Jajelɔ 8:17 - ŊMALƐ KRƆŊKRƆŊ LƐ

¹⁷ mina mile Nyɔŋmɔ dɛŋ nitsumɔi fɛɛ; shi mina akɛ bɔ fɛɛ bɔ ni gbɔmɔ baagba ehe naa ehã lɛ, enuŋ nii ni yaa nɔ yɛ je nɛɛ mli lɛ shishi kɔkɔɔkɔ. Tsɛbelɛ nilelɔ aaakɛɛ akɛ ena ele nii fɛɛ nɛ, shi anɔkwale ji akɛ enyɛŋ ele nɔ fɛɛ nɔ.

Ṅmãle̱ Kroṅkroṅ Le̱

¹⁷ keke ni mina Nyoṅmo̱ nitšumo̱ le̱ fẽ, ni mina ake̱ gbomo nyẽṅ ana nitšumo̱ ní atšuo̱ ye̱ hũlũ šiši ne̱ nā; edšake̱ ké̱ gbomo gbo deṅme etao nā ake̱ mẽ, enaṅ; ni ké̱ nilelo̱ ké̱ eele hũ, eleṅ. 3,11.

Jajelɔ 8:17 ပူးပေါင်းရင်းမြစ်များ

Hiob 5:9

lɛ mɔ ni efeɔ nibii wuji ni anaaa naa, kɛ naakpɛɛ nibii hu ni ehiii kanemɔ lɛ.

Lalai 104:24

Oo Yehowa, onitsumɔi lɛ fa naakpa, fɛɛ jɛ onilee mli. Shikpɔŋ lɛ nɔ eyi tɔ kɛ onibɔɔnii sɔŋŋ.

Lalai 40:5

Oo Yehowa, miNyɔŋmɔ, Onaakpɛɛ nibii lɛ fa babaoo hã wɔ; ni ojwɛŋmɔ ni oyɔɔ yɛ wɔhe lɛ hu fa naakpa. Mɔ ko bɛ ni akɛ lɛ aaato ohe. Kɛji majaje ni mawie he lɛ, amɛfa fe bɔ ni aaanyɛ akane.

Lalai 73:16

Shi be ni mibɔ mɔdɛŋ misusu he koni manu sane lɛ shishi lɛ, mina akɛ ewa tsɔ̃ hã mi.

Jajelɔ 1:13

Mikɛma mihiɛ akɛ mikɛ nilee baagbugbuu shi, kɛtao nɔ fɛɛ nɔ ni afeɔ yɛ jeŋ; ni naa, eko fɛɛ eko lɛ yakanii ni.

Jajelɔ 11:5

Bɔ ni onyɛŋ ole bɔ ni feɔ ni mumɔ baa bi ni yɔɔ yoohɔlɔ musuŋ lɛ, nakai nɔŋŋ onyɛŋ ole bɔ ni Nyɔŋmɔ tsɔ̃ɔ tsuɔ enii fɛɛ.

Jajelɔ 3:11

Ehãa nɔ fɛɛ nɔ feɔ akɔnɔ yɛ ebe mli, asaŋ ekɛ naanɔ he susumɔ ewo adesa mli, kɛ̃lɛ adesa nyɛŋ ena ele nɔ ni Nyɔŋmɔ etsu kɛjɛ jeŋ shishitoo kɛyaagbee naanɔ.

Jajelɔ 7:13

Susumɔ Nyɔŋmɔ nitsumɔ he. Namɔ baanyɛ ejaje nɔ ni Nyɔŋmɔ diɛŋtsɛ ekɔ̃dɔ̃ lɛ.

Yesaia 40:28

Ani oleee? Ani onuko dã Yehowa ji naanɔ Nyɔŋmɔ lɛ, jeŋ tso muu lɛ fɛɛ bɔlɔ lɛ. Etɔɔɔ lɛ, ni egbɔjɔɔɔ hu, ni aleee ejwɛŋmɔ mlikwɔlɛ.

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!