Jajelɔ 9:10 - ŊMALƐ KRƆŊKRƆŊ LƐ

¹⁰ Nɔ fɛɛ nɔ tsumɔ ni ooomɔ mli lɛ, tsu kɛ onyɛmɔ fɛɛ, ejaakɛ gbohiiaje he ni oyaa lɛ, nɔ ni atsɛɔ lɛ nitsumɔ loo yiŋshwiemɔ loo nilee loo jwɛŋmɔ lɛ eko bɛ jɛi.

Ṅmãle̱ Kroṅkroṅ Le̱

¹⁰ Nofẽno tšumo̱ ní onine aaše̱ no̱ le̱, oke̱ ohewale̱ atšu; edšake̱ nitšumo̱ lo yiṅſíemo̱ lo nilē lo ṅā ko be̱ gbohĩĩadše heni oyaä le̱.

Jajelɔ 9:10 ပူးပေါင်းရင်းမြစ်များ

1 Mose 37:35

Ebihii kɛ ebiyei lɛ fɛɛ te shi koni amɛbashɛje emii, shi ekpɛlɛɛɛ miishɛjemɔ, ni ekɛɛ, “Ŋkɔmɔyeli mikɛaaya ayanina mibi lɛ yɛ gbohiiaje.” Nɛkɛ gbɛ nɔ Yosef tsɛ tsɔ efo lɛ.

1 Kronika 22:19

No hewɔ lɛ, agbɛnɛ nyɛkɛ nyɛtsuii kɛ nyɛnyɛmɔ fɛɛ asɔmɔa Yehowa. Nyɛtea shi ni nyɛmaa Yehowa Nyɔŋmɔ lɛ Sɔlemɔ we lɛ koni akɛ Yehowa Kpãŋmɔ Adeka lɛ kɛ tsɛnsii kɛ nibii krɔŋkrɔŋi ni akɛjaa lɛ lɛ fɛɛ abamamɔ tsu ni ama ni aja Yehowa yɛ jɛi lɛ mli.”

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

Nehemia 2:12

Ni mite shi nyɔɔŋ, mi kɛ hii fioo ko ni fata mihe lɛ. Shi migbako mɔ ko mɔ ko nɔ ni miNyɔŋmɔ lɛ kɛwo mitsui mli akɛ miyafee mihã Yerusalɛm lɛ. Asaŋ mihiɛɛɛ kooloo ko kooloo ko hu akɛ ja kooloo ni mita nɔ lɛ pɛ kɛkɛ.

Nehemia 4:2

ni ekɛɛ yɛ enyɛmimɛi lɛ kɛ Samaria tabilɔi lɛ ahiɛ akɛ, “Mɛni nɛkɛ Yudafoi wudɔwudɔi nɛɛ feɔ nɛɛ? Ani aŋmɛ amɛ gbɛ? Ani amɛsusuɔ akɛ kɛji amɛshã afɔlei lɛ amɛaanyɛ nitsumɔ lɛ naa amɛgbe gbi kome jenamɔ lo? Kolɛ amɛaanyɛ amɛ jie tɛi lɛ yɛ tsu koi ni ashã ni bua shi kuikui lɛ amli lo?”

Nehemia 4:6

No hewɔ lɛ, wɔtswa gbogbo lɛ kɛkpe kɛyashi enɔkwɔlɛ lɛ mlijaa, ejaakɛ maŋ lɛ yɛ nitsumɔ lɛ he tsui.

Hiob 10:21

dani maya he ni kɛ mitee, ni mijɛŋ jɛi mibaŋ dɔŋŋ, he ni ji duŋ kpii kɛ gbele hɔ̃ɔŋ shikpɔŋ lɛ,

Hiob 10:22

duŋ kpii shikpɔŋ kɛ enɔ sakasaka, he ni la ji duŋ lɛ.”

Hiob 21:13

Amɛyeɔ ejurɔ yɛ amɛwala mli, ni amɛyaa gbohiiaje kpoo kɛ toiŋjɔlɛ.

Lalai 6:5

Ejaakɛ akaiii bo yɛ gbele mli; ni gbohiiaje hu namɔ aaajie oyi yɛ jɛi?

Abe̱i 3:28

Kɛji nɔ ko yɛ odɛ̃ŋ ni ooonyɛ okɛfee onaanyo lɛ ejurɔ lɛ, kaafee lɛ “Yaa ni oba, yaa ni oba”.

Jajelɔ 11:3

Kɛji atatuiaŋ yi tɔ kɛ nu lɛ, amɛnɛɔ nu amɛshwieɔ shikpɔŋ lɛ nɔ; ni kɛji tso yaagbee shi, ni eyagbee wuoyigbɛ loo kooyigbɛ lɛ, eshigbeemɔhe lɛ nɔŋŋ ekãa.

