Jajelɔ 8:13 - ŊMALƐ KRƆŊKRƆŊ LƐ

¹³ shi yiwalɔ lɛ ehiŋ ehaŋ lɛ, ni ewala sɛɛ etsɛŋ tamɔ hɔ̃ɔŋ, ejaakɛ esheee Nyɔŋmɔ gbeyei.

Ṅmãle̱ Kroṅkroṅ Le̱

¹³ Ši ehiṅ hãṅ mofõṅ, ni etše̱ṅ ye̱ dšeṅ, etamo̱ hō̃ṅ: edšake̱ ešee gbeyei ye̱ Nyoṅmo̱ hĩe.

Jajelɔ 8:13 ပူးပေါင်းရင်းမြစ်များ

Hiob 14:2

Ewala nɛɛ tamɔ fɔfɔi; ekwɛ̃ɔ, ni eŋalaa shwiaa; ehoɔ tamɔ hɔ̃ɔŋ, ni etsɛɛɛ.

Hiob 18:5

Hɛɛ, abaagbe mɔ fɔŋ kane lɛ, ni ela lɛ etsoŋ dɔŋŋ!

Hiob 20:5

akɛ efɔŋfeelɔi anyamɔ sɛɛ etsɛɛɛ, ni mɛi ni sheee Nyɔŋmɔ gbeyei amiishɛɛ yeɔ hiŋmɛitswaa kɛkɛ!

Hiob 21:30

akɛ abaa yiwalɔ yi yɛ amanehulu gbi lɛ nɔ; ni mlifu gbi lɛ nɔ lɛ ahereɔ eyiwala?

Lalai 11:5

Yehowa kaa jalɔ kɛ mɔ fɔŋ fɛɛ ekwɛɔ, shi yiwalɔ lɛ, Yehowa miihi lɛ.

Lalai 144:4

Gbɔmɔ lɛ etamɔ kɔɔyɔɔ, egbii lɛ tamɔ hɔ̃ɔŋ ni hoɔ.

Lalai 37:1

Kaawo otsui he la yɛ efɔŋfeelɔi ahewɔ; asaŋ ohiɛ akakɔ̃ mɛi ni feɔ nii ni ejaaa gbɛ lɛ anɔ.

Lalai 39:5

Naa, ofee miwala gbii kuku lɛ tamɔ dɛ̃ lɛɛmɔ, ni miwala be lɛ, jeee nɔ ko nɔ ko yɛ ohiɛ. Bɔ fɛɛ bɔ ni gbɔmɔ adesa yɔɔ lɛ, kɛ efee floŋŋ tamɔ mɛ, lamɔ kɛkɛ ji lɛ.

Lalai 55:23

Shi, ao, bo Nyɔŋmɔ, obaashɛrɛ amɛ oshwie bu kwɔŋkwɔŋ lɛ mli. Mɔgbelɔi kɛ kutumpɔfoi lɛ, amɛyeŋ amɛwala gbii amli fã tete. Shi, mi lɛ, bo onɔ maŋɔ mihiɛ mafɔ̃.

Jajelɔ 3:14

Miyoo akɛ nɔ fɛɛ nɔ ni Nyɔŋmɔ fee lɛ, ehiɔ shi kɛyaa naanɔ; anyɛŋ akɛ nɔ ko afata he lɛ, anyɛŋ ajie nɔ ko kɛje mli hu. Nyɔŋmɔ efee nɔ lɛ nakai, bɔ ni afee ni gbɔmɔ adesa ashe lɛ gbeyei. Nɔ ni yɔɔ amrɔ nɛɛ lɛ, ebaho etee dã, ni nɔ hu ni baaba lɛ eba dã. Nyɔŋmɔ tiuɔ nɔ ni eba ni ewo lɛ gbɛ kɛtee momo lɛ sɛɛ.

Jajelɔ 5:7

Kɛji lamɔi fa pɛ, wiemɔi hu efa; shi bo lɛ oshe Nyɔŋmɔ gbeyei.

