛyaa naanɔ; anyɛŋ akɛ nɔ ko afata he lɛ, anyɛŋ ajie nɔ ko kɛje mli hu. Nyɔŋmɔ efee nɔ lɛ nakai, bɔ ni afee ni gbɔmɔ adesa ashe lɛ gbeyei. Nɔ ni yɔɔ amrɔ nɛɛ lɛ, ebaho etee dã, ni nɔ hu ni baaba lɛ eba dã. Nyɔŋmɔ tiuɔ nɔ ni eba ni ewo lɛ gbɛ kɛtee momo lɛ sɛɛ.

Jajelɔ 3:17

Mikɛɛ mihe akɛ, “Nyɔŋmɔ baakojo jalɔ lɛ kɛ mɔ fɔŋ lɛ fɛɛ, ejaakɛ eto be ehã sane fɛɛ sane kɛ nitsumɔ fɛɛ nitsumɔ.”

Jajelɔ 4:1

Asaŋ mikwɛ yiwalɛ nibii ni afeɔ yɛ je lɛ mli lɛ. Naa yaafonui jwere mɛi ni awaa amɛ yi lɛ ahiɛ, shi amɛbɛ mɔ ko ni shɛjeɔ amɛmii. Mɛi ni waa amɛ yi lɛ yɛ hewalɛ ko yɛ amɛsɛɛ, ni mɔ ko bɛ ni shɛjeɔ amɛmii.

Jajelɔ 4:4

Agbɛnɛ miyoo akɛ deŋme ni gbɔmɔ gboɔ fɛɛ, kɛ tɔlɛ ni etɔɔ lɛ fɛɛ lɛ, fɛɛ jɛɔ ehiɛ ni kɔ̃ɔ enaanyo nɔ. Enɛ hu yakanii ni, ni etamɔ kɔɔyɔɔ abɔyeli.

Jajelɔ 7:13

Susumɔ Nyɔŋmɔ nitsumɔ he. Namɔ baanyɛ ejaje nɔ ni Nyɔŋmɔ diɛŋtsɛ ekɔ̃dɔ̃ lɛ.

Jajelɔ 9:2

ejaakɛ jalɔ kɛ mɔ ni ejaaa, kɛ gbɔmɔ kpakpa kɛ gbɔmɔ fɔŋ, kɛ mɔ ni he tse kɛ mɔ ni he tseee, kɛ mɔ ni shãa afɔle kɛ mɔ ni eshãaa afɔle fɛɛ lɛ, amɛ fɛɛ lɛ amɛnaagbee kome. Nɔ ni baa gbɔmɔ kpakpa nɔ lɛ, no nɔŋŋ baa efɔŋfeelɔ nɔ, ni nakai nɔŋŋ baa mɔ ni kãa kitã kɛ mɔ ni kãaa kitã fɛɛ nɔ.

Jajelɔ 9:3

Nɔ ko ni ejaaa yɛ nii fɛɛ ni afeɔ yɛ je nɛɛŋ ji akɛ mɛi fɛɛ anaagbee afee ekome. Gbɔmɛi atsuiiaŋ eyimɔ obɔ̃bɔ̃ kɛ efɔŋ kɛ sɛkɛyeli nifeemɔi, beiaŋ ni amɛyɔɔ walaŋ, shi no sɛɛ lɛ amɛgboiɔ, ni amɛyaa gbohiiaje.

Yeremia 46:6

“Mɔ ni le foijee nyɛŋ foi aje, ni nuu kakabãŋ he ejeŋ mli; amɛtɛrɛtɛrɛi, ni amɛnyɔnyɔi yɛ kooyigbɛ, yɛ Eufrate Faa lɛ naa.

Yeremia 48:14

“Moabbii, te feɔ tɛŋŋ ni nyɛkɛɔ akɛ, kãkãlɔi kɛ ta mli kãkãlɔi ji wɔ?

Yeremia 9:23

Nilelɔ akashwã kɛmiifɔ̃ enilee nɔ. Hewalɔ hu akashwã kɛmiifɔ̃ ehewalɛ nɔ, ni niiatsɛ akashwã kɛmiifɔ̃ eninamɔ nɔ;

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

Maleaki 3:18

No dani nyɛbaana ekoŋŋ nɔ srɔto ni yɔɔ jalɔ kɛ efɔŋfeelɔ teŋ, kɛ srɔto ni yɔɔ mɔ ni sɔ̃mɔɔ Nyɔŋmɔ kɛ mɔ ni sɔ̃mɔɔɔ Nyɔŋmɔ teŋ.”

Efesobii 1:11

Lɛ emli wɔna gboshinii lɛ hu yɛ, wɔ mɛi ni ajie wɔ ato yɛ mɔ ni tsuɔ nibii fiaa lɛ gbɛjianɔtoo naa, yɛ eyiŋ ni eto bɔ ni lɛ diɛŋtsɛ esumɔɔ lɛ naa,

5 Mose 8:17

No hewɔ lɛ, nyɛkwɛa ni ahia koni nyɛkakɛɛ yɛ nyɛtsuiŋ yɛ he akɛ, ‘Wɔ diɛŋtsɛ wɔhewalɛ kɛ nyɛmɔ naa hã wɔshwere nɛkɛ nɛɛ.’

5 Mose 8:18

Shi moŋ nyɛkaia akɛ Yehowa, nyɛNyɔŋmɔ lɛ, lɛ ji mɔ ni duro nyɛ hewalɛ ni nyɛkɛna nii ni nyɛyɔɔ lɛ, koni ehã ekpãŋmɔ ni ekã nyɛtsɛmɛi lɛ kitã yɛ he lɛ ama shi, tamɔ nyɛnaa ŋmɛnɛ nɛɛ lɛ.

1 Samuel 17:50

Belɛ David kɛ akromia kɛ tɛ ye Goliat nɔ, ni egbe lɛ tsɛbelɛ ehiɛɛɛ klante po.

1 Samuel 6:9

Nyɛkwɛa eyisɛɛ. Kɛji adeka lɛ wo ehiɛ ema lɛ diɛŋtsɛ eshikpɔŋ lɛ nɔ gbɛ kɛtee Bet-Shemesh lɛ, no tsɔ̃ɔ akɛ Israel Nyɔŋmɔ lɛ ji mɔ ni ye wɔ awui kpeteŋkple nɛɛ lɛ; shi kɛji shwiili lɛ eyaaa jɛi lɛ belɛ wɔna wɔle akɛ jeee Yehowa piŋ wɔ lɛ, shi osharã ko kɛkɛ ni basharã wɔ.”