Jajelɔ 7:14 - ŊMALƐ KRƆŊKRƆŊ LƐ

¹⁴ Be ni nibii eshwere lɛ, nya; ni kɛji joomɔ be ba lɛ susumɔ he; ejaakɛ Nyɔŋmɔ dɛŋ enyɔ lɛ fɛɛ jɛ, bɔ ni afee ni gbɔmɔ adesa akanyɛ ele nɔ ni baaba wɔsɛɛ.

Ṅmãle̱ Kroṅkroṅ Le̱

¹⁴ Gbĩ kpakpa no̱ le̱, nyã́, ni gbĩ fõṅ no̱ le̱, dſẽṅmo̱ ake̱: Nyoṅmo̱ fe ene̱ ke̱ ene̱ fẽ, beni afe ní gbomo akana noni baba wó̱se̱.

Jajelɔ 7:14 ပူးပေါင်းရင်းမြစ်များ

1 Maŋtsɛmɛi 8:47

ni amɛshwa amɛhe yɛ shikpɔŋ he ni amɛyɔɔ lɛ nɔ lɛ, ni amɛjaje amɛtɔ̃mɔi amɛtsɔ̃ɔ bo, ni amɛkpa bo fai lɛ, Nuŋtsɔ Nyɔŋmɔ, bo amɛsɔlemɔ lɛ toi.

Hiob 2:10

Hiob kɛɛ eŋa lɛ akɛ, “Oowie tamɔ bɔ ni yei kwashiai lɛ wieɔ lɛ. Nɔ kpakpa lɛ wɔhe kɛjɛ Nyɔŋmɔ dɛŋ. Mɛɛba ni nɔ fɔŋ lɛ wɔkahe?” Enɛ fɛɛ mli lɛ, Hiob naa tɛɛɛ shi, ni ewieee wiemɔ gbonyo ko.

Lalai 119:71

Ehi akɛ agbala mitoi, koni makase okpɔi lɛ.

Lalai 40:3

Etsɔ̃ɔ mi lala hee ko lamɔ, no ji lala ni akɛjieɔ wɔNyɔŋmɔ lɛ yi. Mɛi babaoo aaana, ni amɛaashe gbeyei; ni amɛkɛ amɛhiɛ aaafɔ̃ Yehowa nɔ.

Jajelɔ 10:14

Kwashia wieɔ babaoo. Gbɔmɔ ko leee nɔ ni baaba; ni mɔ ko hu nyɛŋ egba lɛ nɔ ni baaba yɛ esɛɛ.

Jajelɔ 11:9

Oblanyo, nya yɛ oblahiiaŋ; hã omii ashɛ ohe yɛ oblahiiaŋ fɛɛ; ye otsui naa sane; feemɔ nɔ ni hi yɛ ohiɛ; shi moŋ kaimɔ akɛ Nyɔŋmɔ kɛ bo baakojo yɛ nibii fɛɛ ni ofee lɛ ahewɔ.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Jajelɔ 12:8

Yakanii mli yakanii, Tsɔɔlɔ lɛ kɛɛ; fɛɛ lɛ yakanii ni.

Jajelɔ 3:22

No hewɔ lɛ, miyoo akɛ nɔ ko ehiii fe enɛ akɛ gbɔmɔ aye enitsumɔ mli ŋɔɔmɔ lɛ eko, ejaakɛ no ji egbɛfaŋ nɔ. Namɔ baanyɛ ekɛ adesa aku sɛɛ kɛba jeŋ koni ebana nɔ ni yaa nɔ yɛ egbele sɛɛ?

Jajelɔ 3:4

Yaafo be yɛ, ni ŋmɔlɔ be hu yɛ; awerɛhoyeli be yɛ, ni be yɛ ni ajoɔ.

Jajelɔ 5:17

ni ewala gbii fɛɛ amli lɛ, ehi duŋ kɛ awerɛho kɛ mlila kpele kɛ hela mli, ni jeŋshihilɛ je etsine?

Jajelɔ 8:7

Gbɔmɔ ko leee nɔ ni baaba; ni namɔ hu aaanyɛ atsɔ̃ɔ lɛ bɔ ni ebaaba lɛ ehã?

Jajelɔ 9:7

Yaa nɔ oye oboloo kɛ miishɛɛ, ni onu owain hu kɛ mliflimɔ, ejaakɛ Nyɔŋmɔ ejɔɔ nɔ ni ofeɔ lɛ nɔ momo.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 42:25

No hewɔ lɛ, efɔse emlifu ni naa wa lɛ eshwie wɔnɔ, ni ehã wɔna ta joomɔ. Eshɛre la ewo wɔhe kpula, shi wɔnuuu shishi, eshã wɔ, shi no gbaaa wɔnaa.

Yeremia 23:20

Yehowa mlifu lɛ sɛɛ efoŋ kɛyashi beyinɔ ni nɔ ni eto eyiŋ akɛ ebaafee lɛ, ena efee egbe naa. Wɔsɛɛ ko dani nyɛaanu sane nɛɛ shishi jogbaŋŋ.”

Yāfó 3:38

Ekpakpa kɛ efɔŋ fɛɛ lɛ, jeee Ŋwɛi Flooflonyo lɛ daaŋ ejeɔ?

Mika 6:9

Ehi akɛ ashe Yehowa gbeyei. Eeetsɛ maŋ lɛ ekɛɛ, “Nyɛboa toi, nyɛ mɛi ni nyɛbuaa nyɛhe naa kɛkpeɔ yɛ maŋ lɛ mli!

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

5 Mose 26:11

Onya nibii kpakpai fɛɛ ni Yehowa, oNyɔŋmɔ lɛ, eduro bo lɛ he, bo kɛ owe lɛ mli bii kɛ Levibii kɛ gbɔi ni kɛ bo yɔɔ lɛ.

5 Mose 28:47

“Ejaakɛ yɛ nii ni Yehowa jɔɔmɔ hã ona babaoo lɛ fɛɛ sɛɛ lɛ, okɛ miishɛɛ kɛ tsuijurɔ jaaa Yehowa, oNyɔŋmɔ lɛ.

5 Mose 8:3

Ehã hɔmɔ ye nyɛ, ni ehã nyɛhumi shi; ni ehã nyɛ mana ni nyɛye, niyenii ko ni nyɛleee, ni nyɛtsɛmɛi hu tete leee nɔ ni ji lɛ, koni nyɛkɛna nyɛle akɛ jeee aboloo pɛ hãa gbɔmɔ yi naa wala, shi moŋ wiemɔ fɛɛ wiemɔ ni jɛɔ Yehowa daaŋ lɛ hãa gbɔmɔ yi naa wala.

5 Mose 8:5

Belɛ nyɛnaa nyɛlea akɛ Yehowa, nyɛNyɔŋmɔ lɛ, miitsɔse nyɛ tamɔ bɔ ni mɔ tsɔseɔ ebi.

Yakobo 5:13

Nyɛteŋ mɔ ko miina amanehulu lo? Esɔle. Mɔ ko ena tsuijurɔ? Ela yijiemɔ lalai.