Jajelɔ 6:3 - ŊMALƐ KRƆŊKRƆŊ LƐ

³ Kɛji mɔ ko fɔ bii oha, ni ewala sɛɛ tsɛ, ni eye afii babaoo, shi eyeee jeŋ nibii kpakpai amli ŋɔɔmɔ lɛ eko, ni enaaa fuu kpakpa hu lɛ, miikɛɛ akɛ abifao ni ashrake tete nɔ hi fe lɛ.

Ṅmãle̱ Kroṅkroṅ Le̱

³ Ke̱dši moko fo̱ oha, ni eye afii pī, ni efii ní eye le̱ amli gbĩĩ le̱ fá babaō, ši esusuma eto̱o̱ ke̱ nii kpakpai, ni asaṅ enáá fū̃ kpakpa le̱, le̱ le̱ mīkē̱ ake̱: fãṅ šrãkemo̱bi āhũ fèle̱.

Jajelɔ 6:3 ပူးပေါင်းရင်းမြစ်များ

1 Mose 33:5

Be ni Esau wo ehiɛ nɔ ni ena yei lɛ kɛ gbekɛbii lɛ, ebi Yakob akɛ, “Namɛi ji mɛi ni kɛ bo nyiɛ nɛɛ?” Ni Yakob to he akɛ, “Bii ni Nyɔŋmɔ eduro otsulɔ lɛ ni.”

1 Mose 47:9

Ni Yakob hã hetoo akɛ, “Afii abɔ ni miye yɛ jeŋ shihilɛ mli ji afii oha kɛ nyɔŋmai etɛ̃. Mifii lɛ faaa ko moŋ nɛ, shi hejaramɔ ji nɔ ni yɔɔ amɛmli. Eshɛɛɛ wala afii babaoo ni mitsɛmɛi lɛ ye yɛ je nɛɛ mli lɛ.”

2 Maŋtsɛmɛi 10:1

Ahab yɛ bihii nyɔŋmai kpawo yɛ Samaria. No hewɔ lɛ, Yehu ŋmala woji ni etsu akɛtee Samaria akɛyahã maŋ lɛ mli lumɛi lɛ kɛ onukpai lɛ kɛ Ahab bii lɛ atsɔselɔi lɛ akɛ,

2 Maŋtsɛmɛi 9:35

Ni amɛyiŋ amɛtee lɛ fuu; shi amɛnaaa nɔ ko akɛ ja eyitsoŋoŋo kɛ enaji kɛ enine kɔkɔi pɛ.

1 Kronika 28:5

Ni Yehowa duro mi bii pii, ni bii nɛɛ fɛɛ ateŋ lɛ eŋɔ̃ mibi Solomon koni ebata Yehowa maŋtsɛyeli sɛ̃i lɛ nɔ kɛye maŋtsɛ yɛ Israel.

2 Kronika 11:21

Ŋamɛi fɛɛ ni Rehoboam ŋɔ ayifalɛ ji nyɔŋma kɛ kpaanyɔ, ni eto hemɛi hu nyɔŋmai ekpaa. Efɔ bihii nyɔŋmai enyɔ kɛ kpaanyɔ kɛ biyei hu nyɔŋmai ekpaa. Rehoboam sumɔ Absalom biyoo Maaka lɛ fe fɛɛ yɛ eŋãmɛi kɛ ehemɛi lɛ fɛɛ ateŋ.

Ester 5:11

Haman kɛ enii ni eyɔɔ kɛ emusuŋbii ayifalɛ kɛ bɔ ni maŋtsɛ lɛ ewo enɔ grɔŋŋ kɛ bɔ ni ehiɛ hewalɛ fe lumɛi kɛ maŋtsɛ tsuji lɛ fɛɛ ateŋ eko fɛɛ eko lɛ shi ehe nɔ etsɔ̃ɔ amɛ.

Ester 7:10

No hewɔ lɛ, atee ni ayasɛŋ Haman moŋ yɛ tso ni ekala akɛ ebaasɛŋ Mɔdekai yɛ nɔ lɛ nɔ. Kɛkɛ ni maŋtsɛ lɛ mlila lɛ jɔ.

Hiob 3:11

“Mɛɛba migbooo yɛ mifɔmɔ mli; mɛɛba minyɔɔɔ be ni ashwie mi shi lɛ?

Hiob 3:16

Aloo mɛɛba mitsɔ̃ɔɔ sharakemɔ bi ni enãaa hulu la lɛ?

Lalai 58:8

Hã amɛtsɔ̃ tamɔ waa mli nu kplãnaa; amɛtsɔ̃ tamɔ bi ni ashrake ni enaaa hulu.

Abe̱i 17:6

Hiimeji akekre ji amɛnabii; ni bii ahiɛnyam ji amɛtsɛmɛi.

Jajelɔ 4:3

Shi mɔ ni nɔ hi fe mɛi enyɔ lɛ fɛɛ anɔ lɛ ji mɔ ni anako afɔ lɛ, ni ebanako nibii fɔ̃ji ni afeɔ yɛ jeŋ lɛ.

Jajelɔ 6:4

Sharakemɔ bi lɛ yaka eba jeŋ lɛ; enyiɛ duŋ mli kɛba, ni duŋ lɛ mli nɔŋŋ etsɔ̃ɔ kɛyaa, ni hiɛ jeɔ enɔ.

Yeremia 22:19

Aaafu lɛ tamɔ afuɔ teji; aaashãtã lɛ ayashɛ afɔ̃ Yerusalɛm agboi lɛ asɛɛ.”

Yeremia 36:30

No hewɔ lɛ, mi Yehowa, nɔ ni mikɛɔ yɛ Yuda Maŋtsɛ Yehoiakim he ji akɛ eshwie ko eshwie ko taŋ David maŋtsɛ sɛ̃i lɛ nɔ kɔkɔɔkɔ; ni abaashɛ egbonyo afɔ̃ he ko ni baahã hulu ashã lɛ shwane, ni bɔ baanyɔ enɔ nyɔɔŋ.

Yeremia 8:2

Abaagbɛ wui nɛɛ amli aka hulu kɛ nyɔɔŋtsere kɛ ŋulamii, ni ji nibii ni amɛsumɔ ni amɛsɔ̃mɔ, ni no hewɔ lɛ, amɛyanyiɛ amɛsɛɛ ni amɛja amɛ lɛ. Abuaŋ amɛwui nɛɛ anaa, ni afuŋ hu; shi moŋ amɛbaatsɔ̃ tamɔ wamɔ yɛ tumo nɔ.

Mateo 26:24

Gbɔmɔ Bi lɛ miiya tamɔ bɔ ni aŋma yɛ ehe lɛ moŋ; shi kpoo hã mɔ ni tsɔ̃ɔ Gbɔmɔ Bi lɛ sɛɛgbɛ lɛ; faŋ nɔ ni anaaa afɔ nakai gbɔmɔ lɛ.”