Jajelɔ 6:12

Namɔ le nɔ ni hi hã gbɔmɔ adesa ni eyɔɔ yaka wala be kukuoo nɛɛ ni hoɔ tamɔ lamɔ nɛɛ mli? Ni namɔ baanyɛ egba gbɔmɔ nɔ ni baaba jeŋ yɛ egbele sɛɛ?

Jajelɔ 7:15

Mina mihiɛ nii yɛ yaka je nɛɛ mli. Jalɔ gboɔ yɛ ejalɛ nifeemɔ mli, ni gbɔmɔ fɔŋ lɛ moŋ wala sɛɛ tsɛɔ yɛ efɔŋ ni efeɔ mli.

Jajelɔ 7:18

Ehi akɛ omɔɔ enɛ mli, ni kaajie onine yɛ he; ejaakɛ mɔ ni sheɔ Nyɔŋmɔ lɛ ebaaje fɛɛ mli shweshweeshwe.

Jajelɔ 8:8

Mɔ ko kwraa bɛ hewalɛ ni ekɛaatsĩ gbɔmɔ wala mumɔ naa koni ekafã yɛ emli; ni gbi ni gbɔmɔ gboɔ lɛ, mɔ ko kwraa bɛ hewalɛ yɛ nɔ. Ta ko ni wɔnyɛŋ naa foi wɔje ni; ni nɔ ko hu nyɛŋ ehã mɛi ni ahe yɔɔ mli aje mli.

Yesaia 3:11

Shi kpoo ha efɔŋfeelɔ; ehiŋ ehaŋ lɛ, ejaakɛ nɔ ni ekɛfee mɛi krokomɛi lɛ, no nɔŋŋ akɛbaafee lɛ.

Yesaia 30:13

hewɔ lɛ nɔsha ni nyɛfee nɛɛ aaahã nyɛtsɔ̃ tamɔ gbogbo gojoo ni mli egba, ni ekpa, ni eehe egbee shi, ni trukaa hiŋmɛitswaa mli lɛ eeekumɔ eshwie shi.

Yesaia 57:21

Hejɔlɛ ko bɛ ha mɛi fɔ̃ji.” MiNyɔŋmɔ lɛ kɛɛ.

Yesaia 65:20

Bi fufɔoo ko bɛ jɛi ni aaaye gbii fioo kɛkɛ yɛ wala mli, loo onukpa ko ni eyi yɛŋ yɛ jeŋ. Gbɔmɔ kpakpa aaaye afii oha nɛ, shi aaana lɛ akɛ oblanyo; ni mɔ fɔŋ ni naa afii oha lɛ, aaaŋɔ lɛ akɛ mɔ ni alomɔ lɛ.

Yeremia 44:10

Ni kɛbashi ŋmɛnɛ gbi nɛɛ lɛ, nyɛbako nyɛhe shi, ni nyɛsheko gbeyei, ni asaŋ nyɛbako nyɛjeŋ yɛ mlai kɛ akpɔi ni miwo nyɛ kɛ nyɛtsɛmɛi lɛ anaa.

Maleaki 3:18

No dani nyɛbaana ekoŋŋ nɔ srɔto ni yɔɔ jalɔ kɛ efɔŋfeelɔ teŋ, kɛ srɔto ni yɔɔ mɔ ni sɔ̃mɔɔ Nyɔŋmɔ kɛ mɔ ni sɔ̃mɔɔɔ Nyɔŋmɔ teŋ.”

Yohane 5:29

ni amɛaaje kpo, mɛi ni efee ekpakpa lɛ aaate shi kɛaatee wala mli, ni mɛi ni etsu nishaianii lɛ aaate shi kɛaatee kojomɔ lɛ mli.”

Yakobo 4:14

tsɛ nyɛleee wɔ sane, mɛni ji nyɛwala lɛ? Eji lamɔ ni pueɔ be fioo ko, ni kɛ fee sɛɛ lɛ elaajeɔ.

2 Petro 2:3

Ni amɛkɛ hiɛjoomɔ kɛ shishiumɔ wiemɔi aaatao ni amɛna nyɛhe sɛɛ. Shi kojomɔ ni kã shi hã amɛ kɛjɛ blema beebe lɛ aaaba amɛnɔ, ni amɛhiɛkpãtãmɔ lɛ wɔɔɔ!