Jajelɔ 11:6

Du odumɔwui leebi kɛ gbɛkɛ fɛɛ, ejaakɛ onyɛŋ ole wui lɛ ateŋ nɔ ni baahi, enɛ loo enɛ, loo kɛji fɛɛ aaahi.

Yesaia 38:10

Misusu akɛ miwala teŋ tuuŋtu lɛ, mashi kɛya gbohiiaje agboi lɛ anaa, mayaye mifii ni eshwɛ lɛ yɛ jɛi.

Yeremia 29:13

Nyɛaatao mi, ni nyɛaana mi, kɛji nyɛtao misɛɛgbɛ kɛ nyɛtsui fɛɛ lɛ.

4 Mose 13:30

Shi Kaleb tswa bɔfoi lɛ anaa mã yɛ Mose hiɛ ni ekɛɛ akɛ, “Nyɛhãa wɔyaa kɛ̃ koni wɔyaŋɔa shikpɔŋ lɛ ejaakɛ wɔbaanyɛ amɛnɔ kunim wɔye aahu.”

Mateo 20:7

Amɛkɛɛ lɛ akɛ, ‘Akɛni mɔ ko ebɔko wɔ apaa lɛ hewɔŋ.’ Ekɛɛ amɛ akɛ, ‘Nyɛ hu nyɛyaa waintrom lɛ mli.’

Mateo 6:33

Shi nyɛtaoa Nyɔŋmɔ Maŋtsɛyeli lɛ kɛ ejalɛ lɛ tsutsu ni akɛ nii nɛɛ fɛɛ aaafata he ahã nyɛ.

Yohane 4:34

Yesu kɛɛ amɛ akɛ, “Miŋmaa ji akɛ mafee mɔ ni tsu mi lɛ suɔmɔnaanii, ni magbe enitsumɔ lɛ naa.

Yohane 5:4

Ejaakɛ bei komɛi lɛ ŋwɛi bɔfo ko kpelekeɔ shi kɛbaa kpaakpo lɛ mli ni ebataa nu lɛ mli; kɛkɛ lɛ emlitaa lɛ sɛɛ lɛ, mɔ fɛɛ mɔ ni yagbeɔ nu lɛ mli tsutsu lɛ, hela fɛɛ hela ni eyeɔ lɛ ehe tãa.]

Yohane 9:4

Mi lɛ, ni je etsɛre nɛɛ, ja mitsu mɔ ni tsu mi lɛ nitsumɔi lɛ, je baana, be ni mɔ ko nyɛŋ nii atsu.

Romabii 12:11

Nyɛmɔdɛŋbɔɔ lɛ naa akabaa shi; nyɛmumɔ lɛ he adɔa la; nyɛsɔ̃mɔa Nuŋtsɔ lɛ.

1 Korintobii 15:10

Shi Nyɔŋmɔ dromɔ naa mi ji mɔ ni mi ji nɛɛ, ni edromɔ ni eduro mi lɛ efeee yaka; shi moŋ mitsu nii waa fe amɛ fɛɛ; shi jeee mi mitsu, shi moŋ Nyɔŋmɔ dromɔ ni kɛ mi yɔɔ lɛ.

1 Korintobii 16:10

Shi kɛji Timoteo ba lɛ, nyɛkwɛa ni ekɛ gbeyeishemɔ akahi shi yɛ nyɛteŋ; ejaakɛ Nuŋtsɔ lɛ nitsumɔ etsuɔ tamɔ mi nɔŋŋ.

1 Korintobii 9:24

Ani nyɛleee akɛ foidamɔ mli lɛ, foidalɔi lɛ fɛɛ daa moŋ, shi mɔ kome kɛkɛ naa emli juromɔ nɔ lɛ? Nyɛdaa foi lɛ nakai, koni nyɛnine ashɛ nɔ.

1 Korintobii 9:26

No hewɔ lɛ, foi ni midaa nɛɛ, midaaa lɛ kɛkɛ ni oti emaaa mihiɛ; nɔmɔ ni minɔɔ nɛɛ, jeee kɔɔyɔɔ mikɛnɔɔ;

Efesobii 5:16

mɛi ni tsuɔ amɛbe he nii, ejaakɛ gbii nɛɛ gbii fɔ̃ji ni.

Kolosebii 3:23

Ni nɔ fɛɛ nɔ ni nyɛfeɔ lɛ, nyɛjiea nyɛmusuŋ nyɛtsua, tamɔ akɛ Nuŋtsɔ lɛ nyɛtsuɔ nyɛhã ni jeee gbɔmɛi,

1 Samuel 10:7

Kɛji okadii nɛɛ ba mli nakai hã bo lɛ, nɔ fɛɛ nɔ ni aaaje ogbɛfaŋ lɛ ofee ejaakɛ Nyɔŋmɔ ni baakpala bo.